Dulquer Salmaan: రక్తం ఒకరైతే, దైవత్వం మరొకరు.. ఏనాటిదో ఈ బంధం

తాజాగా ఇద్దరు పరభాషా నటులు తెలుగు సినీ ప్రేమికుల అభిమానానికి గులాములై కంట తడి పెట్టారు. తెలుగు ప్రేక్షకుల గురించి అద్భుతమైన మాటలను చెప్పి తమ ప్రేమను ప్రదర్శించారు. ఆ నటులు ఎవరు, ఏమన్నారంటే..

తెలుగు సినీ ప్రేక్షకులు.. ఇతర భాషా సినీ ప్రేమికుల కంటే ఎంతో ప్రత్యేకం. ఏ భాషా చిత్రమైన, కళాకారుడినైనా ఒక్కసారి ఆరాదిస్తే వదలరు. ఈ పిచ్చి ప్రేమకు సదరు యాక్టర్లు, కళాకారులు ఎప్పటికప్పుడు ఆశ్చర్యం వ్యక్తం చేస్తారు. తాజాగా ఇద్దరు పరభాషా నటులు తెలుగు సినీ ప్రేమికుల అభిమానానికి గులాములై కంట తడి పెట్టారు. తెలుగు ప్రేక్షకుల గురించి అద్భుతమైన మాటలను చెప్పి తమ ప్రేమను ప్రదర్శించారు. ఆ నటులు ఎవరు, ఏమన్నారంటే..

'కంగువ' సినిమా ప్రమోషన్స్ కోసం బాలకృష్ణ ఆన్‌స్టాపబుల్ షోకి వచ్చిన సూర్య అక్కడికి వచ్చిన అభిమానులను చూసి ఆశ్చర్యపోయిన విషయం తెలిసిందే. నిర్వాహకులు కూడా ఊహించని రీతిలో అభిమానులు రావడంతో మేనేజ్మెంట్ షాక్ అయ్యారు. ఆ తర్వాత జరిగిన ప్రెస్‌మీట్‌లో సూర్య మాట్లాడుతూ.. తెలుగు ప్రేక్షకుల ప్రేమకి కన్నీరు పెట్టారు. తెలుగు ప్రేక్షకులతో తనకు ఎదో రక్త సంబంధం ఉందని అన్నారు.

ఇక 'మహానటి' సినిమాతో తెలుగు ప్రేక్షకులకి పరిచయమై 'సీతా రామం' సినిమాతో రామ్ తెలుగు ప్రజల గుండెల్లో నిలిచిపోయిన మళయాళపు సూపర్ స్టార్ దుల్కర్ సల్మాన్. తాజాగా 'లక్కీ భాస్కర్' సినిమాతో మరో అద్భుతమైన బ్లాక్‌బస్టర్ అందుకున్నారు. ఇక తెలుగు ప్రేక్షకులు తనపైన చూపిస్తున్న ప్రేమకి ఎప్పుడు ఆశ్చర్యపోతూనే ఉంటా అన్నారు. సూర్య చెప్పినట్లుగానే దుల్కర్ కూడా తెలుగు ప్రజలతో నా సంబంధం దైవత్వంతో కూడుకున్నది అన్నారు. గతంలోనూ దుల్కర్.. హైదరాబాద్ నా రెండో ఇల్లు అని చెప్పుకున్నారు.