Dhoom Dhaam: చేతన్ కృష్ణ, హెబ్బా పటేల్‌కు అనిల్ రావిపూడి సపోర్ట్
ABN, Publish Date - Nov 02 , 2024 | 09:58 PM
చేతన్ కృష్ణ, హెబ్బా పటేల్ హీరోహీరోయిన్లుగా నటిస్తున్న సినిమా ‘ధూం ధాం’. సాయి కుమార్, వెన్నెల కిషోర్, పృథ్వీరాజ్, గోపరాజు రమణ ఇతర కీలక పాత్రలు పోషిస్తున్నారు. ఫ్రైడే ఫ్రేమ్ వర్క్స్ బ్యానర్ పై లవ్, ఫ్యామిలీ ఎంటర్‌టైనర్‌గా సాయి కిషోర్ మచ్చా దర్శకత్వంలో ఎంఎస్ రామ్ కుమార్ నిర్మిస్తున్నారు. తాజాగా ఈ చిత్ర థియేట్రికల్ ట్రైలర్‌ని మేకర్స్ విడుదల చేశారు. ఈ ట్రైలర్ ఎలా ఉందంటే..
చేతన్ కృష్ణ (Chetan Krishna), హెబ్బా పటేల్ (Hebah Patel) హీరోహీరోయిన్లుగా నటిస్తున్న సినిమా ‘ధూం ధాం’ (Dhoom Dhaam Movie). సాయి కుమార్, వెన్నెల కిషోర్, పృథ్వీరాజ్, గోపరాజు రమణ ఇతర కీలక పాత్రలు పోషిస్తున్నారు. ఫ్రైడే ఫ్రేమ్ వర్క్స్ బ్యానర్ పై లవ్, ఫ్యామిలీ ఎంటర్‌టైనర్‌గా సాయి కిషోర్ మచ్చా దర్శకత్వంలో ఎంఎస్ రామ్ కుమార్ నిర్మిస్తున్నారు. గోపీ మోహన్ స్టోరీ, స్క్రీన్‌ప్లే అందిస్తున్నారు. ఈ నెల 8వ తేదీన ఈ సినిమా గ్రాండ్ థియేట్రికల్ రిలీజ్‌కు రాబోతోంది. శనివారం స్టార్ డైరెక్టర్ అనిల్ రావిపూడి చేతుల మీదుగా ఈ చిత్ర థియేట్రికల్ ట్రైలర్‌ని మేకర్స్ విడుదల చేశారు.
Also Read-యంగ్ చాప్ ఎన్టీఆర్‌కు నారా భువనేశ్వరి ఆశీస్సులపై వైవిఎస్ చౌదరి స్పందనిదే..
ట్రైలర్ విడుదల అనంతరం డైరెక్టర్ అనిల్ రావిపూడి (Anil Ravipudi) మాట్లాడుతూ.. ‘ధూం ధాం’ సినిమా ట్రైలర్‌ను నా చేతుల మీదుగా రిలీజ్ చేయడం సంతోషంగా ఉంది. ఫుల్ ఔట్ అండ్ ఔట్ ఎంటర్‌టైనర్‌గా ఈ సినిమా తెరకెక్కిందనే విషయాన్ని ఈ ట్రైలర్ తెలియజేస్తోంది. ఇండస్ట్రీలోని 80 పర్సెంట్ ఆర్టిస్టులు ఈ సినిమాలో నటించారు. ట్రైలర్ ఆద్యంతం ఫన్ అందించింది. టీమ్ అందరికీ ఆల్ ది బెస్ట్ చెబుతున్నాను. ప్రొడ్యూసర్ రామ్ కుమార్ నాకు బాగా తెలిసిన వ్యక్తి. డైరెక్టర్ సాయి కిషోర్.. నేను శ్రీను వైట్ల గారి దగ్గర వర్క్ చేసినప్పటి నుంచి పరిచయం. ఆయనలో మంచి ఫన్ టైమింగ్ ఉంటుంది. వీరి ప్రయత్నం సక్సెస్ కావాలి. ఈ నెల 8న సినిమా రిలీజ్ అవుతోంది. మీ అందరి సపోర్ట్ దక్కుతుందని కోరుకుంటున్నాను. ‘ధూం ధాం’ సినిమా మంచి సక్సెస్ సాధించి మంచి రెవెన్యూ రావాలి. చేతన్‌కు నా బెస్ట్ విశెస్ తెలియజేస్తున్నానని అన్నారు.
ట్రైలర్ విషయానికి వస్తే.. భూపతి ఫ్యామిలీలో కాబోయో అల్లుడిగా ఎన్ఆర్ఐ వెన్నెల కిషోర్ అడుగుపెట్టడంతో ట్రైలర్ మొదలైంది. ఆయన కజిన్‌గా హీరో చేతన్ అరంగేట్రం చేశారు. పెళ్లి ఇంట హీరోతో పాటు వెన్నెల కిషోర్ చేసిన హంగామా కావాల్సినంత ఫన్ క్రియేట్ చేసింది. ఫారిన్‌లో ఉన్నప్పుడే అతనికి హీరోయిన్‌తో లవ్ స్టోరీ ఉంటుంది. హీరో ప్రేమకథకు, అతను ఈ ఊరికి రావడానికి సంబంధం ఏంటి? తండ్రిని ప్రాణంగా ప్రేమించే కొడుకుగా హీరో ఆయన కోసం ఏం చేశాడు? అనేది ట్రైలర్‌లో ఆసక్తికరంగా చూపించారు. తండ్రిగా సాయికుమార్ పాత్ర హైలెట్ అయ్యేలా అనిపిస్తోంది. అలాగే గోపీసుందర్ కంపోజ్ చేసిన మూడు ఛాట్ బస్టర్ సాంగ్స్ ట్రైలర్‌కు ఆకర్షణగా నిలిచాయి. ఇలా ఎంటర్‌టైన్‌మెంట్, లవ్, ఫ్యామిలీ ఎమోషన్స్, మ్యూజిక్‌తో ఈ ట్రైలర్ సినిమాపై భారీగా అంచనాలను పెంచేస్తోంది.