Srinu Vaitla: ధూం ధాం.. నవ్వులు గ్యారెంటీ.. 

చేతన్ కృష్ణ(Chetan krishna), హెబ్బా పటేల్  (hebah patel) జంటగా నటిస్తున్న సినిమా "ధూం ధాం" (Dhoom Dhaam) సాయి కుమార్, వెన్నెల కిషోర్, పృథ్వీరాజ్, గోపరాజు రమణ  కీలక పాత్రలు పోషిస్తున్నారు. ఫ్రైడే ఫ్రేమ్ వర్క్స్ బ్యానర్ పై ఎంఎస్ రామ్ కుమార్ నిర్మిస్తున్నారు.

చేతన్ కృష్ణ(Chetan krishna), హెబ్బా పటేల్  (hebah patel) జంటగా నటిస్తున్న సినిమా "ధూం ధాం" (Dhoom Dhaam) సాయి కుమార్, వెన్నెల కిషోర్, పృథ్వీరాజ్, గోపరాజు రమణ  కీలక పాత్రలు పోషిస్తున్నారు. ఫ్రైడే ఫ్రేమ్ వర్క్స్ బ్యానర్ పై ఎంఎస్ రామ్ కుమార్ నిర్మిస్తున్నారు. లవ్, ఫ్యామిలీ ఎంటర్ టైనర్ గా దర్శకుడు సాయి కిషోర్ మచ్చా రూపొందిస్తున్నారు. గోపీ మోహన్ స్టోరీ స్క్రీన్ ప్లే అందిస్తున్నారు. ఈ నెల 8వ తేదీన ఈ సినిమా గ్రాండ్ థియేట్రికల్ రిలీజ్ కు రాబోతోంది. సోమవారం హైదరాబాద్ లో "ధూం ధాం" ప్రీ రిలీజ్ ఈవెంట్ నిర్వహించారు. 

డైరెక్టర్ శ్రీను వైట్ల మాట్లాడుతూ " సాంగ్స్ చాలా బాగున్నాయి. ఫస్టాప్ ప్లెజంట్ గా ఉండి, సెకండాఫ్ హిలేరియస్ గా ఉందని ఈ సినిమాకు వర్క్ చేసిన నా ఫ్రెండ్స్ చెప్పారు. మా రెడీ సినిమా అప్పుడు కూడా సెకండాఫ్ హిలేరియస్ గా ఉందనే టాక్ బిఫోర్ రిలీజ్ కే వచ్చింది.  రెడీ సినిమాలా "ధూం ధాం" కూడా బ్లాక్ బస్టర్ ఎంటర్ టైనర్ కావాలి.   చేతన్  తండ్రి గర్వపడే స్థాయికి వెళ్లాలి. "ధూం ధాం" సినిమాకు మా గోపీ మంచి స్క్రిప్ట్ చేశాడు. సాయి కిషోర్ ప్యాషనేట్ గా రూపొందించాడు. ఈ సినిమా పెద్ద సక్సెస్ అందుకోవాలి"  అన్నారు.
 
నిర్మాత రామ్ కుమార్ మాట్లాడుతూ  "మా టీమ్ అంతా మనసు పెట్టి పనిచేశారు. రామజోగయ్య శాస్త్రి గారు మంచి లిరిక్స్ ఇచ్చారు. గోపీ సుందర్ గారు ఛాట్ బస్టర్ సాంగ్స్ ఇచ్చారు. ఓ పాటలో ఆయన మా రిక్వెస్ట్ మీద కనిపించారు. బ్యూటిఫుల్ విజువల్స్, సాంగ్స్ ఉన్న చిత్రమిది. మా అబ్బాయి చేతన్ ను హీరోగా మరో మెట్టు ఎక్కిస్తుంది. హెబ్బా పటేల్ బాగా నటించింది, ఎనర్జిటిక్ గా డ్యాన్సులు చేసింది. ఆమెకు కూడా సినిమా పేరు తెస్తుంది. గోపీ మోహన్, సాయి కిషోర్ ఎంతో ప్యాషనేట్ గా ఈ సినిమా తెరకెక్కించారు. ఈ  నెల 8వ తేదీన మూవీ చూడండి" అన్నారు.

డైరెక్టర్ సాయికిషోర్ మచ్చా మాట్లాడుతూ -  సాంగ్స్ బాగున్నాయనే టాక్ వచ్చింది. అందుకు గోపీ సుందర్ గారికి, రామజోగయ్య గారికి థ్యాంక్స్ చెబుతున్నా.  ఎంటర్ టైనింగ్ మూవీ ఇది. బాగా నవ్వుకుంటారు. మీ టికెట్ ధరకు సరిపడా నవ్వులు అందిస్తాం. శ్రీను వైట్ల గారి కామెడీని, వైవీఎస్ గారి సాంగ్స్ స్టైల్ ను ఇన్సిపిరేషన్ గా తీసుకుని ఈ మూవీ చేశాను. సినిమా మేకింగ్ మొత్తం రామ్ కుమార్ గారు ఎంతో సపోర్ట్ చేశారు. సినిమా కోసం ఏది అడిగినా, ఎంత బడ్జెట్ అయినా ఇచ్చారు" అన్నారు. 

హీరో చేతన్ కృష్ణ మాట్లాడుతూ - నాకు యాక్టింగ్ అంటే ప్యాషన్. సినిమాల్లోకి రావాలని ఎప్పటినుంచో కోరిక. ఫస్ట్ ర్యాంక్ రాజు, గల్ఫ్ అనే మూవీస్ చేశాను. కొద్దిగా గుర్తింపు వచ్చింది. అయితే  ఆశించిన సక్సెస్ దక్కలేదు.ఒక మంచి ప్రయత్నంగా  అలా రూపుదిద్దుకున్నదే "ధూం ధాం" సినిమా. మన తెలుగు మూవీస్ కు కాకుండా చిన్న డబ్బింగ్ సినిమాలకు థియేటర్స్ ఇస్తున్నారు. ఇది బాధ కలిగిస్తోంది. తెలుగు నేటివ్ మూవీస్ ను ఎంకరేజ్ చేయమని రిక్వెస్ట్ చేస్తున్నా. హిలేరియస్ ఎంటర్ టైనర్ మూవీ ఇది. ఒక్క ఛాన్స్ మా సినిమాకు ఆడియెన్స్ ఇవ్వాలని కోరుకుంటున్నా. సినిమా బాగా లేకుంటే అందరికీ చెప్పండి, బాగుంటే పది మందికి చెప్పిండి. మౌత్ టాక్ కంటే గొప్ప ప్రచారం లేదు. మీకు నవ్వులు గ్యారెంటీ"  అన్నారు.

Read Also:
Game Changer: గేమ్‌ ఛేంజర్‌ ప్రచారానికి పునాది.. దిల్‌ రాజు పెద్ద ప్లానే ఇది..