Prasanth Varma: రణ్‌వీర్ సింగ్తో సినిమా.. ఆ వార్తలు అవాస్తవం!
ABN, Publish Date - May 25 , 2024 | 09:24 PM
‘జై హనుమాన్‌’తో పాటుగా.. ప్రశాంత్ వర్మ బాలీవుడ్ స్టార్ హీరో రణ్‌వీర్ సింగ్తో ఓ సినిమా చేయబోతున్నట్లుగా ఇటీవల వార్తలు వచ్చాయి. మైత్రీ మూవీ మేకర్స్ ఈ ప్రాజెక్ట్‌‌ను నిర్మించనుందని, గ్రాండ్‌గా ఈ సినిమా తెరకెక్కబోతున్నట్లుగా వార్తలు వచ్చిన కొన్ని రోజులకే.. ఈ సినిమా క్రియేటివ్ డిఫరెన్సెస్‌ల కారణంగా రద్దయిందనేలా మళ్లీ వార్తలు మొదలయ్యాయి. ఈ వార్తలపై తాజాగా చిత్రబృందం క్లారిటీ ఇచ్చింది.
క్రియేటివ్ డైరెక్టర్ ప్రశాంత్ వర్మ (Prasanth Varma) ‘హనుమాన్‌’ (Hanuman)తో ప్రేక్షకులను మంత్రముగ్దులను చేసిన తర్వాత సీక్వెల్ ‘జై హనుమాన్‌’ (Jai Hanuman)తో ప్రేక్షకులకు గ్లోబల్ ఎక్స్‌పీరియన్స్ అందించబోతున్నారు. రీసెంట్‌గా ‘జై హనుమాన్‌’కు సంబంధించి ఓ పోస్టర్ విడుదలై వైరల్ అయిన విషయం తెలిసిందే. అయితే ఈ సినిమాతో పాటుగా ప్రశాంత్ వర్మ బాలీవుడ్ స్టార్ హీరో రణ్‌వీర్ సింగ్ (Ranveer Singh)తో ఓ సినిమా చేయబోతున్నట్లుగా ఇటీవల వార్తలు వచ్చాయి. మైత్రీ మూవీ మేకర్స్ ఈ ప్రాజెక్ట్‌‌ను నిర్మించనుందని, గ్రాండ్‌గా ఈ సినిమా తెరకెక్కబోతున్నట్లుగా వార్తలు వచ్చిన కొన్ని రోజులకే.. ఈ సినిమా క్రియేటివ్ డిఫరెన్సెస్‌ల కారణంగా రద్దయిందనేలా మళ్లీ వార్తలు మొదలయ్యాయి. అయితే ఈ వార్తలలో ఎటువంటి వాస్తవం లేదని మేకర్స్ శనివారం అధికారికంగా తెలియజేశారు.
*Hema Rave Party: హేమపై ‘మా’ యాక్షన్ వార్తలపై.. మంచు విష్ణు ఏమన్నారంటే?
‘‘ప్రశాంత్ వర్మ, బాలీవుడ్ స్టార్ హీరో రణ్‌వీర్ సింగ్ కాంబినేషన్‌లో తెరకెక్కాల్సిన సినిమా ఆగిపోయిందనేలా వస్తున్న వార్తలలో నిజం లేదు. ఆ ప్రాజెక్ట్ రద్దు కాలేదు. ప్రస్తుతం స్ర్కిప్ట్ వర్క్ పూర్తయింది. రీసెంట్‌గా ఫొటో షూట్ అలాగే ప్రోమో షూట్ కూడా పూర్తి చేశాం. మైత్రీ మూవీ మేకర్స్ (Mythri Movie Makers) ఈ ప్రాజెక్ట్‌ని తెరకెక్కించనుంది. ఈ ప్రాజెక్ట్‌కు సంబంధించి త్వరలోనే అధికారిక ప్రకటన విడుదల చేస్తాం’’ అని చిత్రయూనిట్ ఓ ప్రకటనను విడుదల చేసింది. మైథలాజికల్ జానర్‌లో పీరియాడికల్ డ్రామాగా తెరకెక్కనున్న ఈ చిత్రం రూ. 200 కోట్ల బడ్జెట్‌తో గ్రాండ్‌గా తెరకెక్కించబోతున్నారని సమాచారం. పూర్తి వివరాలను త్వరలోనే మేకర్స్ అధికారికంగా తెలియజేయనున్నారు. (Makers Clarity on Ranveer Singh and Prasanth Varma Project)
Read Latest Cinema News