Chiranjeevi: విశ్వంభర ప్రపంచంలోకి అడుగు వేయబోతున్నారు!
ABN, Publish Date - Feb 02 , 2024 | 11:25 AM
మెగాస్టార్‌ చిరంజీవి ‘విశ్వంభర’ షూటింగ్‌ కోసం రంగం సిద్ధం చేస్తున్నారు. ఫాంటసీ కథాంశంతో రూపొందనున్న ఈ చిత్రం కోసం జిమ్‌లో కసరత్తులు చేస్తూ చెమటోడుస్తున్నారు. దీనికి సంబంధించిన వీడియో సోషల్ మీడియాలో వైరల్‌ అవుతున్నాయి.
మెగాస్టార్‌ చిరంజీవి (Chiranjeevi) ‘విశ్వంభర’ షూటింగ్‌ కోసం రంగం సిద్ధం చేస్తున్నారు. ఫాంటసీ కథాంశంతో రూపొందనున్న ఈ చిత్రం కోసం జిమ్‌లో కసరత్తులు చేస్తూ చెమటోడుస్తున్నారు. దీనికి సంబంధించిన వీడియో సోషల్ మీడియాలో వైరల్‌ అవుతున్నాయి. ఈ చిత్రానికి వశిష్ఠ (Vissishta)దర్శకుడు. యూవీ క్రియేషన్స్‌ పతాకంపై విక్రమ్‌, వంశీ, ప్రమోద్‌ నిర్మిస్తున్నారు. తాజాగా ఆయన సెట్స్‌లో అడుగుపెట్టబోతున్నారు. ఈ విషయాన్ని దర్శకుడు వశిష్ఠ ట్విట్టర్‌ వేదికగా తెలిపారు. "లెజెండ్‌ మెగాస్టార్‌ చిరంజీవిగారు విశ్వంభర ప్రపంచంలోకి అడుగుపెట్టబోతున్నారు. ‘అతీత శక్తుల పోరాటం నుంచి లెజెండ్స్‌ అవతరిస్తారు’'అంటూ పవర్‌ఫుల్‌ పోస్టర్‌ను షేర్‌ చేశారు. దీంతో ఈ హ్యాష్‌ట్యాగ్‌ సోషల్ మీడియాలో ట్రెండింగ్‌లో ఉంది. వచ్చే ఏడాది సంక్రాంతి కానుకగా జనవరి 10న ప్రేక్షకుల ముందుకు రానున్నట్లు మేకర్స్ తెలిపారు.
అంతే కాదు చిరంజీవి మరో చిత్రానికిి సై అన్నారని రెండ్రోజులుగా వార్తలు హల్‌చల్‌ చేస్తున్నాయి. చిరంజీవి - హరీష్‌ శంకర్‌ కాంబో ఓ సినిమా ఉండబోతోందని వార్తలు చక్కర్లు కొడుతున్నాయి. చిరంజీవి కుమార్తె సుస్మిత నిర్మాణంలో రూపొందనున్న ఆ చిత్రానికి సంబంధించిన స్ర్కిప్ట్‌ ఇప్పటికే పక్కా అయినట్టు తెలుస్తోంది. త్వరలోనే వివరాలు బయటికి రావచ్చు.