Biggboss 8: దీపావళి ఎపిసోడ్‌లో కొందరికే.. ఇప్పుడు అందరికీ..
ABN, Publish Date - Nov 02 , 2024 | 08:32 AM
గతవారం దీపావళి స్పెషల్‌ ఎపిసోడ్‌లో ఇంటి సభ్యుల్లో కొందరికి సర్‌ప్రైజ్‌ (Biggboss Surprise) ఇచ్చారు నాగ్‌. కుటుంబ సభ్యులు మాట్లాడిన వీడియోలను ఇంటి సభ్యులకు చూపించారు. అయితే ఈ అవకాశం కొందరికే కల్పించి మిగిలిన వారికి నిరాశపరిచారు.
గతవారం దీపావళి స్పెషల్‌ ఎపిసోడ్‌లో ఇంటి సభ్యుల్లో కొందరికి సర్‌ప్రైజ్‌ (Biggboss Surprise) ఇచ్చారు నాగ్‌. కుటుంబ సభ్యులు మాట్లాడిన వీడియోలను ఇంటి సభ్యులకు చూపించారు. అయితే ఈ అవకాశం కొందరికే కల్పించి మిగిలిన వారికి నిరాశపరిచారు. తాజాగా బిగ్‌బాస్‌ నిరాశ చెందిని వారికి సర్‌ప్రైజ్‌ ఇచ్చాడు. మిగిలిన వారికి కూడా వీడియో మెసేజ్‌లు (Video masseges)అందగా ఆనందంతో గంతులేశారు. అందరూ కలిసి సంతోషంగా డ్యాన్సులు వేశారు. తాజా ఎపిసోడ్‌లో ఏం జరిగిందంటే.
శుక్రవారం బిగ్‌బాస్‌ ఇచ్చిన బీన్‌ బ్యాగ్‌ గేమ్‌లో మొదట హరితే(Hari Teja) జ, తేజ ఎలిమినేట్‌ అయ్యారు. ఆ గేమ్‌ కొనసాగింపుతో నేటి ఎపిసోడ్‌ మొదలైంది. ఈ ఆటలో నిఖిల్‌.. నబీల్‌ను టార్గెట్‌ చేశాడు. ఈ క్రమంలో నబీల్‌.. నిఖిల్‌ను మోచేయితో కొట్టాడు. నిఖిల్‌-ప్రేరణ ఒకరినొకరు సపోర్ట్‌ చేసుకుంటున్నారని అర్థమైపోవడంతో నబీల్‌.. అవినాష్‌తో డీల్‌ కుదుర్చుకున్నాడు. నిఖిల్‌ను అవుట్‌ చేద్దామని.. తర్వాత తాను ఓడిపోయి అవినాష్‌ను చీఫ్‌ని చేస్తానని మాటిచ్చాడు. ఫైనల్‌గా అవినాష్‌ మెగా చీఫ్‌ అయ్యాడు.
తర్వాత హౌస్‌లో దీపావళి సెలబ్రేషన్స్‌ జరిగాయి. ఇందులో భాగంగా అబ్బాయిలు, అమ్మాయిలు అందంగా ముగ్గులు వేశారు. తర్వాత బిగ్‌బాస్‌ స్వీట్లు పంపించాడు. ఇక ఈ సీజన్‌ మొత్తం స్వీట్లు తిననని శపథం చేసిన నబీల్‌కు ఈ ఒక్కరోజు మాత్రం స్వీట్లు తినవచ్చని బిగ్‌బాస్‌ మినహాయింపు ఇచ్చాడు. అనంతరం బిగ్‌బాస్‌.. కంటెస్టెంట్ల ఇంటిసభ్యుల వీడియో సందేశాలను చూడవచ్చన్నాడు. అయితే ఇక్కడ కూడా అందరికీ అవకాశం ఇవ్వకుండా ప్రతి ఇద్దరిలో ఒకరికే ఛాన్స్‌ ఉంటుందన్నాడు. అలా మొదటగా నబీల్‌, పృథ్వీలలో.. నబీల్‌కు అమ్మ, అన్నయ్య నుంచి వీడియో మెసేజ్ వచ్చింది. తల్లిని టీవీలో చూడగానే నబీల్‌ చిన్నపిల్లాడిలా ఏడ్చేశాడు. రోహిణి, తేజలలో ఒకరికే వీడియో ఛాన్స్‌ ఇచ్చారని చెప్పగా రోహిణి త్యాగంతో తేజకు ఫ్యామిలీ వీడియో ప్లే చేశాడు. తల్లిని స్క్రీన్ పై చూడగానే తేజ భావోద్వేగానికి లోనయ్యాడు.
నయని, యష్మిలలో ఒకరికే వీడియో ఛాన్స్‌ ఇవ్వగా నయనికి తల్లి మెేసజ్‌ చూపించారు. లైఫ్‌లో ఎన్నో ఎదుర్కొంటూ ఈ ేస్టజ్‌కు వచ్చావు.. స్ర్టాంగ్‌గా ఆడు అని తల్లి ధైౖర్యం చెప్పడంతో నయని కళ్లలో నీళ్లు తిరిగాయి. అవినాష్‌ త్యాగంతో రోహిణి ఫ్యామిలీ వీడియో చూడగలిగింది. తర్వాత యష్మి త్యాగంతో విష్ణుప్రియ ఆంటీ వీడియో చూసి సంతోషపడింది.. చివరగా యష్మి, అవినాష్‌, పృథ్వీలో ఒక్కరికే ఛాన్స్‌ అని చెప్పగా వీరు పృథ్వీ పేరు సూచించారు. పృథ్వీ తన తమ్ముడి వీడియో చూసి ఖుషీ అయ్యాడు. తర్వాత అందరూ పటాసులు కాల్చి డ్యాన్సులు చేస్తూ ఎంజాయ్‌ చేశారు. పండగ పూట హౌస్‌మేట్స్‌ను బాధపెట్టడం ఇష్టం లేని బిగ్‌బాస్‌ సడన్‌గా అవినాష్‌, యష్మి, హరితేజ ఫ్యామిలీ వీడియోలు ప్లే చేశాడు. కూతురిపై బెంగ పెట్టుకున్న హరితేజ.. చిన్నారి భూమిని చూడగానే గుక్కపెట్టి ఏడ్చింది. భావోద్వేగాలతో గుండె భారమైన కంటెస్టెంట్ల కోసం బిగ్‌బాస్‌ ప్రత్యేక భోజనం పంపించడంతో ఎపిసోడ్‌ ముగిసింది.