Anjali: ఆ సన్నివేశం చేసేటప్పుడు గందరగోళానికి గురయ్యా!
ABN, Publish Date - Jul 23 , 2024 | 04:31 PM
తెలుగమ్మాయి అంజలి (Anjali) వరుస చిత్రాలు, వెబ్‌ సిరీస్‌లతో బిజీగా ఉన్నారు. కథల విషయంలో ఆమె ఆచితూచి అడుగేస్తున్నారు. తాజాగా ‘బహిష్కరణ’ (Bahishkarana) సిరీస్‌తో ప్రేక్షకుల ముందుకువచ్చిన ఆమె మాట్లాడుతూ
తెలుగమ్మాయి అంజలి (Anjali) వరుస చిత్రాలు, వెబ్‌ సిరీస్‌లతో బిజీగా ఉన్నారు. కథల విషయంలో ఆమె ఆచితూచి అడుగేస్తున్నారు. తాజాగా ‘బహిష్కరణ’ (Bahishkarana) సిరీస్‌తో ప్రేక్షకుల ముందుకువచ్చిన ఆమె మాట్లాడుతూ.. కెరీర్‌ గురించి ఆసక్తికర వ్యాఖ్యలు చేశారు. ఈ సిరీస్‌లో ఇంటిమేట్‌ సీన్స్‌పై స్పందించారు.
‘‘కెరీర్‌ ప్రారంభం నుంచే నాకు మంచి పాత్రలు వచ్చాయి. నా పాత్రకు ప్రాధాన్యం ఉన్న ప్రాజెక్ట్‌లనే ఎంచుకున్నాను. ప్రతీ సినిమాకు హోమ్‌ వర్క్‌ చేస్తాను. కొన్ని సినిమాల కోసం మార్షల్‌ ఆర్ట్స్‌ నేర్చుకున్నాను. యాక్షన్‌ సన్నివేశాలు కూడా డూప్‌ లేకుండా చేస్తాను ‘నవరస’ సిరీస్‌ చేసినప్పుడు కాస్ట్యూమ్‌ కారణంగా కొన్ని గంటలపాటు వాష్‌రూమ్‌కు కూడా వెళ్లలేదు. ‘బహిష్కరణ’లో ఇంటిమేట్‌ సన్నివేశాలు చేేసే సమయంలో అందరినీ బయటకు పంపి వాటిని చిత్రీకరించారు. అయినా ఆ సీన్‌ చేసే సమయంలో కొంచెం గందరగోళానికి గురయ్యాను. ఇప్పటివరకు ఇలాంటివి చేయలేదు’’ అని అన్నారు.
‘గ్యాంగ్స్‌ ఆఫ్‌ గోదావరి’ గురించి కూడా ఆమె చెప్పుకొచ్చారు. మంచి సినిమా ఇది. నా పాత్రకు నేను ఎంతవరకు న్యాయం చేయగలను అనేది నా చేతిలో ఉంటుంది. సినిమా ఫలితం విషయంలో నేనేం చేయలేను. నా పాత్రకు అనుకున్నదానికంటే మంచి స్పందన వచ్చింది. ఇక సోషల్ మీడియాలో వచ్చే నెగెటివిటీ గురించి పట్టించుకోను. నా గురించి ఎవరైనా తప్పుగా రాసినప్పుడు చదివి బాధపడతాను. కానీ వెంటనే మర్చిపోతాను. ఇతరుల కోసం పనులు చేయడం మానేశాను. నా పెళ్లిపై కూడా ఎన్నో వార్తలు వచ్చాయి. అలా వస్తున్నాయని నేను పెళ్లి చేసుకోలేను కదా. సమయం వచ్చినప్పుడు చేసుకుంటానని అన్నారు.