Anasuya: రీమేక్‌ రైట్స్‌ కోసం బాలీవుడ్‌, కోలీవుడ్‌ స్టార్స్‌ క్యూ..!
ABN, Publish Date - Feb 08 , 2024 | 04:00 PM
సినిమా చిన్న బడ్జెట్‌లో వచ్చిన పెద్దదైనా కథలో దమ్ముంటే చాలు బాష, ప్రాంతాల తారతయ్యం లేకుండా రీయేక్‌ చేసి ఆయా ప్రాంతాల సినీ ప్రియుల ముందుకు తీసుకొస్తున్నారు. ప్రస్తుతం అనసూయ (Anasuya) లీడ్‌ రోల్‌లో నటిస్తున్న ఓ చిత్రానికి మంచి డిమాండ్‌ పెరిగింది.
సినిమా చిన్న బడ్జెట్‌లో వచ్చిన పెద్దదైనా కథలో దమ్ముంటే చాలు బాష, ప్రాంతాల తారతయ్యం లేకుండా రీయేక్‌ చేసి ఆయా ప్రాంతాల సినీ ప్రియుల ముందుకు తీసుకొస్తున్నారు. ప్రస్తుతం అనసూయ (Anasuya) లీడ్‌ రోల్‌లో నటిస్తున్న ఓ చిత్రానికి మంచి డిమాండ్‌ పెరిగింది. కథా బలమున్న చిత్రాలనే ఎంచుకుంటున్నా అనసూయ తాజాగా నటిస్తున్న చిత్రం ‘అరి’ (Ari). ‘పేపర్‌ బాయ్‌’ ఫేమ్‌ జయశంకర్‌ (Jaya shankar) దర్శకత్వం వహిస్తున్నారు. ఈ చిత్రం ఇంకా ప్రేక్షకుల ముందుకు రాకముందే కోలీవుడ్‌, బాలీవుడ్‌ నుండి దీని రీమేక్‌ కోసం పోటీ పడుతున్నాయని వార్తలు నెట్టింట హల్‌చల్‌ చేస్తున్నాయి. ఈ చిత్రం రీమేక్‌ రైట్స్‌ కోసం ఒక బాలీవుడ్‌ స్టార్‌ లైన్‌లో ఉండగా.. తాజాగా ఒక కోలీవుడ్‌ హీరో కూడా ఈ చిత్రం కోసం పోటీ పడుతున్నారని తెలిసింది.
షడ్రుచులు, అరిషడ్వర్గాలు అనే కథాంశంతో ఈ చిత్రం తెరకెక్కుతోంది. ఈ సినిమాలో వినోద్‌ వర్మ లీడ్‌ రోల్‌ చేస్తున్నారు. మనుషుల్లో ఉండే లోతైన కోరికలను తీర్చే పాత్రలో వినోద్‌ వర్మ కనిపించనున్నాడు. ఇక కోరికలు తీర్చుకోవాలనుకు వారు వచ్చి అతనికి చెప్పుకుంటారు. అదే అదనుగా చూసి వినోద్‌ వర్మ నేరాలకు పాల్పడతాడు. ఆ తర్వాత వారి జీవితాల్లో ఎలాంటి మార్పులొస్తాయి. ఎలా మలుపు తిరిగాయి అనేది కథ. అలా కోరిక తీరడం కోసం తన వద్దకు వచ్చే పాత్రలో అనసూయ కనిపించనుంది. ఇప్పటికే ఈ సినిమా ట్రైలర్‌ విడుదలై సంచలనం సృష్టించింది. అయితే ఈ చిత్రం విడుదలపై ఇంకా క్లారిటీ రాలేదు.
ఈ చిత్రం రీమేక్‌ రైట్స్‌ కోసం కోలీవుడ్‌ నుండి శివకార్తికేయన్‌, బాలీవుడ్‌ నుండి అభిషేక్‌ బచ్చన్ పోటీకి దిగారని తెలుస్తోంది. శివకార్తికేయన్‌.. తాజాగా తన మూవీ ‘అయలాన్‌’ ప్రమోషన్స్‌ కోసం హైదరాబాద్‌కు వచ్చాడు. ఆ సమయంలో దర్శకుడు జయశంకర్‌ను కలిశాడు. అప్పుడే ‘అరి’ గురించి తెలుసుకున్నాడు. శివకార్తికేయన్‌కు ‘అరి’ బాగా నచ్చడంతో రీమేక్‌ చేయాలని భావిస్తున్నారని తెలిసింది. ఇక బాలీవుడ్‌ స్టార్‌ అభిషేక్‌ బచ్చన్ కూడా ‘అరి’ రీమేక్‌ రైట్స్‌ కోసం ప్రయత్నాలు చేస్తున్నారు. ఈ చిత్రంలో వినోద్‌ వర్మ, అనసూయతోపాటు సాయికుమార్‌, వైవా హర్ష, శుభలేఖ సుధాకర్‌, శ్రీకాంత్‌ అయ్యంగార్‌, సురభి, కీలక పాత్రల్లో కనిపించనున్నారు. ఆర్వీ సినిమాస్‌ పతాకంపై శ్రీనివాస్‌ రామిరెడ్డి శేషు మారంరెడ్డి నిర్మిస్తున్నారు.