Allu Arjun-Trivikram: బన్నీ, త్రివిక్రమ్ సినిమా కథేంటంటే..
ABN, Publish Date - Nov 17 , 2024 | 09:25 AM
'పుష్ప 2' సినిమా రిలీజ్ దగ్గరపడుతున్న నేపథ్యంలో బన్నీ నెక్స్ట్ ప్రాజెక్ట్ పై అందరి దృష్టి పడింది. సెల్యులాయిడ్ డైరెక్టర్ త్రివిక్రమ్ శ్రీనివాస్‌తో ఆయన జత కట్టనున్న విషయం తెలిసిందే. కాగా ఇది త్రివిక్రమ్‌కి మొదటి పాన్ ఇండియన్ మూవీ కానుండటంతో అందరిలో కథ ఏంటనే ఆసక్తి పెరిగింది. ఇంతకీ ఆ కథ ఏంటంటే..
ఐకాన్ స్టార్‌ అల్లు అర్జున్ (Allu Arjun) ప్రస్తుతం ‘పుష్ప2’(Pushpa 2)తో బిజీగా ఉన్నారు. మొదటి భాగం భారీ విజయం సాధించడంతో అంతకుమించి ఉండేలా ఈ చిత్రం కోసం సుకుమార్‌ (Sukumar)అండ్‌ కో కష్టపడుతోంది. అయితే ఇప్పుడు బన్నీ నెక్స్ట్ ప్రాజెక్ట్ పై అందరి దృష్టి పడింది. సెల్యులాయిడ్ డైరెక్టర్ త్రివిక్రమ్ శ్రీనివాస్‌తో ఆయన జత కట్టనున్న విషయం తెలిసిందే. కాగా ఇది త్రివిక్రమ్‌కి మొదటి పాన్ ఇండియన్ మూవీ కానుండటంతో అందరిలో కథ ఏంటనే ఆసక్తి పెరిగింది. ఇంతకీ ఆ కథ ఏంటంటే..
బన్నీ, త్రివిక్రమ్ ప్రాజెక్ట్ 2025లో పట్టాలెక్కనుంది. ప్రస్తుతం గురూజీ స్క్రిప్ట్‌పై పనిచేస్తున్నారు. ఈ సినిమాతో త్రివిక్రమ్ కొత్త లోకాన్ని చూపించేందుకు సిద్దమయ్యారట. ఫస్ట్ పాన్ ఇండియా మూవీ కావడంతో హిస్టారికల్ ఎలిమెంట్స్‌ని మైథలాజికల్ టచ్‌తో చూపించేందుకు ఆయన రెడీ అవుతున్నారు. మరోవైపు హిస్టారికల్ వారియర్ 'చెంఘీజ్ ఖాన్' జీవిత చరిత్ర ఆధారంగా ఈ సినిమా తెరకెక్కనున్నట్లు సమాచారం.
ఇక ఈ సినిమా వచ్చే ఏడాది ఏప్రిల్‌లో స్టార్ట్ కానున్నట్లు టాక్ వినిపిస్తోంది. బన్నీ, త్రివిక్రమ్ కాంబోలు తెరకెక్కిన జులాయి, సన్ ఆఫ్ సత్యమూర్తి, అల వైకుంఠపురములోసూపర్ హిట్ సినిమాల తర్వాత ఇది నాలుగో ప్రాజెక్ట్ కావడంతో సినిమాపై భారీ అంచనాలు ఉన్నాయి. హారిక & హాసిని క్రియేషన్స్, గీతా ఆర్ట్స్ కలిసి ఈ భారీ బడ్జెట్ చిత్రాన్ని నిర్మించనున్నాయి. ఈ సినిమాకి సంగీత దర్శకుడు తమన్‌ సంగీతం అందించనున్నారు.
మరోవైపు 'పుష్ప 2' రిలీజ్ దగ్గరపడుతుండటంతో మేకర్స్ భారీ ప్రమోషన్స్ ప్లాన్ చేశారు. త్వరలోనే ఈ చిత్ర ప్రమోషన్స్‌ను పాట్నా, కలకత్తా, చెన్నయ్‌, కొచ్చి, బెంగళూరు, ముంబయ్‌, హైదరాబాద్‌లో మాసివ్‌గా నిర్వహించబోతున్నట్లుగా మేకర్స్ అధికారికంగా తెలియజేసిన విషయం తెలిసిందే. ఇందులో భాగంగానే ‘పుష్ప-2 ది రూల్‌’ చిత్ర ట్రైలర్ లాంచ్‌ను నేడు (నవంబర్ 17)న బిగ్గెస్ట్‌ ఈవెంట్‌ ఫర్‌ ఇండియన్ బిగ్గెస్ట్‌ ఫిలింగా పాట్నాలో అత్యంత గ్రాండ్‌గా నిర్వహించబోతున్నారు. ఈ రోజు సాయంత్రం 6 గంటల 03 నిమిషాలకు ట్రైలర్ విడుదల చేయబోతున్నట్లుగా మేకర్స్ ప్రకటించారు.