నాగార్జున - అక్షయ్‌కుమార్‌ ఓ మల్టీస్టారర్‌!
ABN, Publish Date - Feb 02 , 2024 | 05:25 PM
‘నా సామిరంగ’ చిత్రంతో సంక్రాంతి బరిలో హిట్‌ కొట్టారు కింగ్‌ నాగార్జున. ప్రస్తుతం ఇదే జోష్‌తో కొత్త కథలు వింటున్నారు. 'నా సామిరంగా' కంటే ముందు తమిళ దర్శకుడు చెప్పిన కథకు నాగ్‌ ఓకే చెప్పారు.. ప్రస్తుతం స్ర్కిప్టు పనులు జరుగుతున్నాయి.
‘నా సామిరంగ’ చిత్రంతో సంక్రాంతి బరిలో హిట్‌ కొట్టారు కింగ్‌ నాగార్జున. ప్రస్తుతం ఇదే జోష్‌తో కొత్త కథలు వింటున్నారు. 'నా సామిరంగా' కంటే ముందు తమిళ దర్శకుడు చెప్పిన కథకు నాగ్‌ ఓకే చెప్పారు.. ప్రస్తుతం స్ర్కిప్టు పనులు జరుగుతున్నాయి. ఇప్పుడు ఈ కథ ఓ మల్టీస్టారర్‌గా రూపొందనుందని టాక్‌ నడుస్తోంది. ఈ చిత్రంలో నాగ్‌తో పాటు మరో పాత్ర కోసం అక్షయ్‌కుమార్‌ పేరు పరిశీలిస్తున్నారు. ప్రస్తుతం అక్షయ్‌తో సంప్రదింపులు జరుపుతున్నారు. అక్షయ్‌ అంగీకరిస్తే నాగ్‌ ఖాతాలో ఓ పాన్‌ ఇండియా సినిమా పడినట్టే. నాగార్జునకి బాలీవుడ్‌లో గుర్తింపు బాగానే ఉంది. ఇటీవల ‘బ్రహ్మాస్త్ర’లో ఆయన ఓ కీలక పాత్ర పోషించారు. అక్షయ్‌ సినిమాలకు సౌత్‌ లోనూ మంచి ఫాలోయింగ్‌ ఉంది. సో.. ఇద్దరూ కలిస్తే పాన్‌ ఇండియా పరంగా ఈ సినిమాకి ఓ క్రేజ్‌ వస్తుంది. ఇదో యాక్షన్‌ ఎంటర్‌టైనర్‌ అని తెలుస్తోంది. బహుశా అక్షయ్‌ నెగిటివ్‌ లక్షణాలున్న పాత్ర పోషించే అవకాశం ఉన్నట్లు తెలుస్తోంది. అయితే అక్షయ్‌ అంగీకరిస్తారా లేదా అన్నది చూడాలి. 1998 అక్షయ్‌కుమార్‌ - నాగార్జున కలయికలో మహేష్‌ భట్‌ దర్శకత్వంలో 'అంగారే’ చిత్రంలో నటించారు. అన్ని అనుకున్నట్లు జరిగితే వీరిద్దరి కాంబోలో మరో చిత్రం వచ్చే అవకాశం ఉంది. నాగార్జున వందో చిత్రంగా ఈ సినిమాను ప్రకటించే అవకాశాలున్నాయి. త్వరలో ఈ చిత్రానికి సంబంధించిన అప్‌డేట్‌ రానుంది.