RRR: ‘ఆర్‌ఆర్‌ఆర్’ నుండి ఆ హీరోని ఎందుకు తీసేశారో తెలుసా
ABN, Publish Date - Nov 12 , 2024 | 10:50 AM
టాలీవుడ్ లోని ఒక యంగ్ అండ్ టాలెంటెడ్ యాక్టర్ రాజమౌళి 'ఆర్‌ఆర్‌ఆర్' సినిమాలో నటించిన సినిమాలో కనిపించలేదు. తాజాగా ఈ విషయాన్ని ఆ యాక్టర్ తెలియజేసాడు. ఇంతకీ ఆ హీరో ఎవరు. ఏమైందంటే..
రాజమౌళి దర్శకత్వం వహించిన 'ఆర్‌ఆర్‌ఆర్' సినిమా గ్లోబల్ వైడ్‌గా ఎంత సంచలనం సృష్టించిందో ప్రత్యేకంగా చెప్పాల్సిన అవసరం లేదు. ఈ సినిమాలో ఎన్టీయార్, రామ్ చరణ్‌తో పాటు ఒక టాలెంటెడ్ హీరో నటించారు. కానీ.. కొన్ని పరిస్థితులు అనుకూలించకపోవడంతో ఆ హీరో సీన్లని డిలీట్ చేశారట. ఇంతకీ ఆ హీరో ఎవరు? ఎందుకు తీసేశారంటే..
ట్యాలెంటెడ్ హీరో సత్యదేవ్, కన్నడ స్టార్ డాలీ ధనంజయ కాంబినేషన్‌లో రూపుదిద్దుకుంటోన్న మోస్ట్ ఎవైటెడ్ మల్టీ-స్టారర్ చిత్రం ‘జీబ్రా’. ఈశ్వర్ కార్తీక్ దర్శకత్వం వహించిన ఈ చిత్రాన్ని పద్మజ ఫిలింస్ ప్రైవేట్ లిమిటెడ్, ఓల్డ్ టౌన్ పిక్చర్స్ బ్యానర్లపై SN రెడ్డి, S పద్మజ, బాల సుందరం, దినేష్ సుందరం నిర్మిస్తున్నారు. ఈ సినిమా ప్రమోషన్స్‌లో భాగంగా హీరో సత్య దేవ్ పలు ఇంటర్వ్యూలలో పాల్గొంటూ బిజీగా గడుపుతున్నారు. తాజాగా ఓ ఇంటర్వ్యూలో సత్య దేవ్ మాట్లాడుతూ.. " 'ఆర్‌ఆర్‌ఆర్' సినిమాలో నేను యాక్ట్ చేశాను. 16 రోజులు షూటింగ్ లో కూడా పాల్గొన్నాను. అయితే ఆ సన్నివేశాలు సినిమాలో ఫిట్ కాకపోవడంతో తీసేశారు. సినిమా టీమ్ పై ఉన్న గౌరవంతో ఇన్ని రోజులు ఈ విషయం బయట చెప్పలేదని" అన్నారు. దీంతో అరెరే టాలెంట్ ఎంతో ఉండి రావాల్సినంత సక్సెస్ పొందని సత్య దేవ్ ఈ సినిమాలో ఉంటె బాగుండేదని ఫ్యాన్స్ కామెంట్ చేస్తున్నారు.
మరోవైపు ఈరోజు సత్య దేవ్ జీబ్రా సినిమా ట్రైలర్‌ని చిరంజీవి విడుదల చేయనున్నారు. సత్య దేవ్ సినిమాలు, సత్య దేవ్ యాక్టింగ్ అంటే చిరంజీవికి ఎంతో ఇష్టం. ఈ విషయాన్ని ఆయన ఎన్నో వేదికల మీదుగా బహిరంగంగానే చెప్పారు. ఇక సత్య దేవ్ 'చిరు' వీరాభిమాని. ఇక చిరు నటించిన గాడ్ ఫాధర్ సినిమాలో సత్య దేవ్‌కి అవకాశం కల్పించాడు మెగాస్టార్. అలాగే సత్య దేవ్ కి చిరు అంటే ప్రాణం. ఈ క్రమంలోనే తన వీరాభిమాని కోసం స్వయంగా చిరంజీవి బరిలోకి దిగాడు.