Harshiv Karthik: ‘బహుముఖం’.. ఇప్పటి వరకు ఇలాంటి కథ రాలేదు
ABN, Publish Date - Apr 02 , 2024 | 07:03 PM
హర్షివ్ కార్తీక్ ప్రధాన పాత్రలో నటించడంతో పాటు రచన, నిర్మాణం, దర్శకత్వం వహించిన చిత్రం ‘బహుముఖం’. ‘గుడ్, బ్యాడ్ అండ్ ది యాక్టర్’ అనేది ట్యాగ్‌లైన్‌. ఇప్పటి వరకు విడుదలైన ఈ సినిమా ప్రమోషనల్ కంటెంట్ మంచి బజ్‌ని క్రియేట్ చేశాయి. ఈ చిత్రం సమ్మర్ స్పెషల్‌గా ఏప్రిల్ 5న విడుదలకాబోతోన్న నేపధ్యంలో హర్షివ్ కార్తీక్ మీడియాకు చిత్ర విశేషాలను తెలియజేశారు.
హర్షివ్ కార్తీక్ (Harshiv Karthik) ప్రధాన పాత్రలో నటించడంతో పాటు రచన, నిర్మాణం, దర్శకత్వం వహించిన చిత్రం ‘బహుముఖం’ (Bahumukham). ‘గుడ్, బ్యాడ్ అండ్ ది యాక్టర్’ అనేది ట్యాగ్‌లైన్‌. ఈ సస్పెన్స్ డ్రామా థ్రిల్లర్‌ను అట్లాంటా, మాకాన్, కాంటన్ జార్జియా, USA పరిసర ప్రాంతాలలోని అద్భుతమైన ప్రదేశాలలో చిత్రీకరించారు. ఇప్పటి వరకు విడుదలైన ఈ సినిమా ప్రమోషనల్ కంటెంట్ మంచి బజ్‌ని క్రియేట్ చేశాయి. ఈ చిత్రం సమ్మర్ స్పెషల్‌గా ఏప్రిల్ 5న విడుదలకాబోతోన్న నేపధ్యంలో హర్షివ్ కార్తీక్ మీడియాకు చిత్ర విశేషాలను తెలియజేశారు.
‘బహుముఖం’ జర్నీ ఎలా స్టార్ట్ అయ్యింది?
తొలుత ఒక డిఫరెంట్ వేరియేషన్ షార్ట్ ఫిల్మ్ తీసి నన్ను నేను నిరూపించుకోవాలని భావించాను. షార్ట్ ఫిల్మ్ నిడివి తక్కువ వుంటుంది అలాగే ఇంపాక్ట్ ఎక్కువగా వుంటుంది. అయితే ‘బహుముఖం’ ఐడియా నాకు చాలా ఆసక్తికరంగా అనిపించింది. మానసిక అనారోగ్యం వున్న వ్యక్తి ఓ ఆడిషన్‌కు వెళ్తే అక్కడ అతనికి అవమానం జరిగితే.. తర్వాత అతను ఎంతవరకూ వెళ్తాడనేది లైన్. కథ రాస్తున్నపుడు స్పాన్ పెరిగింది. ఇలాంటి కథ మన దగ్గర ఇప్పటివరకూ రాలేదనే నమ్మకం కుదిరిన తర్వాత.. దీనిని ఫీచర్ ఫిల్మ్ లెంత్‌కి చేయడం జరిగింది. ప్రస్తుతం సస్పెన్స్ థ్రిల్లర్స్ ప్రేక్షకులు ఎక్కువగా చూస్తున్నారు. నటుడిగా, దర్శకుడిగా ఓ యూనిక్ ప్రాజెక్ట్‌తో రావాలని ఈ ప్రాజెక్ట్ చేశాను. (Harshiv Karthik Interview)
సినిమాల్లో పని చేసిన అనుభవం ఉందా?
నేను యుఎస్‌లో సీనియర్ సాఫ్ట్‌వేర్ ఇంజనీర్‌గా పని చేస్తున్నాను. సినిమాలంటే చిన్నప్పటి నుంచి ఇష్టం. పార్ట్ టైమ్‌గా ఎవరిదగ్గరికైనా వెళ్లి పని చేద్దామని చాలా ప్రయత్నాలు చేశాను. సమయం వృధా అయ్యింది కానీ సరైన ప్రాజెక్ట్ కుదరలేదు. ఇక నేనే సొంతగా మొదలుపెట్టాలని నిర్ణయించుకున్నాను. జాబ్ నుంచి ఇంటికి వచ్చిన తర్వాత ప్రతీది ఆన్ లైన్‌లో నేర్చుకున్నాను. మాది మిడిల్ క్లాస్ ఫ్యామిలీ. జాబ్‌తో పాటు ప్యాషన్‌ని బ్యాలెన్స్ చేసుకుంటూ చేశాను.
నటన విషయంలో ఎలా ప్రిపేర్ అయ్యారు?
సినిమాలో నేను వుండకూడదు, కేవలం పాత్ర మాత్రమే కనిపించాలి. దీనికోసం ఆన్ లైన్‌లో చాలా మెళకువలు నేర్చుకున్నాను. కొన్ని ఆర్ట్స్ ఫామ్స్ చాలా ప్రాక్టిస్ చేశాను. కథక్ నృత్యంలో ప్రత్యేక శిక్షణ తీసుకున్నాను. నా బెస్ట్ ఇవ్వడానికి ప్రయత్నించాను.
సినిమా అంతా యుఎస్‌లో తీశారా?
అవునండీ.. ‘మేడిన్ యూఎస్ఎ.. అసెంబుల్ ఇండియా’ అనే ట్యాగ్‌తో ప్రమోషన్స్ చేస్తున్నాం. ఎక్కడా రాజీపడకుండా సినిమా చేశాను. ప్రతీది వర్క్ షాప్ నిర్వహించి చాలా క్లియర్ విజన్‌తో సినిమాని రూపొందించాం. చాలా డిపార్ట్‌మెంట్స్‌ని నేనే హ్యాండిల్ చేయడానికి కారణం కూడా కాస్ట్ తగ్గించాలనే. పక్కాగా ప్రీప్రొడక్షన్ వర్క్ చేయడం చాలా కలిసొచ్చింది. ఇందులో దాదాపు నలభై మంది కొత్తనటీనటులు కనిపిస్తారు. రోజుకి దాదాపు 14 గంటలు పాటు వర్క్ చేశాను. మంచి సినిమాటిక్ ఎక్స్‌పీరియన్స్ వుండేలా సినిమాని రూపొందించాను. సస్పెన్స్ సైకలాజికల్ థ్రిల్లర్స్‌ని ఇష్టపడే ఆడియన్స్ చాలా ఎంజాయ్ చేస్తారు. సినిమా అంతా చాలా ఎంగేజింగ్‌గా వుంటుంది. (Harshiv Karthik About Bahumukham)
ఫణి కళ్యాణ్, శ్రీచరణ్ పాకాల లాంటి ప్రముఖ సంగీత దర్శకులని ఎలా అప్రోచ్ అయ్యారు?
పాటలు ఫణి కళ్యాణ్ చేశారు. ఆయన మెలోడీలని అద్భుతంగా చేస్తారు. ఈ సినిమా కోసం చాలా మంచి పాటలని స్వరపరిచారు. నేపధ్య సంగీతం కోసం శ్రీచరణ్ పాకాలని సంప్రదించాను. ఆయన నా గురించి అన్ని వివరాలు అడిగి తెలుసుకున్నారు. అలాగే నా ప్యాషన్, కమిట్మెంట్ ఏమిటో కూడా గ్రహించారు. టీజర్ చూపించాను. ఆయనకు చాలా నచ్చింది. తర్వాత కథ అంతా విన్నారు. చాలా బ్రిలియంట్ బ్యాక్ గ్రౌండ్ స్కోర్ చేశారు.
మీలో ప్రభుదేవా (Prabhudeva), శింబు (Simbu) ఛాయలు కనిపిస్తున్నాయి? ఎవరైనా చెప్పారా?
చెప్పారండి. కొందరు ‘విజయ్ (Vijay) లా వుంటావ్’ అని కూడా అన్నారు. అది నా అదృష్టం అనుకుంటాను.
సినిమాని ప్రేక్షకుల దగ్గరకి తీసుకెళ్లడానికి ఎలాంటి ప్రయత్నాలు చేస్తున్నారు?
చాలా మంచి డిజిటల్ ప్రమోషన్స్ చేశాం. అలాగే ప్రమోషన్స్‌లో నేరుగా ప్రేక్షకులని కలవడం వలన వారికి ఎలాంటి సినిమాలు కావాలి? వారి ఆలోచనా ధోరణి ఎలా వుందో కూడా తెలుసుకోగలిగాను. ఇవన్నీ నా నెక్స్ట్ ప్రాజెక్ట్‌కి హెల్ప్ అవుతాయి. ఈ జర్నీ, ప్రాసస్‌ని చాలా ఎంజాయ్ చేశాను.
నెక్స్ట్ ప్రాజెక్ట్?
ఒక యాక్షన్ డ్రామా రాసుకున్నాను. అయితే ఈ ప్రాజెక్ట్‌లో మాత్రం అన్నీ కాకుండా ఏదో ఒకదానిపై దృష్టి పెట్టాలని వుంది.
ఇవి కూడా చదవండి:
====================
*Natti Kumar: వలంటీర్లు రాజీనామా చేసి వైసీపీకి వర్క్ చేయండి.. సజ్జలకు ఆ రైట్ లేదు
***********************
*Saranya: సీనియర్ నటి శరణ్యపై పోలీసులకు ఫిర్యాదు
***************************
*Siddu Jonnalagadda: మెగాస్టార్‌ చిరుతో మూవీ ఛాన్స్ వచ్చింది కానీ..
************************
*Alaya F: ఈ ఆటను లాంగ్‌లైఫ్‌ కొనసాగించాలనుకుంటున్నా..
************************