Rahasyam Idam Jagat: ముద్దుగుమ్మలు మానస వీణ, స్రవంతి ప్రత్తిపాటి చెప్పిన ‘రహస్యం ఇదం జగత్’ ముచ్చట్లివే..
ABN, Publish Date - Nov 03 , 2024 | 09:17 PM
సింగిల్‌ సెల్‌ యూనివర్శ్‌ ప్రొడక్షన్‌ పతాకంపై కోమల్‌ ఆర్‌ భరద్వాజ్‌ దర్శకత్వంలో పద్మ రావినూతుల, హిరణ్య రావినూతుల నిర్మించిన చిత్రం ‘రహస్యం ఇదం జగత్’. ఈ సినిమా గురించి చిత్ర హీరోయిన్లు స్రవంతి ప్రత్తిపాటి, మాసస వీణలు మీడియాకు తెలియజేశారు. వారు చెప్పిన ముచ్చట్లివే..
సైన్స్‌ ఫిక్షన్‌ అండ్‌ మైథాలాజికల్‌ థ్రిల్లర్స్‌గా రూపొందుతున్న చిత్రం ‘రహస్యం ఇదం జగత్’. ఈ చిత్ర ప్రమోషనల్ కంటెంట్ చూస్తే.. నేటి తరం ప్రేక్షకులను అలరించే ఎన్నో ఆసక్తికరమైన విషయాలు వున్నాయనేది అర్థమవుతోంది. మన పురాణాలు, ఇతిహాసాల గురించి... శ్రీచక్రం గురించి చర్చిస్తూ ఓ కొత్త అనుభూతిని కలిగించడానికి రాబోతున్న ఈ చిత్రం నవంబరు 8న ప్రేక్షకుల ముందుకు రానుంది. రాకేష్‌ గలేబి, స్రవంతి పత్తిపాటి, మానస వీణ, భార్గవ్‌ గోపీనాథం ముఖ్యతారలుగా రూపొందుతున్న ఈ చిత్రాన్ని సింగిల్‌ సెల్‌ యూనివర్శ్‌ ప్రొడక్షన్‌ పతాకంపై కోమల్‌ ఆర్‌ భరద్వాజ్‌ దర్శకత్వంలో పద్మ రావినూతుల, హిరణ్య రావినూతుల ఈ చిత్రాన్ని నిర్మిస్తున్నారు. తాజాగా ఈ చిత్ర విశేషాలను హీరోయిన్లు స్రవంతి ప్రత్తిపాటి, మాసస వీణలు మీడియాకు తెలియజేశారు.
ముందుగా మానస వీణ మాట్లాడుతూ.. ‘‘ఫిలిం స్కూల్‌లో యాక్టింగ్‌లో శిక్షణ పొందాను. చాలా ఫార్ట్‌ ఫిలిమ్స్‌, హాలీవుడ్‌ వెబ్‌సీరిస్‌లు చేశాను. నేను యూఎస్‌లో వుంటాను. ఇది నా తొలి ఫీచర్‌ ఫిలిం. ఈచిత్రం ఆడిషన్స్‌ వెళ్లాను. నన్ను ఆడిషన్‌ చేసిన తరువాత ఈ చిత్రంలో అరుణి ఆచార్య అనే పాత్రకు సెలక్ట్‌ చేశారు. ఈ పాత్ర నాకు పర్సనల్‌గా కూడా ఎంతో నచ్చింది. ముఖ్యంగా ఈ కథ వినగానే సైన్స్‌ ఫిక్షన్‌కు మైథాలజీని కనెక్ట్‌ చేసి టైమ్‌ ట్రావెల్‌ కాన్సెప్ట్‌తో సినిమా నేపథ్యం వుండటం నన్ను ఆకర్షించింది. నాకు చిన్నప్పటి నుండి హారిపోటర్‌ కథలు అంటే ఇష్టం. రామాయాణ, మహాభారతాలు కూడా చదివాను. ఈ చిత్రంలో నా పాత్ర కోసం నేను రీసెర్చ్‌ కూడా చేశాను. మా తాత గారు అలీ బాబా నలభై దొంగలు అనే సినిమాను నిర్మించారు. అలా నాకు కాస్త సినిమా నేపథ్యం కూడా వుంది. దర్శకుడు కోమల్‌ ఆర్‌ భరద్వాజ్‌ సినిమా పట్ల ఎంతో పాషన్‌ వున్న వ్యక్తి. ఈ చిత్రం కోసం ఆయన ఎంతో కష్టపడ్డాడు. తప్పకుండా ఈ చిత్రం కోమల్‌ దర్శకత్వ ప్రతిభను నిరూపిస్తుంది. భవిష్యత్‌లో ఆయన నుండి మరిన్ని మంచి సినిమాలు ఎక్స్‌పెక్ట్‌ చేయవచ్చు. ఈ సినిమా చిత్రీకరణ మొత్తం యూఎస్‌లోనే జరిగింది. చిత్రీకరణ సమయంలో ఎన్నో ఛాలెంజ్‌లను ఫేస్‌ చేశాం. అమెరికాలో ఫుల్‌టైమ్‌ పనిచేస్తూ సినిమా పట్ల పాషన్‌ వున్న యూఎస్‌లో వున్న వాళ్లకు ఇంత మంచి అవకాశం ఇచ్చినందుకు దర్శకుడికి కృతజ్క్షతలు. అందరం ఎంతో తపనతో చేసిన సినిమా ఇది. తప్పకుండా ప్రేక్షకులను అలరిస్తుందనే నమ్మకం వుందని అన్నారు.
స్రవంతి ప్రత్తిపాటి మాట్లాడుతూ.. ‘‘రాజమండ్రిలో పుట్టి పెరిగిన నా విద్యాభ్యాసం మాత్రం అమెరికాలో జరిగింది. ప్రస్తుతం అక్కడే జాబ్‌ చేస్తూ వుంటున్నాను. కొన్ని హాలీవుడ్‌ ఫిలింస్‌లో కూడా నటించాను. నాకు ఈ సినిమాలో అవకాశం వచ్చినప్పుడు యూఎస్‌లో తీస్తున్న ఓ తెలుగు సినిమాలో అవకాశం రావడం ఎంతో సర్‌ప్రైజ్‌గా ఫీలయ్యాను. నేను బేసిక్‌గా థియేటర్‌ ఆర్టిస్ట్‌ను. చాలా స్టేజీ షోలు వేశాను. యాక్టింగ్ మెథడ్‌ అనే కోర్సును కూడా చేశాను. ఈ చిత్రంలో నా పాత్ర పేరు అకిరా. తప్పకుండా నా పాత్ర అందరికి నచ్చతుందనే నమ్మకం వుంది. అమెరికాలో జాబ్‌ చేస్తున్న నేను ఈ సినిమా నుండి పూర్తి స్థాయిలో సినిమాలపై శ్రద్ద పెట్టాను. ప్రముఖ రచయిత విజయేంద్ర పసాద్‌ నాకు తాత వరుస అవుతారు. ఆయన సలహాలు సూచనలు నా కెరీర్‌ కోసం తీసుకున్నాను. ఈ చిత్ర కాన్సెప్ట్‌తో పాటు ట్రైలర్‌ కూడా నచ్చింది. హనుమంతుడు వేరే లోకాలకు ట్రావెల్‌ చేసినప్పుడు అసలు జరిగిందేమిటి అనేది కథలో టైమ్‌ ట్రావెల్‌లో ఏం జరిగింది కూడా ఈ కథలో చర్చకు వచ్చింది. ఈ చిత్రం కోసం దర్శకుడు కోమల్‌ ఎంతో కష్టపడ్డారు. చిత్రీకరణ సమయంలో యూఎస్‌లో సడెన్‌గా మంచు కురవడం, సడన్‌‌గా ఎండ ఇలా ఎన్నో ఛాలెంజ్‌లు చూశాం. అమెరికాలోని అడవుల్లో చిత్రీకరణ చేశాం. చాలా రిస్కీ ప్రదేశాల్లో చిత్రీకరణ జరిగింది. తప్పకుండా ఈ చిత్రం నటిగా నాతో పాటు అందరికి మంచి పేరును తీసుకొస్తుంది. ప్రేక్షకులకు ఓ సరికొత్త థియేట్రికల్‌ ఎక్స్‌పీరియన్స్‌ ఇస్తుందని నమ్ముతున్నానని అన్నారు.