Yashika Aannand: యాషికా ఆనంద్. బిజీ బిజీ
ABN, Publish Date - Nov 03 , 2024 | 01:32 PM
సోషల్ మీడియాలో చాలా యాక్టివ్‌గా ఉంటూ నిత్యం ఫొటోషూట్లతో నెట్టింట ర‌చ్చ రేపే బ్యూటీ యషికా ఆనంద్ కోలీవుడ్‌లో వరుస అవ‌కాశాలతో దూసుకెళుతుంది.
హాట్ బ్యూటీ నటి యషికా ఆనంద్ (Yashika Aannand) కోలీవుడ్‌లో వరుస అవ‌కాశాలతో దూసుకెళుతుంది. మోడల్, బుల్లితెర నటిగా కెరీర్ ప్రారంభించిన యషిక 2016లో వచ్చిన 'ధురంవంగల్ పత్తినారు ' అనే తమిళ మూవీతో సినీ రంగ ప్రవేశం చేసింది. 2018లో 'ఇరుట్టు అరైయిల్ మురట్టు' సినిమాతో గుర్తింపు తెచ్చుకుంది. ఆపై నోటా సినిమాతో టాలీవుడ్ ఎంట్రీ ఇచ్చింది గానీ ఇక్క‌డ ఐడెంటిటీ తెచ్చుకోలేక పోయింది.
త‌ర్వాత తమిళ బిగ్ బాస్ 2లోకి ఎంట్రీతో ఈ అమ్మడి త‌ల‌రాత మారిపోవ‌డ‌మే కాక వీప‌రీత‌మైన పాపులారిటీ సంపాదించుకుంది. 2021లో 'బెస్టీ' చిత్రానికి గాను లాస్ వెగాస్ ఇండిపెండెంట్ ఫిల్మ్ ఫెస్టివల్ అవార్డు సైతం గెలుచుకుంది. సోషల్ మీడియాలో చాలా యాక్టివ్‌గా ఉండే అ సుంద‌రి ఫొటోషూట్లతోనే నెట్టింట ర‌చ్చ రేపుతుంటుంది. నిత్యం త‌న హాట్ హాట్ ఫోటోల‌ను పోస్ట్ చేస్తూ కుర్రాకారుకు నిద్ర‌లేకుండా చేస్తోంది.
ఇదిలాఉండ‌గా ప్ర‌స్తుతం ఓ నాలుగైదు చిత్రాల‌తో య‌మ బిజీగా ఉన్న ఈ ముద్దుగుమ్మ యషికా ఆనంద్ (Yashika Aannand) తాజాగా మ‌రో చిత్రానికి సైన్ చేసింది. ఈ మూవీలో యాషికా ఆనంద్ వైద్యురాలి పాత్రలో నటించనుంది. మాజీ సైనికోద్యోగి ఎం.ఏ.బాలా దర్శకత్వంలో రూపొందే ఈ చిత్రాన్ని ట్వింకిల్‌ ల్యాబ్స్‌ ప్రొడక్షన్స్‌ బ్యానరుపై ఆయనే నిర్మించనున్నారు. సంప్రదాయ పూజా కార్యక్రమంతో దీపావళి పండుగ రోజున చిత్రాన్ని ప్రారంభించారు.
రాంప్రసాద్‌ అనే వైద్యుడు హీరోగా నటిస్తుండ‌గా మిస్టరీ థ్రిలర్‌ జానర్‌లో మూవీ రూపుదిద్దుకోనుంది. హీరోహీరోయిన్లు ఇద్దరూ వైద్యుల పాత్రల్లో కనిపించనున్నారు. డేవిడ్‌ భాస్కర్‌ ఛాయాగ్రహణం అందించే ఈ చిత్రానికి విపిన్‌ ఆర్‌ సంగీతం సమకూర్చనున్నారు. త్వరలోనే సెట్స్‌పైకి వెళ్లనున్న ఈ సినిమా చెన్నై, దాని పరిసర ప్రాంతాల్లో చిత్రీకరణ జరుపుకోనుంది.