Thangalaan: ఈ సారైనా ముహూర్తం కుదురుతుందా?
ABN, Publish Date - Jun 17 , 2024 | 12:24 PM
విక్రమ్‌ (Vikram) హీరోగా పీరియాడికల్‌ యాక్షన్‌ డ్రామాగా తెరకెక్కుతున్న చిత్రం ‘తంగలాన్‌’ (Thangalaan) పా.రంజిత్ (Pa Ranjith) దర్శకుడు.
విక్రమ్‌ (Vikram) హీరోగా పీరియాడికల్‌ యాక్షన్‌ డ్రామాగా తెరకెక్కుతున్న చిత్రం ‘తంగలాన్‌’ (Thangalaan) పా.రంజిత్ (Pa Ranjith) దర్శకుడు. కోలార్‌ గోల్డ్‌ ఫీల్డ్స్‌ నేపథ్యంలో వాస్తవ ఘటనల ఆధారంగా రూపొందుతున్న ఈ చిత్రాన్ని స్టూడియో గ్రీన్‌, నీలమ్‌ ప్రొడక్షన్స్‌ పై కేఈ జ్ఞానవేల్‌ రాజా ఈ చిత్రం నిర్మించారు. ‘తంగలాన్‌ ’ సినిమాను మొదట జనవరిలో విడుదల చేయాలనుకున్నారు. కానీ కుదరలేదు. దాంతో ఏప్రిల్‌కు వాయిదా పడింది. గ్రాఫిక్స్‌ తదితర పనుల వల్ల అప్పుడు విడుదలకు నోచుకోలేదు. అయితే తాజా సమాచారం ప్రకారం ఈ సినిమాను ఆగస్టు 15న రిలీజ్‌ చేేసందుకు మేకర్స్‌ సన్నాహాలు చేస్తున్నారని కోలీవుడ్‌ టాక్‌. మరి ఈసారైనా విడుదలకు నోచుకుంటుందో లేదో చూడాలి. (Thangalaan Release Date)
ప్రయోగాలకు వెనకాడని విక్రయ్‌ ఈ చిత్రం కోసం పెద్ద సాహసమే చేశారు. డీ గ్లామర్‌ పాత్రలో మొత్తం మేకోవర్‌ మార్చేశారు. గతంలో కూడా ఆయన ఇలాంటి ప్రయోగాలు ఎన్నో చేశారు. మాళవికా మోహనన్‌ హీరోయిన్‌గా నటించిన ఈ సినిమాలో పార్వతీ తిరువోరు, పశుపతి, హరికృష్ణన్‌ కీలక పాత్రలు పోషిస్తున్నారు. జీవీ ప్రకాష్‌ కుమార్‌ సంగీతం అందిస్తున్నారు.