Love Insurance Kompany: ‘లవ్‌ ఇన్సూరెన్స్‌ కంపెనీ’ ఫస్ట్‌లుక్‌ విడుదల
ABN, Publish Date - Jul 27 , 2024 | 09:12 PM
హీరో ప్రదీప్‌ రంగనాథన్‌ పుట్టినరోజును పురస్కరించుకుని, ఆయన హీరోగా విఘ్నేష్‌ శివన్‌ దర్శకత్వంలో తెరకెక్కిన ‘లవ్‌ ఇన్సూరెన్స్‌ కంపెనీ’ (ఎల్‌ఐకే) ఫస్ట్‌లుక్‌, ఎస్.జె. సూర్య లుక్‌ని రిలీజ్‌ చేశారు. ఈ రెండు లుక్స్.. ఇంట్రెస్టింగ్‌గా ఉండటమే కాకుండా.. సినిమాపై క్యూరియాసిటీని పెంచుతున్నాయి. 7 స్ర్కీన్‌ స్టూడియో బ్యానర్‌పై లలిత్‌ కుమార్‌ రౌడీ పిక్చర్స్‌తో కలిసి ఈ చిత్రాన్ని నిర్మించారు.
హీరో ప్రదీప్‌ రంగనాథన్‌ (Pradeep Ranganathan) పుట్టినరోజును పురస్కరించుకుని, ఆయన హీరోగా విఘ్నేష్‌ శివన్‌ (Vignesh Shivan) దర్శకత్వంలో తెరకెక్కిన ‘లవ్‌ ఇన్సూరెన్స్‌ కంపెనీ’ (ఎల్‌ఐకే) ఫస్ట్‌లుక్‌ రిలీజ్‌ చేశారు. ఈ పోస్టర్‌ పరిశీలిస్తే లవ్‌, బ్రేకప్‌ వంటి అంశాలతో రూపొందించినట్టుగా కనిపిస్తుంది. దీనిని ధ్రువీకరించేలా పోస్టర్‌లోని ఓ భవనంపై ‘బ్రేకప్‌ క్లెయిమ్‌ పెనాల్టీ’ అని రాసివుంది. ప్రదీప్‌ రంగనాథన్‌ ఫోన్‌ టచ్‌ చేస్తున్నట్లుగా ఉన్న లుక్ అందరిని ఆకర్షిస్తోంది. విఘ్నేష్‌ శివన్‌ దర్శకత్వం వహించిన చిత్రాల్లో ఒక్క సినిమా మినహా మిగిలిన చిత్రాలన్నీ ప్రేమ నేపథ్యంలో తెరకెక్కినవే. ఈ సినిమా కూడా ఆ బాణీలోనే రూపొందిస్తున్నారు. (Love Insurance Kompany First Look)
Also Read- K Vijaya Bhaskar: మరో ‘నువ్వు నాకు నచ్చావ్’ లాంటి సినిమా ఇది..
7 స్ర్కీన్‌ స్టూడియో బ్యానర్‌పై లలిత్‌ కుమార్‌ రౌడీ పిక్చర్స్‌తో కలిసి ఈ చిత్రాన్ని నిర్మించారు. ఇందులో ఎస్‌జే సూర్య, సీమాన్‌, కృతిశెట్టి, యోగిబాబు, ఆనంద్‌ రాజ్‌, మాళవిక, సునీల్‌ రెడ్డి తదితరులు నటించారు. సత్యన్‌ సూర్యన్‌ సినిమాటోగ్రఫీ, అనిరుధ్‌ సంగీతం సమకూర్చిన ఈ సినిమాను నేటి యూత్ ప్రేమకథగా పూర్తిస్థాయి హాస్యభరితంగా నిర్మిస్తున్నారు. ఇదిలా వుండగా గతంలో ఈ చిత్రం పేరును ‘ఎల్‌ఐసీ’గా ఖరారు చేయగా, జీవిత బీమా సంస్థ నుంచి అభ్యంతరం రావడంతో ఆ పేరును ఎల్‌ఐకే (‘లవ్‌ ఇన్సూరెన్స్‌ కంపెనీ’)గా మార్చారు.
ప్రస్తుతం ఈ సినిమాకు సంబంధించి ప్రమోషన్స్ యమా జోరుగా మొదలెట్టారు. ఫస్ట్ లుక్‌తో పాటు ఈ సినిమాలో కీలక పాత్రలో నటిస్తోన్న ఎస్.జె. సూర్య (SJ Suryah) లుక్‌ని కూడా మేకర్స్ రివీల్ చేశారు. ఈ లుక్ చూస్తుంటే.. ఎస్.జె. సూర్య కెరీర్‌లో మరో వైవిధ్యమైన పాత్రలో నటించినట్లుగా అర్థమవుతోంది. ప్రస్తుతం ఈ ఫస్ట్ లుక్, ఎస్.జె. సూర్య లుక్‌తో ‘లవ్‌ ఇన్సూరెన్స్‌ కంపెనీ’ ట్యాగ్ వైరల్ అవుతోంది. త్వరలోనే ఈ సినిమాకు సంబంధించిన మరిన్ని వివరాలను మేకర్స్ తెలియజేయనున్నారు.
Read Latest Cinema News