Namitha: దేవాలయ సిబ్బందిపై నటి అసహనం!

మధుర మీనాక్షి దేవాలయ (Madhura meenakshi Temple) సిబ్బందిపై నటి నమిత (Namitha)మండిపడ్డారు.

మధుర మీనాక్షి దేవాలయ (Madhura meenakshi Temple) సిబ్బందిపై నటి నమిత (Namitha)మండిపడ్డారు. దర్శనానికి వెళ్లిన ఆమెను లోపలికి అనుమతించలేదని, అగౌరవంగా మాట్లాడారని నమిత ఆరోపించారు. ఈ మేరకు ఆమె ఓ వీడియో రిలీజ్‌ చేశారు. ‘‘కృష్ణాష్టమి వేడుకల్లో భాగంగా కుటుంబంతో కలిసి మీనాక్షి అమ్మవారి దేవాలయానికి వెళ్లా. ఆలయంలోకి వెళ్లకుండా అక్కడి సిబ్బంది నన్ను అడ్డుకున్నారు. నాకు సంబంధించిన సర్టిఫికెట్స్‌ చూపించమన్నారు. ఈ వ్యాఖ్యలు నన్నెంతో బాధించాయి. తమిళనాడులోనే కాకుండా దేశవ్యాప్తంగా ఉన్న ఎన్నో ప్రముఖ ఆలయాలను నేను సందర్శించినట్లు చెప్పా. ఆ సిబ్బందిపై తగిన చర్యలు తీసుకోవాలని కోరుకుంటున్నా’’ అని నమిత పేర్కొన్నారు.

ప్రస్తుతం నమిత వ్యాఖ్యలు నెట్టింట వైరల్‌గా మారడంతో ఈ ఘటనపై ఆలయ పరిపాలన సిబ్బంది స్పందించారు. ‘‘నమితతో ఎవరూ అమర్యాదకరంగా వ్యవహరించలేదు. ఆలయ నియమాల ప్రకారమే ఆమెతో మాట్లాడాం. పై అధికారులు చెప్పడంతో కొంత సమయం ఆగమని చెప్పాం. కొంతసేపటి తర్వాత ఆమెను దేవాలయంలోకి  అనుమతించాం’’ అని తెలిపారు.