Mohanlal Mammootty 50: స్నేహం అంటే ఇదేరా.. ముమ్ముట్టి, మోహన్‌లాల్
ABN, Publish Date - Nov 20 , 2024 | 02:00 PM
మాలీవుడ్ మెగాస్టార్ ముమ్ముట్టి, నేచురల్ యాక్టర్ మోహన్‌లాల్ కాంబినేషనల్ లో దాదాపు రెండో దశాబ్దాల తర్వాత 50వ సినిమా తెరకెక్కనుంది. అలాగే ఈ సినిమాలో చాలా స్పెషల్ సర్ప్రైజ్‌లు ప్లాన్ చేశారు అవి ఏంటంటే..
మాలీవుడ్ మెగాస్టార్ ముమ్ముట్టి, నేచురల్ యాక్టర్ మోహన్‌లాల్ తమ కెరీర్‌లలో మరో బిగ్ ప్రాజెక్ట్‌కి ఓకే చెప్పేశారు. వీరిద్దరూ కలిసి ఇప్పటికే 49 సినిమాల్లో నటించారు. కానీ, రెండు దశాబ్దాల నుండి వీరిద్దరి కాంబినేషన్ లో ఒక్క మూవీ కూడా రాలేదు. ఈ నేపథ్యంలోనే ఫహద్ ఫాసిల్ కి 'మాలిక్', 'సీ యూ సూన్' వంటి బ్లాక్ బస్టర్ హిట్స్ అందించిన మహేశ్ నారాయణ్ దర్శకత్వంలో ముమ్ముట్టి, మోహన్‌లాల్ ప్రధాన కథానాయకులుగా 50వ చిత్రం తెరకెక్కిస్తున్నారు. అలాగే ఈ సినిమాలో చాలా స్పెషల్ సర్ప్రైజ్‌లు ప్లాన్ చేశారు అవి ఏంటంటే..
మహేష్ నారాయణ్ మొదట కమల్ హాసన్ తో ఒక సినిమా చేయాల్సి ఉంది. కానీ.. కొన్ని అనివార్య కారణాల వల్ల ఆ సినిమా కార్యరూపం దాల్చలేదు. ఇక రెండేళ్ల గ్యాప్ తర్వాత ఆయన ఈ మల్టీ స్టారర్ సినిమాకి స్వీకారం చుట్టారు. తాజాగా ఈ సినిమా షూటింగ్ శ్రీలంకలో ప్రారంభించారు. ప్రస్తుతం ఆ ఫోటోలు సోషల్ మీడియాలో #MMMN అనే హాష్ ట్యాగ్‌తో ట్రెండ్ అవుతున్నాయి. ఈ సినిమా షూటింగ్ విశాఖపట్నం, హైదరాబాద్, ఢిల్లీ, కొచ్చిన్,అబుదాబి, అజర్ బైజాన్‌లలో 150 రోజుల పాటు జరగనుంది.
ఇక ఈ సినిమాలో సౌతిండియన్ లేడి సూపర్ స్టార్ నయనతారతో పాటు విలక్షణ నటుడు ఫహద్ ఫాజిల్ నటించనున్నారు. అలాగే ‘నాయట్టు’ ఫేమ్ కుంచాకో బోబన్, రంజి పనిక్కర్, ‘హృదయం' ఫేమ్ దర్శనా రాజేంద్రన్ ప్రధాన పాత్రల్లో నటించనున్నారు. ఆంటో జోసఫ్, సి.ఆర్.సలీమ్, సుభాష్ జార్జ్ మాన్యూల్ సంయుక్తంగా నిర్మిస్తున్న ఈ చిత్రానికి ‘థగ్స్ ఆఫ్ హిందుస్థాన్’, ‘రాకీ ఔర్ రాణీ కీ ప్రేమ్ కహానీ చిత్రాల ఫేమ్ మనుష్ నందన్ సినిమాటోగ్రాఫర్ గా వ్యవహరిస్తున్నారు