Mahat Raghavendra: పోస్డ్‌ప్రొక్షన్‌లో మహత్‌ ‘కాదలే.. కాదలే’
ABN, Publish Date - Aug 18 , 2024 | 06:06 PM
పలు తెలుగు, తమిళ చిత్రాలతో గుర్తింపు తెచ్చుకున్న నటుడు మహత్‌ రాఘవేంద్ర. తాజాగా ఆయన హీరోగా నటించిన తమిళ చిత్రం ‘కాదలే కాదలే’. ఇప్పటికే షూటింగ్‌ పూర్తి చేసుకున్న ఈ మూవీ ప్రస్తుతం పోస్డ్‌ప్రొక్షన్‌ నిర్మాణ పనులు జరుపుకుంటోంది.
‘మంగాత్తా’ సినిమా ద్వారా ప్రేక్షకుల్లో తనకంటూ గుర్తింపు తెచ్చుకున్న నటుడు మహత్‌ రాఘవేంద్ర (Mahat Raghavendra). పలు చిత్రాల్లో మంచి పాత్రలను పోషించిన మహత్‌.. ప్రస్తుతం ‘కాదలే కాదలే’ (Kadhale Kadhale)పేరుతో తెరకెక్కనున్న చిత్రంలో హీరోగా నటిస్తున్నారు. మీనాక్షి (Meenakshi Govindarajan) హీరోయిన్‌.
సీనియర్‌ దర్శకుడు, దివంగత కేవీ ఆనంద్‌ వద్ద అసిస్టెంట్‌ డైరెక్టరుగా పనిచేసిన ఆర్‌.ప్రేమానంద్‌ (R Premnath) ఈ చిత్రం ద్వారా దర్శకుడిగా పరిచయమవుతున్నారు. మోడ్రన్‌ లవ్‌ నేపథ్యంలో రూపొందించే ఈ చిత్రంలో నేటి టీనేజ్‌ యువతీ యువకుల మధ్య ఉండే సంబంధాలు, ప్రేమ తదితర అంశాలను టచ్‌ చేస్తూ కొనసాగనుంది.
ఇందులో ఇతర పాత్రల్లో భారతీరాజా, వీటీవీ గణేష్‌, రవీనా, పుగళ్‌, నాజర్‌తో పాటు పలువురు నటీనటులు ఇతర పాత్రలను పోషించారు. శ్రీవారి ఫిలిమ్స్‌ పతాకంపై నిర్మాత పి.రంగనాథన్‌ (P Ranganathan) నిర్మించిన ఈ చిత్రానికి విశాల్‌ చంద్రశేఖర్‌ సంగీతం సమకూరుస్తున్నారు. ఇప్పటికే షూటింగ్‌ పూర్తి చేసుకున్న ఈ మూవీ పోస్డ్‌ప్రొక్షన్‌ నిర్మాణ పనులను జరుపుకుంటోంది. త్వరలోనే ట్రైలర్‌, ఆడియో, చిత్ర విడుదల తేదీలను ప్రకటించనున్నారు.