Raayan: ధ‌నుష్.. ఇది అసలు నువ్వేనా! ఏంటీ సామీ.. ఈ ట్రాన్స్‌ఫ‌ర్మేష‌న్‌
ABN, Publish Date - Feb 19 , 2024 | 09:02 PM
త‌మిళ, తెలుగు భాష‌ల్లో మంచి ఫాలోయింగ్ ఉన్న న‌టుడు ధ‌నుష్. కెప్టెన్ మిల్ల‌ర్ వంటి బ్లాక్‌బ‌స్ట‌ర్ వంటి హిట్ త‌ర్వాత చేస్తున్న చిత్రం రాయన్ సినిమా టైటిల్‌ను సోమ‌వారం సాయంత్రం ప్ర‌క‌టించారు.
త‌మిళ, తెలుగు భాష‌ల్లో మంచి ఫాలోయింగ్ ఉన్న న‌టుడు ధ‌నుష్ (Dhanush). కెప్టెన్ మిల్ల‌ర్ వంటి బ్లాక్‌బ‌స్ట‌ర్ వంటి హిట్ త‌ర్వాత చేస్తున్న చిత్రం రాయన్ (Raayan). డీ 50 గా వ‌స్తున్న ఈ సినిమా టైటిల్‌ను ఈ రోజు (సోమ‌వారం) సాయంత్రం ప్ర‌క‌టించారు.
స‌న్ పిక్చ‌ర్స్ (Sun Pictures) నిర్మిస్తున్న ఈ చిత్రానికి స్వ‌యంగా ధ‌నుషే దర్శకత్వం వ‌హిస్తుండ‌గా సందీప్ కిష‌న్ (Sundeep Kishan) , కాళిదాస్ (kalidas jayaram), ఎస్‌జే సూర్య, ఆప‌ర్ణ బాల ముర‌ళి, అనైక సురేంద్ర‌న్ ప్ర‌ధాన పాత్ర‌లు పోషిస్తున్నారు.
గ‌త డిసెంబ‌ర్‌లోనే ఈ చిత్రం షూటింగ్ పూర్తి కాగా తాజాగా సినిమా ఫ‌స్ట్ లుక్‌ను రివీల్ చేశారు. ఈ లుక్‌లో ధ‌నుష్‌తో పాటు సందీప్ కిష‌న్ (Sundeep Kishan), కాళిదాస్ (kalidas jayaram) మంచి యాక్ష‌న్ మోడ్‌లో ఉన్న‌ట్లు తెలుస్తోంది. చెన్నైలో గ్యాంగ్ స్ట‌ర్ నేప‌థ్యంలో ఈ సినిమా ఉండ‌నున్న‌ట్లు తెలుస్తోంది. గ‌తంలో ప‌వ‌ర్ పాండి అనే సినిమాకు దర్శకత్వం చేసిన ధ‌నుష్ (Dhanush) మ‌ళ్లీ ఇన్నాళ్లకు ఈ రాయన్ (Raayan) చిత్రానికి దర్శకత్వం వ‌హించడం విశేషం. త్వ‌ర‌లో మ‌రో చిత్రాన్ని కూడా ధ‌నుష్ డైరెక్ట్ చేయ‌నున్న‌ట్లు స‌మాచారం.
ఏఆర్ రెహ‌మాన్ (A.R.Rahman) సంగీతం అందిస్తున్న ఈ చిత్రాన్ని పాన్ ఇండియా స్థాయిలో త‌మిళంతో పాటు తెలుగు, మ‌ల‌యాళం, క‌న్న‌డ, హిందీ భాష‌ల్లో తీసుకు వ‌స్తున్నారు. ముఖ్యంగా ఈ సినిమా కోసం ధ‌నుష్ గుడ్డు కొట్టించుకున్న‌ట్లు తెలుస్తోండ‌గా ఆ స్టిల్స్ ఇప్పుడు సోష‌ల్ మీడియాను షేక్ చేస్తున్నాయి. అసలు ఫొటోలో ఉన్న‌ది నువ్వేనా ఏంటీ ట్రాన్స్‌ఫ‌ర్మేష‌న్‌ అంటూ సినీ అభిమానులు ఆశ్చ‌ర్య పోతున్నారు.