Red Flower: ‘రెడ్‌ ఫ్లవర్‌’ బృందానికి విజయ్‌ సేతుపతి ప్రశంసలు
ABN, Publish Date - Aug 02 , 2024 | 10:08 AM
త‌మిళ నటుడు విఘ్నేష్ హీరోగా , విల‌న్‌గా డ్యుయ‌ల్ రోల్స్‌లో న‌టిస్తున్న చిత్రం ‘రెడ్‌ ఫ్లవర్‌’. మూడ‌వ ప్ర‌పంచ యుద్దం నేప‌థ్యంలో రూపొందిన ఈ చిత్రాన్ని మ‌క్క‌ల్ సెల్వ‌న్‌ విజయ్‌ సేతుపతి ప్రశంసించారు
త‌మిళ నటుడు విఘ్నేష్ హీరోగా , విల‌న్‌గా డ్యుయ‌ల్ రోల్స్‌లో న‌టిస్తున్న చిత్రం ‘రెడ్‌ ఫ్లవర్‌’ (Red Flower). మూడ‌వ ప్ర‌పంచ యుద్దం నేప‌థ్యంలో రూపొందిన ఈ చిత్రాన్ని మ‌క్క‌ల్ సెల్వ‌న్‌, ప్రముఖ నటుడు విజయ్‌ సేతుపతి (VijaySethupathi) ప్రశంసించారు.
ఈ సినిమా టీజర్‌ వీక్షించిన ఆయన ఎంతో ఇంప్రెస్‌ అయ్యారు. సినిమా చాలా రిచ్‌గా, గ్రాండ్‌గా రూపొందించారని, టెక్నికల్‌గా చాలా బాగుందంటూ కితాబిచ్చారు.
ముఖ్యంగా సంగీతం అద్భుతంగా ఉందని, విజువల్‌గా, టెక్నికల్‌గా సినిమాటిక్‌ ఎక్స్‌పీరియన్స్‌ క్రియేట్‌ చేయడంలో చిత్రబృందం కమిట్‌మెంట్‌ను విజయ్‌ సేతుపతి (VijaySethupathi) ఈ సందర్భంగా కొనియాడారు.
తనను కలిసిన హీరో విగ్నేష్‌, దర్శకుడు ఆండ్రూ పాండ్యన్ (Andrew Pandian) లను ప్రత్యేకంగా అభినందించడమే కాకుండా, ఈ సినిమా సెకండ్‌ లుక్‌ కూడా రిలీజ్‌ చేశారు.
ఈ సందర్భంగా దర్శక హీరోలు విజయ్‌ సేతుపతి (VijaySethupathi)కి ధన్యవాదాలు తెలిపారు. శ్రీ కాళికాంబాల్‌ పిక్చర్స్ (Sri Kaligambal Pictures) పతాకంపై కె.మాణిక్యం భారీ బడ్జెట్‌తో ఈ చిత్రాన్ని నిర్మిస్తున్నారు. కథ, స్క్రీన్‌ప్లే, మాటలను సమకూర్చిన ఆండ్రూ పాండ్యన్ (Andrew Pandian) దర్శకత్వ బాధ్యతలను కూడా విజయవంతంగా పూర్తి చేశారు.
పైగా ఈ సినిమాను సెట్స్‌పైకి తీసుకెళ్ళినప్పటి నుంచి అభిమానుల్లో ఉత్కంఠత నెలకొంది. దీనికితోడు విజయ్‌ సేతుపతి ప్రశంసలు ఇపుడు సినిమాపై అంచనాలను మరింతగా పెంచేశాయి. కాగా, సినిమా మోషన్‌ పోస్టర్‌ను త్వరలోనే విడుదల చేసేందుకు దర్శకనిర్మాతలు ప్లాన్‌ చేస్తున్నారు.