Committee Kurrollu OTT: ఓటీటీకి వ‌చ్చేసిన ‘కమిటీ కుర్రోళ్ళు’.. డోంట్ మిస్‌
ABN, Publish Date - Sep 12 , 2024 | 02:06 PM
ఇటీవ‌ల థియేట‌ర్ల‌లో విడుద‌లై ప్రేక్షకులకు మంచి వినోదాన్ని పంచడంతో పాటు, వారి బాల్యాల‌ను త‌ట్టి లేప‌డంతో పాటు మంచి విజ‌యం సాధించిన ‘కమిటీ కుర్రోళ్ళు’ సినిమా వినాయక చవితిని పురస్కరించుకుని డిజిట‌ల్ స్ట్రీమింగ్‌కు తీసుకువ‌చ్చారు.
ఇటీవ‌ల థియేట‌ర్ల‌లో విడుద‌లై ప్రేక్షకులకు మంచి వినోదాన్ని పంచడంతో పాటు, వారి బాల్యాల‌ను త‌ట్టి లేప‌డంతో పాటు మంచి విజ‌యం సాధించిన ‘కమిటీ కుర్రోళ్ళు’ (Committee Kurrollu OTT) సినిమా వినాయక చవితిని పురస్కరించుకుని డిజిట‌ల్ స్ట్రీమింగ్‌కు తీసుకువ‌చ్చారు. సుమారు పదకొండు మందికి పైగా కొత్త నటులను, న‌లుగురు హీరోయిన్స్‌ను వెండితెరకు పరిచయం చేస్తూ నూతన దర్శకుడు యదు వంశీ (yadu Vamsi) ఈ చిత్రాన్ని తెరకెక్కించాడు. సాయికుమార్‌, గోపరాజు రమణ, సీనియర్‌ నటి శ్రీ లక్ష్మి, ‘కేరాఫ్‌ కంచరపాలెం’ ఫేమ్‌ కిశోర్‌ కీలక పాత్రలు పోషించారు. మెగా డాటర్‌ నిహారిక కొణిదెల (Niharika Konidela) నిర్మించింది.
కథ విష‌యానికి వ‌స్తే.. పురుషోత్తంపల్లి.. గోదావరి జిల్లాల్లోని ఓ మారుమూల పల్లెటూరు. అక్కడ పన్నెండేళ్లకు ఒకసారి జరిగే భరింకాళమ్మతల్లి జాతర, అక్కడ చేసే బ‌లి చేట ఉత్సవానికి ఎంతో ప్రాధాన్యం ఉంటుంది. అయితే ఈసారి జాతర స‌మ‌యంలోనే సర్పంచ్ ఎన్నిక‌లు రావ‌డంతో ఆ ఊరి ప్రస్తుత సర్పంచ్ బుజ్జి (సాయి కుమార్‌)పై పోటీ చేసేందుకు ఆ ఊరికి చెందిన ఓ కుర్రాడున శివ (సందీప్‌ సరోజ్‌) ముందుకొస్తాడు. అయితే గతంలో జాతర సమయంలో కులం రిజర్వేషన్‌ కారణంగా జరిగిన గొడవలో 11 మంది స్నేహితుల్లో ఒక‌త‌ను ఆత్రం (నరసింహ) మరణిస్తాడు. దాంతో స్నేహితుల్లో కొందరు తలో దారికి వెళ్లిపోతారు. ఆ గొడ‌వ‌ల‌ను దృష్టిలో పెట్టుకొని ఈసారి జాతర పూర్తయ్యే వరకు ఎలాంటి ఎన్నికల ప్రచారం చేయ‌కూడ‌దని పంచాయితీలో ఊరి పెద్దలు నిర్ణ‌యిస్తారు.