Padutha Theeyaga: బుల్లితెరపై ఈ షోకు తిరుగులేదు.. సరికొత్త రికార్డ్‌కు చేరువవుతున్న వేళ..
ABN, Publish Date - Sep 24 , 2024 | 09:22 PM
పాటల కార్యక్రమంలో సుధీర్ఘంగా నడిచిన షోగా ‘పాడుతా తీయగా’ ఇప్పటికీ రికార్డులను క్రియేట్ చేస్తూనే ఉంది. ఇప్పటికే 23 సీజన్లను పూర్తి చేసుకున్న ఈ షో.. ప్రస్తుతం 24వ సీజన్ ప్రసారమవుతుంది. త్వరలోనే ఈ షో సిల్వర్ జూబ్లీ సెలబ్రేషన్స్‌ని జరుపుకోబోతోంది.
బుల్లితెరపై తిరుగులేని షో ‘పాడుతా తీయగా’ (Padutha Theeyaga). పాటల కార్యక్రమంలో సుధీర్ఘంగా నడిచిన షోగా ‘పాడుతా తీయగా’ ఇప్పటికీ రికార్డులను క్రియేట్ చేస్తూనే ఉంది. ఇప్పటికే 23 సీజన్లను పూర్తి చేసుకున్న ఈ షో.. ప్రస్తుతం 24వ సీజన్ ప్రసారమవుతుంది. ఈ సీజన్‌లో ఇప్పటికి 17 ఎపిసోడ్స్ టెలికాస్ట్ అయ్యాయి. బుల్లితెరపై ఎన్ని సాంగ్స్ షో‌లు వచ్చినా.. ‘పాడుతా తీయగా’ షోకు సెపరేట్ ట్రాక్ రికార్డ్, సెపరేట్ క్వాలిటీ ఉంటుందనే హిస్టరీ మాత్రం అలానే ఉంది, ఉంటుంది. ఈ షో 1996లో ప్రారంభమైంది. త్వరలోనే సిల్వర్ జూబ్లీ వేడుకలతో సరికొత్త రికార్డ్‌కు ఈ షో చేరువవుతోంది.
Also Read- Hero Karthi పవన్‌ స్వీట్‌ వార్నింగ్‌కు కార్తి స్పందన
ఈటీవీ పుట్టిన ఈ 30 ఏళ్లలో ‘పాడుతా తీయగా’ షోకు విడదీయలేని బంధం ఉంది. ఇప్పటి వరకు పాడుతా తీయగా షోలో 500కి పైగా కంటెస్టెంట్లు పాల్గొన్నారు. ‘పాడుతా తీయగా’ షో పై స్వర్గీయ ఎస్పీ బాలసుబ్రహ్మణ్యం చెరగని ముద్ర వేశారు. ఈ ముద్ర ఈ షో నడిచినంతకాలం అలానే ఉంటుంది. ఈ షోని ఆయన తయారు చేసిన విధానం అలాంటిది మరి. ఆయన ఇచ్చిన సూచనలు, పంచిన సంగీత జ్ఞానం, చెప్పిన విలువైన పాటలు, మాటలు ఈ షోను తెలుగు వారందరి మనసుల్లో చిరస్థాయిగా నిలిచేలా చేశాయి. ఆయన లేనప్పటికీ.. ఈ షో పేరు వినబడితే చాలు ఆయన రూపమే కనబడుతుంది. ‘పాడుతా తీయగా’కు, ఎస్పీ బాలుకు ఉన్న కనెక్షన్ అలాంటిది.
Also Read- Kiraak RP: లడ్డు వివాదం.. వైఎస్ జగన్‌పై కిరాక్ ఆర్పీ సంచలన కామెంట్స్
ఇక ఇప్పుడు ఆయన కుమారుడు ఎస్పీ చరణ్ ఈ షోకు హోస్ట్‌గా ఉంటున్నారు. ఎస్పీబీ వారసత్వాన్ని విజయవంతంగా ఆయన ముందుకు తీసుకువెళుతున్నారు. ఆస్కార్ అవార్డ్ గ్రహీత, ప్రముఖ పాటల రచయిత చంద్రబోస్ ఈ షోకు జడ్జ్‌గా వ్యవహరిస్తున్నారు. ఆయనతో పాటు సునీత, విజయ్ ప్రకాష్ వంటి ప్రముఖ సింగర్స్ ఈ షోలో న్యాయనిర్ణేతలుగా ఉంటూ తమ సంగీత జ్ఞానాన్ని కంటెస్టెంట్లకు, ఆడియెన్స్‌కు పంచుతున్నారు.