Biggboss: అనుకున్నంత అయింది.. బిగ్‌బాస్ నుంచి గంగ‌వ్వ, హరితేజ అవుట్‌
ABN, Publish Date - Nov 11 , 2024 | 08:08 AM
బిగ్‌బాస్ తెలుగు సీజ‌న్ 8 10వ వారం ఈ వారం ఎవ‌రూ ఊహించ‌ని విధంగా డ‌బుల్ ఎలిమినేషన్ జ‌రిగింది. దీంతో అటు ప్రేక్ష‌కులు, లోప‌ల హౌజ్‌మేట్స్ ఒక్క‌సారిగా ఖంగు తిన్నారు.
అనుకున్న‌ట్లే అయింది. బిగ్‌బాస్ తెలుగు సీజ‌న్ 8 (Bigg Boss Telugu 8) 10వ వారం బిగ్‌బాస్ హౌజ్ నుంచి హరితేజ (Hari Teja) ఎలిమినేట్ అయింది. దానికితోడు మ‌రో కంటెస్టెంట్ గంగ‌వ్వ (Gangavva) త‌న అనారోగ్య స‌మ‌స్య‌ల వ‌ళ్ల సెల్ఫ్ ఎలిమినేట్ అయింది. దీంతో ఈ వారం ఎవ‌రూ ఊహించ‌ని విధంగా డ‌బుల్ ఎలిమినేషన్ జ‌ర‌గ‌డంతో అటు ప్రేక్ష‌కులు, లోప‌ల హౌజ్‌మేట్స్ ఒక్క‌సారిగా ఖంగు తిన్నారు.
విష‌యానికి వ‌స్తే.. పదో వారం పృథ్వీ, హరితేజ, యష్మీ, గౌతమ్, విష్ణుప్రియ, నిఖిల్, ప్రేరణ ఏడుగురు కంట‌స్టెంట్లు నామినేష‌న్‌లో ఉండ‌గా వారిలో గౌతమ్ ఓటింగ్ ఆరంభం నుంచే టాప్ ప్లేస్‌లోనే ఉండ‌గా ఆ తర్వాత నిఖిల్ ప్రేరణ, విష్ణుప్రియ, పృథ్వీ ఉండ‌గా యష్మీ, హరితేజ డేంజర్ జోన్‌లో ఉన్నారు. వీరి మ‌ధ్యే బిగ్ బాస్ తెలుగు 8 పదో వారం ఎలిమినేషన్ ప్రక్రియ జ‌రుగ‌గా వీరిలో ఒకరిని సేవ్ చేయ‌డానికి నబీల్ త‌న ఫ్రీ ఎవిక్షన్ షీల్డ్‌ను ఉపయోగించ‌డానికి స‌సేమిరా అన్నాడు. నాగార్జున ఒక‌టి రెండు సార్లు అడిగినా న‌భీల్ నాకు అవ‌స‌రం వ‌చ్చిపన‌ప్పుడు మాత్ర‌మే వాడుకుంటానంటూ స్ప‌ష్టం చేశాడు.
దీంతో ఇక చివ‌ర‌కు నామినేషన్స్‌లో ఉన్న ఒక్కొక్కొరినీ సేవ్ చేస్తూ రాగా చివరికి యష్మీ-హరితేజ మిగిలారు. ప్రేక్షకుల ఓటింగ్‌కు వెళ్ల‌గా అతి తక్కువ ఓట్లు తెచ్చుకున్న హరితేజ ఎలిమినేట్ అయినట్లు యష్మీ సేవ్ అయినట్లు నాగార్జున ప్ర‌క‌టించారు. హరితేజ వెళుతూ వెళుతూ హౌస్‌లో ఐదుగురు కంటెస్టంట్ల మాస్కులు తీసి వాళ్ల ఒరిజినాలిటీ చూపించాల‌ని నాగార్జున ఇచ్చిన టాస్క్ మేర‌కు హరితేజ (Hari Teja) అవినాష్, రోహిణి, టేస్టీ తేజ, ప్రేరణ, నిఖిల్ల మాస్క్ తీసేసి వాళ్ల గురించి తెలిపింది. ఫైన‌ల్‌గా అంద‌రికీ బైబై చెప్పేసి వెళ్లిపోయింది.
అయితే వైల్డ్ కార్డ్ ఎంట్రీగా వచ్చిన హరితేజ వారానికి రూ. 3 లక్షల వరకు పారితోషికం తీసుకుందని సమాచారం. అంటే, రోజుకు సుమారు రూ. 42,857. మొత్తంగా హరితేజ ఐదు వారాలు బిగ్ బాస్హౌస్‌లో ఉండ‌గా ఐదు వారాల‌కు గాను రూ. 15 లక్షల వరకు పారితోషికం తీసుకుందని సమాచారం.