Bigg Boss 8 Telugu Latest Promo: బిగ్‌బాస్ హౌస్‌లో జోరుగా దీపావళి వేడుకలు.. ఏడ్చేసిన గంగవ్వ
ABN, Publish Date - Oct 27 , 2024 | 05:09 PM
బిగ్‌బాస్ హౌస్‌లో దీపావళి వేడుకలు జోరుగా కొనసాగుతున్నాయి. వీకెండ్ కావడంతో హోస్ట్ నాగార్జునతో కంటెస్టెంట్స్ సందడి చేస్తున్నారు. మరోవైపు కమెడియన్స్, స్టార్ సింగర్స్ వేడుకలకి హాజరై కంటెస్టెంట్స్‌ని సర్ప్రైజ్ చేశారు. ఈ ఆహ్లాదకర వాతావరణంలో నాగార్జున బిగ్ ట్విస్ట్ ఇచ్చాడు. దీంతో కంటెస్టెంట్స్ అందరు ఏడ్చేశారు ఇంతకీ ఏమైందంటే..
మొదటగా జబర్దస్త్ స్టార్ కమెడియన్ హైపర్ అది స్టేజ్ పైకి వచ్చి అందరిని ఆశ్చర్యపరిచాడు. వచ్చి రాగానే.. రేయ్ అవినాష్ అంటూ అవినాష్‌ని పలకరించాడు. దీంతో అవినాష్.. రా అనొద్దు అంటూ ఫన్నీగా రియాక్టయ్యాడు. దీని తర్వాత రెచ్చిపోయిన ఆది.. ‘‘ఇంకొకసారి యష్మీ, ప్రేరణతో ఫ్లర్ట్ చేస్తే ఈ హౌస్‌లోనే ఉండు ఆ హౌస్‌లోకి రాకు అని అను చెప్పమంది. తేజతో నువ్వు ఇంకాసేపు ఎక్సర్సైజ్ చేయించినా విష్ణుప్రియ చెప్పిన కెమికల్స్ రిలీజ్ అయ్యేవి’’ అంటూ ఫన్ బాంబ్ పేల్చాడు. దీంతో అందరు పగలబడి నవ్వారు. నెక్స్ట్ మాట్లాడుతూ.. ‘‘సోనియా ఉన్నప్పుడు పృథ్వి, నిఖిల్ కలిసి ప్రేమదేశం సినిమా చూపించారు. తర్వాత విష్ణుప్రియ వచ్చి ప్రేమించుకుందాం రా అంది. ఆ తర్వాత నయని దూరి ఇంట్లో ఇల్లాలు వంటింట్లో ప్రియురాలు సినిమా చూపించింది. గంగవ్వ ఖాళీగా ఉండలేక కాంచన సినిమా చూపించింది’’ అంటూ కంటెస్టెంట్స్ అందరి గురించి మాట్లాడుతూ.. కడుపుబ్బా నవ్వించాడు. ఇక టేస్టీ తేజను ఉద్దేశిస్తూ.. గంగవ్వ ప్రాంక్ కంటే నిన్ను చూస్తూనే ఎక్కువ భయమేసిందన్నాడు.
అనంతరం హీరోయిన్ మెహ్రీన్ వచ్చి తన డ్యాన్స్ పర్ఫార్మెన్స్‌తో అదరగొట్టింది. నెక్స్ట్ నాగార్జున.. కంటెస్టెంట్స్‌కి ‘చాప్‌స్టిక్స్’ టాస్క్ పెట్టారు. చాప్‌‌స్టిక్స్‌తో దీపాలను అవతల వైపు ఉన్న టేబుల్‌పై తీసుకెళ్లడమే టాస్క్. ఈ టాస్క్ కంప్లీట్ అయినా తర్వాత సింగర్ సమీరా భరద్వాజ్ వచ్చి కంటెస్టెంట్స్‌పై పేరడీ పాటలు పాడి హౌస్‌ని ఉర్రూతలూగించింది.
ఇక చివరలో నాగార్జున బిగ్ ట్విస్ట్ ఇచ్చి హౌస్ మేట్స్ ని ఏడిపించాడు. టేస్టీ తేజ పేరెంట్స్, గంగవ్వ కూతురు ఫొటోస్ ని చూపించాడు. ఇద్దరిలో ఒకరికే తమ వాళ్ళ నుండి మెసేజ్ పొందే ఛాయిస్ ఉందన్నారు. మీ ఇద్దరిలో ఒకరు తొందరగా అదెవరో డిసైడ్ చేసుకోమన్నారు. దీంతో గంగవ్వ, తేజ ఇద్దరు ఎమోషనల్ అయ్యి ఏడ్చేశారు. దీంతో ఇతర హౌస్ మేట్స్ ఓదార్చారు. అలాగే ఆవినాష్ లేదా రోహిణి, మెహబూబ్ లేదా ప్రేరణ.. వీరిలో ఒకరికే వారి ఇంటి నుండి మెసేజ్ వస్తుందని కూడా అన్నారు.