Sreeleela: తిరుపతిలో శ్రీలీల, కొత్త సినిమాలు ఇవే

'గుంటూరు కారం' కథానాయకురాలు శ్రీలీల ఈరోజు తన కుటుంబంతో తిరుపతి వెంకటేశ్వర స్వామి దర్శనం చేసుకున్నారు. ఈ సందర్భంగా బయట వున్న మీడియా వారితో తన కొత్త సినిమాల గురించి ముచ్చటించారు.

టాలీవుడ్ లో సంచలనం సృష్టించిన తెలుగు అమ్మాయి శ్రీలీల ఈరోజు తిరుపతి వెళ్లి వెంకటేశ్వర స్వామి ని దర్శనం చేసుకున్నారు. ఆమె తల్లి, మిగతా కుటుంబ సభ్యులతో తిరుపతి వచ్చానని చెప్పారు. ప్రతి ఏటా తిరుపతి వస్తూ ఉంటామని, వెంకటేశ్వర స్వామిని దర్శనం చేసుకుంటామని, అదే విధంగా ఈ సంవత్సరం కూడా దైవ దర్శనానికి వచ్చామని చెప్పారు శ్రీలీల.

ఈ సందర్భంగా మాట్లాడుతూ చాలా సంతోషంగా ఉందని చెప్పారు, కుటుంబంతో వచ్చానని చెప్పారు. ఈసారి అమ్మతో రావటం చాలా సంతోషంగా ఉందని చెప్పారు. కొత్త సినిమాలు గురించి అడిగినప్పుడు త్వరలోనే ప్రకటిస్తాను అని చెప్పారు. ప్రొడక్షన్ సంస్థలు ఒకసారి ఒకే అన్నాక తన కొత్త సినిమాలు అన్నీ ప్రకటిస్తాను అని చెప్పారు శ్రీలీల. అయితే చాలా ప్రాజెక్ట్స్ పైప్ లైన్ లో ఉన్నాయని అర్థం అవుతోంది, కానీ ప్రొడక్షన్ సంస్థలు ఆ ప్రాజెక్ట్స్ ప్రకటిస్తే బాగుంటుంది అనే ఉద్దేశంతో శ్రీలీల తన కొత్త సినిమాల గురించి ప్రకటించలేదు అని అర్థం అవుతోంది.

శ్రీలీల తాజా సినిమా మహేష్ బాబు పక్కన 'గుంటూరు కారం' లో చేశారు. ఈ సినిమా మొదటి మిశ్రమ స్పందన వచ్చినా, మహేష్ బాబు అభిమానులు ఈ సినిమా చూసి బాగా సంతోషంగా వున్నారు అని అర్థం అవుతోంది. ఈ సినిమాకి త్రివిక్రమ్ శ్రీనివాస్ దర్శకుడు. ఈ సినిమాలో మహేష్ బాబు, శ్రీలీల మధ్యలో వచ్చే సన్నివేశాలు చాలా ఎంటర్ టైనింగ్ గా ఉన్నాయని అభిమానులు అనుకుంటున్నారు. ఇప్పుడు ఈ సినిమా నెట్ ఫ్లిక్స్ లో కూడా స్ట్రీమింగ్ అవుతోంది.