Om Shivam: యూనివర్శల్‌ సబ్జెక్టుతో ‘ఓం శివం’
ABN, Publish Date - Sep 15 , 2024 | 11:38 AM
యధార్థ సంఘటనతో అన్ని భాషల ప్రేక్షకులకు కనెక్ట్‌ అయ్యేలా యూనివర్శల్‌ సబ్జెక్టుగా ‘ఓం శివం’ చిత్రాన్ని తెరకెక్కిస్తున్నట్టు దర్శకుడు ఆల్విన్ వెల్లడించారు. దీపా ఫిలిమ్స్‌ బ్యానరుపై కేఎన్‌ కృష్ణ నిర్మించిన ఈ చిత్రం తమిళం, తెలుగు, హిందీ భాషల్లో తెరకెక్కుతోంది.
యధార్థ సంఘటనతో అన్ని భాషల ప్రేక్షకులకు కనెక్ట్‌ అయ్యేలా యూనివర్శల్‌ సబ్జెక్టుగా ‘ఓం శివం’ (Om Shivam)చిత్రాన్ని తెరకెక్కిస్తున్నట్టు దర్శకుడు ఆల్విన్ (Alwin) వెల్లడించారు. దీపా ఫిలిమ్స్‌ బ్యానరుపై కేఎన్‌ కృష్ణ నిర్మించిన ఈ చిత్రం తమిళం, తెలుగు, హిందీ భాషల్లో తెరకెక్కుతోంది. ఈ సినిమాతోభార్గవ్ (Bhargav Krishna) హీరోగా పరిచయమవుతుండగా, శాండల్‌వుడ్‌ హీరోయిన్‌ విరానిక షెట్టీ (Viranika Shetty) ఈ చిత్రం ద్వారా కోలీవుడ్‌లోకి అడుగు పెడుతోంది.. ఇతర పాత్రల్లో లక్ష్మి సిద్ధయ్య, అపూర్వశ్రీ, పాల్‌రాజ్‌, ఉగ్రం రవి, వరదన్‌, రోబో గణేష్‌ నటించారు.
ఈ సినిమా గురించి దర్శకుడు మాట్లాడుతూ, ‘ఒక యధార్థ కథాంశంతో తెరకెక్కిస్తున్నాం. ఈ రొమాంటిక్‌ జానర్‌లో నేటి యువత ప్రేమ కోసం ఎంత వరకు వెళ్ళడానికైనా సిద్ధపడుతుంటారు. ఈ సినిమాలో హీరో పాత్ర పేరు శివుడు. శివుడు ఎంతో యాక్టివ్‌, అగ్రెసివ్‌గా ఉంటారు. అన్ని భాషలకు సరిపోయేలా ఈ టైటిల్‌ ఖరారు చేశాం.
మాండ్య, మైసూర్‌, కృష్ణగిరి తదితర ప్రాంతాల్లో 45 రోజుల్లో షూటింగ్‌ పూర్తి చేసి, ప్రమోషన్‌ కార్యక్రమాలను చేపట్టాం. ఫస్ట్‌లుక్‌ త్వరలోనే విడుదల చేయనున్నాం. ఈ యేడాదిలోగా సినిమా విడుదల చేయాలన్న సంకల్పంతో ఉన్నాం’ అని పేర్కొన్నారు.