Prabhas Family: ఈ ఫొటోలో ఉన్న ప్రభాస్ సిస్టర్స్.. ఇప్పుడెలా ఉన్నారో చూశారా
ABN, Publish Date - Oct 23 , 2024 | 07:10 PM
రెబల్ స్టార్ ప్రభాస్ పుట్టినరోజున ఆయన సోదరి ప్రసీద.. ఫ్యాన్స్‌కు అదిరిపోయే ట్రీట్ ఇచ్చారు. సోషల్ మీడియా వేదికగా ఆమె షేర్ చేసిన ఫొటోలు వైరల్ అవుతున్నాయి. ప్రభాస్ ఫ్యామిలీ గురించి మాట్లాడుకునేలా చేస్తున్నాయి. ముఖ్యంగా ప్రభాస్ సిస్టర్స్ చిన్నప్పటి ఫొటోలను ప్రసీద షేర్ చేసింది. ఆ సిస్టర్స్ ఇప్పుడెలా ఉన్నారో తెలిపే ఫొటోలు కూడా ఆమె షేర్ చేసింది.
తెలుగు సినిమా ఇండస్ట్రీకి గర్వం రెబల్ స్టార్ ప్రభాస్ (Rebel Star Prabhas). ఈ రోజు టాలీవుడ్ పేరు ప్రపంచవ్యాప్తంగా వినబడుతోందంటే అందుకు కారణమైన వారిలో ప్రభాస్ పేరు ప్రధానంగా ఉంటుంది. ఇది కాదనలేని నిజం. అలాంటి ప్రభాస్ బర్త్‌డే అంటే.. నిజంగా టాలీవుడ్‌కి పండగే. అందుకే అర్ధరాత్రి నుంచే ప్రభాస్‌కు శుభాకాంక్షలు వెల్లువెత్తుతున్నాయి. సెలబ్రిటీలెందరో ప్రభాస్‌కు జన్మదిన శుభాకాంక్షలు తెలిపారు. ఇక ఫ్యాన్స్ అయితే పట్టరాని ఆనందంలో ఉన్నారు. ఎందుకంటే ఈ బర్త్‌డేకి ‘రాజా సాబ్’ (The Raja Saab) ఇచ్చిన ట్రీట్ అలాంటిది మరి. ఇక ఇవన్నీ ఒక ఎత్తయితే.. ప్రభాస్ సోదరి ప్రసీద (Praseedha Uppalapati) పోస్ట్ మరింతగా వైరల్ అవుతూ.. ఫ్యాన్స్‌ని ఖుషీ చేస్తోంది.
Also Read-Pushpa 2 The Rule: ఒక రోజు ముందే థియేటర్లలోకి..
ఇంతకీ ప్రసీద ఏం పోస్ట్ చేసిందని అనుకుంటున్నారా? రెబల్ స్టార్స్ కృష్ణంరాజు, ప్రభాస్‌లతో తన సోదరీమణులంతా ఉన్న ఫొటోలను ప్రసీద షేర్ చేసింది. ఇందులో స్పెషల్ ఏముందని అనుకుంటున్నారా? ఉంది స్పెషల్ ఉంది. అదేంటంటే.. సిస్టర్స్ అందరూ చిన్నప్పడు ప్రభాస్‌తో సరదాగా ఉన్న ఫొటోలు కూడా ఇందులో ఉన్నాయి. అప్పుడు, ఇప్పుడు అనేలా.. చిన్నప్పటి ఆ ఫొటోలలో ఉన్నవారు ఇప్పుడెలా ఉన్నారో తెలిపేలా ప్రసీద కొన్ని ఫొటోలను షేర్ చేసింది. ప్రభాస్ ఫ్యాన్స్ ఈ ఫొటోలను షేర్ చేస్తూ.. మా ప్రభాస్ అన్న సిస్టర్స్ అంటూ కామెంట్స్ చేస్తున్నారు. మరి ఈ ఫొటోలలో ప్రభాస్ సిస్టర్స్ బ్యాచ్ అప్పుడెలా ఉన్నారో.. ఇప్పుడెలా ఉన్నారో.. మీరూ ఓ లుక్కేయండి.
ఇక ప్రభాస్ సినిమాల విషయానికి వస్తే.. ప్రస్తుతం రెబల్ స్టార్ అన్నీ పాన్ ఇండియా సినిమాలే చేస్తున్నారు. అందులో రెండు సీక్వెల్ కూడా ఉండటం విశేషం. ‘సలార్ 2, కల్కి 2898 AD 2, రాజా సాబ్, స్పిరిట్, ఫౌజి (వర్కింగ్ టైటిల్)’ వంటి చిత్రాలలో ప్రభాస్ నటిస్తున్నారు. ప్రభాస్ బర్త్‌డే‌ని పురస్కరించుకుని ‘రాజా సాబ్’ టీమ్ అప్డేట్స్‌తో అల్లాడిస్తే.. మిగతా సినిమాల టీమ్ మాత్రం కామ్‌గానే ఉంది. ‘ఫౌజి’ టీమ్ మాత్రం ఈ బర్త్‌డేకి ‘రాజా సాబ్’తో సరిపెట్టుకోండి. నెక్ట్స్ అకేషన్‌కు అదిరిపోయే ట్రీట్ ఇస్తామంటూ తాజాగా మైత్రీ మూవీ మేకర్స్ ట్వీట్ చేశారు.