Prabhas Fans: ప్రభాస్ బర్త్ డే సెలబ్రేషన్స్‌లో కొట్టుకున్న ఫ్యాన్స్.. ఇలా ఉన్నారేంట్రా
ABN, Publish Date - Oct 23 , 2024 | 05:17 PM
అభిమాన హీరో పుట్టినరోజును గ్రాండ్‌గా సెలబ్రేట్ చేయడం అనేది అభిమానులకు ఒక పండగ వాతావరణాన్ని క్రియేట్ చేస్తుంది. కానీ అదే అభిమానులు హీరో బర్త్‌డే సెలబ్రేషన్స్‌లో కొట్టుకునే వరకు తగాదాలు పడితే.. ఇప్పుడదే జరిగింది ప్రభాస్ అభిమానుల మధ్య. విషయంలోకి వెళితే..
రెబల్ స్టార్ ప్రభాస్ పుట్టిన రోజు (Rebel Star Prabhas Birthday)ను ఫ్యాన్స్ అనేక విధాలుగా సెలబ్రేట్ చేసుకుంటున్నారు. ఈ క్రమంలోనే ఓ చోట ప్రభాస్ ఫ్యాన్స్ (Prabhas Fans) ఆయన బర్త్ డే సెలబ్రేషన్స్‌లో గొడవ పడ్డారు. మాములుగా ఒక హీరో బర్త్‌డే సెలబ్రేషన్స్‌లో వేరే హీరోల అభిమానులు ఇన్‌వాల్వ్ అయితే గొడవలు జరుగుతుంటాయి. కానీ సేమ్ హీరో అభిమానుల మధ్యే గొడవంటే.. అక్కడ పెద్ద మ్యాటరే ఉండి ఉంటుంది. ఆ మ్యాటర్‌లోకి వెళితే.. (Happy Birthday Prabhas)
Also Read- Pushpa 2 The Rule: ఒక రోజు ముందే థియేటర్లలోకి..
భీమవరంలో ప్రభాస్‌కు కల్ట్ ఫ్యాన్స్ ఉన్నారు. ఇది ఎవరినీ అడిగినా చెబుతారు. ప్రభాస్‌కి సంబంధించి ఏ చిన్న అకేషన్ జరిగినా భీమవరంలో భారీ స్థాయిలో సెలబ్రేషన్స్ జరుగుతుంటాయి. అలాగే ప్రతీ ఏటా అక్కడ ప్రభాస్ బర్త్ డే సెలబ్రేషన్స్ గ్రాండ్‌గా జరుగుతుంటాయి.. ఇది కూడా అందరికీ తెలిసిన విషయమే. అయితే ఈసారి మాత్రం భీమవరం అడ్డాలో ప్రభాస్ ఫ్యాన్స్ రెండు వర్గాలుగా విడిపోయి కొట్టుకోవడం అందరినీ ఆశ్చర్యానికి గురి చేస్తోంది.
ఎప్పటిలానే ఈ ఏడాది కూడా ఫ్యాన్స్ ప్రభాస్ బర్త్‌డే సెలబ్రేషన్స్‌ని గ్రాండ్‌గా ప్లాన్ చేశారు. అయితే భీమవరంలో ప్రభాస్ ఫ్యాన్స్‌లోని సాహూ, వాసు అనే రెండు వర్గాలుగా విడిపోయి నడిరోడ్డుపైనే కొట్టుకున్నారు. ఈ దాడుల్లో కార్ల అద్దాలు ధ్వంసం అయ్యాయి. గత రాత్రి జరిగిన ఈ గొడవ భీమవరంలో కలకలం రేపింది. ప్రభాస్ బర్త్ డే స్పెషల్‌గా సాహు వర్గం భీమవరంలో భారీ వేడుక ప్లాన్ చేశారు. ఈ నేపథ్యంలో సాహూ వర్గం ఫేక్‌ ఫ్యాన్స్ అంటూ జిల్లా ప్రభాస్ ఫ్యాన్స్ ప్రెసిడెంట్ వాసు కామెంట్స్‌ చేశారు.
తమ హీరో బర్త్ డే సెలబ్రేషన్స్ పేరు చెప్పి, సాహూ వర్గం డబ్బులు వసూలు చేసిందని వాసు కొద్దిరోజుల క్రితం ఆరోపించారు. సాహూకు ప్రభాస్ ఫ్యాన్స్ అసోసియేషన్‌కు ఏమి సంబంధం లేదని పేర్కొన్నారు. దీంతో వాసు వర్గం.. సాహూ వర్గంపై దాడికి దిగింది. దీంతో మార్కెట్ యార్డులో వాసు నిర్వహించే వేడుకలను అడ్డుకునేందుకు సాహూ వర్గం ప్రయత్నించింది. దీంతో సెలబ్రేషన్స్ జరగాల్సిన చోట తన్నులాటలు జరిగాయి. ప్రభాస్ సొంత ఊరిలో ఈ గొడవ జరగటం వివాదాస్పదమవుతోంది.