Mechanic Rocky X Review: విశ్వక్ సేన్ ‘మెకానిక్ రాకీ’గా మెప్పించాడా.. 'X' రివ్యూ

మాస్ కా దాస్ 'విశ్వక్ సేన్' మోస్ట్ ఎవైటెడ్ మాస్ యాక్షన్, కామెడీ ఎంటర్‌టైనర్ చిత్రం ‘మెకానిక్ రాకీ’. ట్విట్టర్‌లో ఈ సినిమా టాక్ ఎలా ఉందంటే..

మాస్ కా దాస్ 'విశ్వక్ సేన్' మోస్ట్ ఎవైటెడ్ మాస్ యాక్షన్, కామెడీ ఎంటర్‌టైనర్ చిత్రం ‘మెకానిక్ రాకీ’. రవితేజ ముళ్లపూడి దర్శకత్వం వహించిన ఈ చిత్రాన్ని రామ్ తాళ్లూరి SRT ఎంటర్‌టైన్‌మెంట్స్‌పై నిర్మించారు. మీనాక్షి చౌదరి, శ్రద్ధా శ్రీనాథ్ ఈ చిత్రంలో హీరోయిన్లుగా యాక్ట్ చేశారు. ఈ సినిమా నేడు(నవంబర్ 22) ప్రేక్షకుల ముందుకువచ్చింది. ట్విట్టర్‌లో ఈ సినిమా టాక్ ఎలా ఉందంటే..

హిట్లు, ప్లాప్‌లు లెక్క చేయకుండా దూసుకుపోతున్న యంగ్ అండ్ మాస్ హీరో 'విశ్వక్ సేన్' ఈ సినిమాతో మంచి బ్లాక్ బస్టర్ హిట్ అందుకుంటారని అంత భావించారు. కానీ.. ఈ సినిమాకి మిక్స్‌డ్ టాక్ వినిపిస్తోంది. 2 గంటల 35 నిమిషాల రన్ టైమ్‌తో రిలీజైన ఈ సినిమా ఫస్ట్ హాఫ్ నిరాశ పరిచినట్లు టాక్ వినిపిస్తోంది. ఇంటర్వెల్ బ్లాక్, సెకండాఫ్ లో కొన్ని ట్విస్ట్ లు అదిరిపోయినట్లు చెబుతున్నారు. ఇక విశ్వక్ సేన్ యాక్టింగ్ సినిమాకి హైలెట్‌గా నిలిచిందంటున్నారు. జేక్స్ బిజోయ్ సంగీతం ఓకే పర్లేదు అంటున్నారు.

ఇక మరికొందరు ఈ సినిమాని యావరేజ్‌గా తేల్చేశారు. ఫస్ట్ హాఫ్ మీ ఓపికకి పరీక్షా పెడుతుందన్నారు. సెకండ్ హాఫ్ కూడా గొప్పగా ఏం లేదని చెబుతున్నారు. మరో టిపికల్ విశ్వక్ సేన్ సినిమా అంటూ రివ్యూలు ఇచ్చేస్తున్నారు.

కామెడీ థ్రిల్లర్‌గా తెరకెక్కిన ఈ సినిమాలో కామెడీ సీన్స్ అనవసరం అనిపించాయట. కథని మొత్తం సాగతీయడంతో ఆడియెన్స్ కాస్త బోర్ ఫీల్ అవుతారు అంటున్నారు. ఇక అసలు కథని థ్రిల్లింగ్ ఎలిమెంట్స్‌తో సెకండాఫ్‌లో ప్రెజెంట్ చేశారట. ఏది ఏమైనప్పటికి ఈ సినిమా ఒరిజినల్ టాక్ కోసం మరికొన్ని గంటలు వేచి చూడాల్సిందే.