సత్యభామగా గుర్తుండిపోతా
ABN, Publish Date - Nov 19 , 2024 | 06:17 AM
‘మిస్‌ ఇండియా’ టైటిల్‌ విజేత మానస వారణాసి హీరోయిన్‌గా తెరంగేట్రం చేస్తున్న చిత్రం ‘దేవకి నందన వాసుదేవ’. ‘హీరో’ ఫేమ్‌ అశోక్‌ గల్లా కథానాయకుడు. ప్రశాంత్‌ వర్మ కథ అందించగా.. అర్జున్‌ జంధ్యాల దర్శకత్వంలో సోమినేని బాలకృష్ణ నిర్మించారు.
‘మిస్‌ ఇండియా’ టైటిల్‌ విజేత మానస వారణాసి హీరోయిన్‌గా తెరంగేట్రం చేస్తున్న చిత్రం ‘దేవకి నందన వాసుదేవ’. ‘హీరో’ ఫేమ్‌ అశోక్‌ గల్లా కథానాయకుడు. ప్రశాంత్‌ వర్మ కథ అందించగా.. అర్జున్‌ జంధ్యాల దర్శకత్వంలో సోమినేని బాలకృష్ణ నిర్మించారు. ఈ నెల 22న సినిమా విడుదలవుతున్న సందర్భంగా హీరోయిన్‌ మానస వారణాసి మీడియాతో ముచ్చటించారు. ‘‘దేవకి నందన వాసుదేవ’ లాంటి డివైన్‌ థ్రిల్లర్‌తో ప్రేక్షకుల ముందుకు వస్తున్నందుకు ఎంతో ఆనందంగా ఉంది. ఇందులో నా పాత్ర పేరు ‘సత్యభామ’. ఎలాంటి కష్టం వచ్చినా ధైర్యంతో ముందుకు సాగే పాత్ర ఇది. తొలి సినిమాలోనే ఇంత మంచి ప్రాధాన్యం ఉన్న పాత్ర దక్కడం నా అదృష్టం. ‘సత్యభామ’ క్యారెక్టర్‌ అందరికీ గుర్తుండిపోతుంది. మొదటి సినిమా కావడంతో ఎన్నో సవాళ్లు ఎదురైనా.. చిత్రబృందం అందించిన ప్రోత్సాహంతో వాటిని సులువుగా అధిగమించాను. దర్శకుడు ఈ సినిమాను అద్భుతంగా తయారు చేశారు. ఆయన సినిమా తీసిన విధానం కచ్చితంగా అందరినీ ఆశ్చర్యపరుస్తుంది. అశోక్‌ గల్లాతో పనిచేయడం మరిచిపోలేని అనుభవం. భీమ్స్‌ ఇచ్చిన సంగీతం సినిమాను నెక్స్ట్‌ లెవెల్‌కు తీసుకెళ్లింది’’ అని చెప్పారు.