Vidudhala 2: ‘విడుదల 2’.. మ్యాస్ట్రో మార్క్ పాటొచ్చింది
ABN, Publish Date - Nov 23 , 2024 | 04:50 PM
విలక్షణ నటుడు విజయ్ సేతుపతి, కమెడియన్ కమ్ హీరో సూరి నటించిన చిత్రం ‘విడుదల 2’. డిసెంబర్ 20న ఈ సినిమా విడుదలకు సిద్ధమవుతోంది. ప్రస్తుతం మేకర్స్ ప్రచార కార్యక్రమాలను షురూ చేశారు. అందులో భాగంగా ఫస్ట్ సింగిల్‌ని వదిలారు.
విలక్షణ నటుడు విజయ్ సేతుపతి పెర్ఫార్మన్స్ హైలెట్‌గా రూపొందిన చిత్రం ‘విడుదల 2’. ఈ చిత్ర తెలుగు హక్కులను ప్రముఖ నిర్మాత, శ్రీ వేధాక్షర మూవీస్ అధినేత చింతపల్లి రామారావు దక్కించుకున్న విషయం తెలిసిందే. డిసెంబర్ 20న విడుదలకు సిద్ధమైన ఈ చిత్ర ప్రచార కార్యక్రమాలను మేకర్స్ మొదలెట్టారు. శుక్రవారం ఈ చిత్రంలోని తొలి పాట ‘పావురమా పావురమా’ అనే పాటను మేకర్స్ విడుదల చేశారు. ఈ పాటను మ్యాస్ట్రో ఇళయరాజా స్వరపరిచారు. ఈ పాట విడుదల సందర్భంగా.. ఈ చిత్రాన్ని తెలుగులో విడుదల చేస్తున్న చింతపల్లి రామారావు మీడియాతో ముచ్చటించారు.
Also Read-Arjun: వియ్యంకుడు హీరో.. అల్లుడు దర్శకుడు
ఆయన మాట్లాడుతూ.. సంగీత మాంత్రికుడు ఇళయరాజా స్వరపరిచిన ‘విడుదల 2’ చిత్రంలోని తొలిపాటను విడుదల చేయడం ఆనందంగా ఉంది. కాసర్ల శ్యామ్ కలం నుంచి వెలువడిన ఈ పాటను తెలుగు ప్రేక్షకులు ఇంత గొప్పగా ఆదరిస్తున్నందుకు చాలా సంతోషంగా ఉంది. విజయ్ సేతుపతి, సూరి నటన హైలైట్‌గా ‘విడుదల2’ ప్రేక్షకులను కనువిందు చేయబోతోంది. ఏడు సార్లు నేషనల్ అవార్డు పొందిన ఏకైక దర్శకుడు వెట్రీ మారన్, ఎన్నో సూపర్ హిట్ చిత్రాలను తెరకెక్కించిన ఆర్ ఎస్ ఇన్ఫోటైన్మెంట్ అధినేత ఎల్రెడ్ కుమార్‌తో కలిసి ఈ చిత్రాన్ని అత్యద్భుతంగా తెరకెక్కించారు. మంచి కమర్షియల్ వాల్యూస్ ఉన్న ఈ చిత్ర హక్కులను మేము దక్కించుకున్నందుకు చాలా హ్యాపీగా ఉన్నాం. డిసెంబర్ 20న ఇండియన్ సెల్యూలాయిడ్‌పై ఈ సినిమాను ప్రేక్షకులంతా చూసి ఆశీర్వదించాలని కోరుకుంటున్నామని అన్నారు.
విజయ్ సేతుపతి, మంజు వారియర్, సూరి, భవాని శ్రీ, గౌతమ్ వాసుదేవ్ మీనన్, సూర్య సేతుపతి, అనురాగ్ కశ్యప్, రాజీవ్ మీనన్, ఇలవరసు, బాలాజీ శక్తివేల్ తదితరులు నటించిన ఈ చిత్రం కచ్చితంగా తెలుగు ప్రేక్షకులను మరోసారి థ్రిల్ చేస్తుందని మేకర్స్ భావిస్తున్నారు.