ప్రేమకు నిర్వచనం ఇచ్చే ఉషా పరిణయం

Prēmaku nirvacanaṁ iccē uṣā pariṇayaṁ

‘నువ్వే నువ్వే’, ‘మన్మధుడు’, ‘మల్లీశ్వరి’ వంటి ఫ్యామిలీ ఎంటర్టైనర్‌లను ప్రేక్షకులకు అందించిన పాపులర్‌ డైరెక్టర్‌ కె.విజయ్‌భాస్కర్‌. ఆయన స్వీయ దర్శకత్వంలో నిర్మిస్తున్న చిత్రం ‘ఉషా పరిణయం’. ‘లైఫ్‌ ఈజ్‌ బ్యూటిఫుల్‌’ అనేది ఉపశీర్షిక. ఈ ఫీల్‌ గుడ్‌ ఫ్యామిలీ ఎంటర్టైనర్‌లో విజయభాస్కర్‌ తనయుడు శ్రీకమల్‌ హీరోగా నటిస్తుండగా, హీరోయిన్‌గా తన్వీ ఆకాంక్ష నటిస్తున్నారు. ఈ సినిమా వచ్చే నెల 2న విడుదల అవుతుందని మేకర్స్‌ సోమవారం ప్రకటించారు. ఈ సందర్భంగా డైరెక్టర్‌ విజయభాస్కర్‌ మాట్లాడుతూ ‘‘ఈ సినిమా ప్రేమకు నేనిచ్చే నిర్వచనం. సినిమా లవర్స్‌కు ఫుల్‌ మీల్స్‌లా ఉంటుందీ చిత్రం. ఈ సినిమా అందరికీ నచ్చేలా అన్ని రకాల భావోద్వేగాలతో ఉంటుంది’’ అని చెప్పారు.