‘ధూం ధాం’గా ఎంజాయ్‌ చేస్తున్నారు
ABN, Publish Date - Nov 12 , 2024 | 06:20 AM
చేతన్‌ కృష్ణ, హెబ్బా పటేల్‌ హీరో, హీరోయిన్లుగా నటించిన సినిమా ‘ధూం ధాం’. సాయి కిశోర్‌ దర్శకత్వంలో ఎం.ఎస్‌.రామ్‌ కుమార్‌ నిర్మించారు. గోపీ మోహన్‌ స్టోరీ, స్ర్కీన్‌ ప్లే అందించారు...
చేతన్‌ కృష్ణ, హెబ్బా పటేల్‌ హీరో, హీరోయిన్లుగా నటించిన సినిమా ‘ధూం ధాం’. సాయి కిశోర్‌ దర్శకత్వంలో ఎం.ఎస్‌.రామ్‌ కుమార్‌ నిర్మించారు. గోపీ మోహన్‌ స్టోరీ, స్ర్కీన్‌ ప్లే అందించారు. రీసెంట్‌గా విడుదలైన ఈ సినిమా ప్రేక్షకాదరణ పొందుతోంది. ఈ నేపథ్యంలో చిత్రం సక్సెస్‌ గురించి ప్రొడ్యూసర్‌ రామ్‌ కుమార్‌, రైటర్‌ గోపీ మోహన్‌ మీడియాకు ఇంటర్వ్యూ ఇచ్చారు.
రామ్‌ కుమార్‌ మాట్లాడుతూ‘ సినిమాకు ప్రేక్షకుల నుంచి మంచి స్పందన వస్తోంది. ఒక థియేటర్‌లో కామన్‌ ఆడియన్స్‌తో కలసి హీరో చేతన్‌ సినిమా చూశారు. వారు మూవీని బాగా ఎంజాయ్‌ చేయడం గమనించి హ్యాపీగా ఫీలయ్యారు. సక్సెస్‌ఫుల్‌ హీరోలంతా ఫ్యామిలీ ఆడియెన్స్‌ను ఇంప్రెస్‌ చేసిన వాళ్లే. చేతన్‌ కూడా అలాగే పేరు తెచ్చుకున్నారు. ఈ రోజుల్లో థియేటర్స్‌కు జనం పెద్దగా రావడం లేదు. మేము ఆశించినంత కలెక్షన్స్‌ లేకున్నా సంతృప్తికరంగానే వసూళ్లు ఉన్నాయి. మా సంస్థలో తరవాత చిత్రాన్ని మరికొద్ది రోజుల్లో అనౌన్స్‌ చేస్తాం. బయట హీరోలతో సినిమాలు చేసే ఉద్దేశం లేదు. చేతన్‌తోనే మా నెక్ట్స్‌ మూవీ ఉంటుంది’ అని తెలిపారు.
రచయిత గోపీ మోహన్‌ మాట్లాడుతూ‘ మేము అనుకున్నట్లే సాంగ్స్‌ను, కామెడీని ప్రేక్షకులు బాగా ఎంజాయ్‌ చేస్తున్నారు. వెన్నెల కిషోర్‌ క్యారెక్టర్‌కు ఆడియన్స్‌ బాగా కనెక్ట్‌ అవుతున్నారు. ప్రొడ్యూసర్‌ రామ్‌ కుమార్‌, హీరో చేతన్‌ ఇద్దరూ కామెడీ లవర్స్‌. నా నెక్ట్స్‌ మూవీ గల్లా జయదేవ్‌ రెండో అబ్బాయితో ప్లాన్‌ చేస్తున్నా. నా డైరెక్షన్‌లోనే ఆ సినిమా చేస్తా. ఆ వివరాలు త్వరలో వెల్లడిస్తాం’ అని అన్నారు.