గొప్ప కంటెంట్తో టెనెంట్
ABN, Publish Date - Apr 14 , 2024 | 04:14 AM
సత్యం రాజేశ్ కథానాయకుడిగా నటిస్తున్న చిత్రం ‘టెనెంట్’. వై. యుగంధర్ దర్శకత్వంలో మోగుళ్ల చంద్రశేఖర్రెడ్డి నిర్మించారు. ఈనెల 19న విడుదలవుతోంది....
సత్యం రాజేశ్ కథానాయకుడిగా నటిస్తున్న చిత్రం ‘టెనెంట్’. వై. యుగంధర్ దర్శకత్వంలో మోగుళ్ల చంద్రశేఖర్రెడ్డి నిర్మించారు. ఈనెల 19న విడుదలవుతోంది. ఈ సందర్భంగా చిత్రబృందం ట్రైలర్ విడుదల కార్యక్రమాన్ని నిర్వహించింది. నటుడు ప్రియదర్శి ముఖ్య అతిథిగా పాల్గొన్నారు. సత్యం రాజేశ్ మాట్లాడుతూ ‘డబ్బింగ్ చెబుతున్నప్పుడు కన్నీళ్లు వచ్చాయి. ఇందులో గొప్ప కంటెంట్ ఉంది. ప్రేక్షకులు ప్రతి క్షణం ఎంజాయ్ చేసేలా ఈ సినిమా ఉంటుంది’ అన్నారు. దర్శకుడు మాట్లాడుతూ ‘మహిళలకు కనెక్ట్ అయ్యే కథ ఇది. మా నిర్మాత రాజీపడకుండా నిర్మించారు. ప్రేక్షకులకు గుర్తుండిపోయే చిత్రమవుతుంద’న్నారు. నిర్మాత మాట్లాడుతూ ‘‘బలగం, కాంతార’ లాంటి సహజత్వం ఉన్న కథతో తెరకెక్కిన సినిమా ‘టెనెంట్’. ఈ చిత్రంలో భావోద్వేగాలు అద్భుతంగా పండాయి’ అని చెప్పారు.