Suriya: దర్శకుడు రాజమౌళినే మాకు దారి చూపించారు.. బాలయ్య అన్‌స్టాపబుల్
ABN, Publish Date - Oct 24 , 2024 | 10:38 PM
కోలీవుడ్ స్టార్ హీరో సూర్య నటిస్తున్న ప్రెస్టీజియస్ మూవీ ‘కంగువ’. ఈ భారీ పీరియాడిక్ యాక్షన్ ఫిల్మ్‌కు శివ. దిశా పటానీ, బాబీ డియోల్ కీలక పాత్రల్లో నటిస్తున్నారు. హ్యూజ్ బడ్జెట్‌తో స్టూడియో గ్రీన్, యూవీ క్రియేషన్స్ బ్యానర్స్‌పై కేఈ జ్ఞానవేల్ రాజా, వంశీ, ప్రమోద్ నిర్మిస్తున్నారు. ఈ సినిమా మీడియా మీట్ గురువారం హైదరాబాద్‌లో జరిగింది. ఈ కార్యక్రమంలో హీరో సూర్య భావోద్వేగానికి లోనయ్యారు.
కోలీవుడ్ స్టార్ హీరో సూర్య నటిస్తున్న ప్రెస్టీజియస్ మూవీ ‘కంగువ’. ఈ భారీ పీరియాడిక్ యాక్షన్ ఫిల్మ్‌కు శివ. దిశా పటానీ, బాబీ డియోల్ కీలక పాత్రల్లో నటిస్తున్నారు. హ్యూజ్ బడ్జెట్‌తో స్టూడియో గ్రీన్, యూవీ క్రియేషన్స్ బ్యానర్స్‌పై కేఈ జ్ఞానవేల్ రాజా, వంశీ, ప్రమోద్ నిర్మిస్తున్నారు. ఈ సినిమాను నైజాం ఏరియాలో మైత్రీ మూవీ డిస్ట్రిబ్యూటర్స్ రిలీజ్ చేయబోతున్నారు. ఈ సినిమా నవంబర్ 14న ప్రపంచవ్యాప్తంగా గ్రాండ్ థియేట్రికల్ రిలీజ్‌కు రెడీ అవుతోంది. మరోవైపు చిత్ర ప్రమోషన్స్‌లో మేకర్స్ స్పీడ్ పెంచారు. గురువారం హైదరాబాద్‌లో ఈ సినిమా మీడియా సమావేశాన్ని మేకర్స్ నిర్వహించారు.
Also Read- Pushpa 2: జాతర సీన్‌ చూస్తే.. గూస్‌బంప్స్‌ రావలసిందే
ఈ కార్యక్రమంలో హీరో సూర్య మాట్లాడుతూ.. ఈ వేడుకకు వచ్చిన నా అభిమానులకు, పాత్రికేయులకు, ఇతర మీడియా మిత్రులకు అందరికీ థ్యాంక్స్. ఈ సినిమాను రిలీజ్ చేస్తున్న మైత్రీ వారికి, మాతో అసోసియేట్ అయిన యూవీ సంస్థకు అందరికీ థ్యాంక్స్. నా రక్తం మీ (అభిమానులు) రక్తం వేరు కాదు.. మనమంతా ఒక్కటే. నాపై మీరు చూపిస్తున్న ప్రేమకు కళ్లు చెమ్మగిల్లుతున్నాయి. నా సినిమా థియేట్రికల్ రిలీజ్‌కు వచ్చి రెండేళ్లు దాటింది. అయినా ‘సూర్య సన్నాఫ్ కృష్ణన్’ సినిమా రీ రిలీజ్ అయినప్పుడు మీరు చూపించిన స్పందన చూసి ఎంతో భావోద్వేగానికి గురయ్యాను. నాపై చూపిస్తున్న ప్రేమకు కృతజ్ఞతగా మీకు గొప్ప సినిమాటిక్ ఎక్సిపీరియన్స్ ఇవ్వాలనే ‘కంగువ’ వంటి గొప్ప సినిమా చేశాను. అందుకే రెండున్నరేళ్ల టైమ్ తీసుకుని మీరు ఇప్పటి వరకు స్క్రీన్ మీద చూడని ఒక అరుదైన మూవీని చేశాం. దర్శకుడు శివ వల్లే ఇది సాధ్యమైంది. ఆయన ఎంతో ప్యాషన్‌తో ‘కంగువ’ను తెరకెక్కించాడు.
ఈ సినిమా షూటింగ్‌లో ప్రతి రోజూ ఎంజాయ్ చేశాను. నా ఫ్రెండ్ రాక్ స్టార్ దేవికి, నా సినిమాటోగ్రాఫర్ వెట్రి గారికి థ్యాంక్స్. ‘కంగువ’ లాంటి సినిమాలు చేసేందుకు దర్శకుడు రాజమౌళి ఎంతో స్ఫూర్తినిచ్చారు. ఆయన తన చిత్రాలతో మాకు దారి చూపించారు. ‘కంగువ’ స్ట్రైట్ తెలుగు సినిమా.. అలాగే ఇండియన్ సినిమా. నవంబర్ 14న మన స్పెషల్ ఫిల్మ్‌ను చూసేందుకు థియేటర్స్‌కు వెళ్లండి. ఇది ఒక పైటర్ సినిమా కాదు ఒక వారియర్ మూవీ. తన వాళ్ల కోసం, తను నమ్మిన ధర్మం కోసం పోరాడే వారియర్ మూవీ. నా లైఫ్‌లో మీరు నా వారియర్స్. నా అభిమానులైన మీరు మీ జీవితాల్లో ఒక వారియర్‌లా పోరాడి అనుకున్నది సాధించాలి, గొప్ప స్థాయికి వెళ్లాలని కోరుకుంటున్నాను.
బాలకృష్ణ‌గారి అన్ స్టాపబుల్ షోలో పాల్గొనడం మర్చిపోలేని ఎక్స్‌పీరియన్స్ ఇచ్చింది. ఆయన సమయపాలన, హార్డ్ వర్క్, ప్యాషన్ చూశాక అందుకే అంత గొప్ప స్థాయికి వెళ్లారనిపించింది. 27 ఏళ్ల నట ప్రయాణంలో నన్నెంతో ఆదరించారు. ట్రేడ్‌లో ఒక మార్కెట్ ఇచ్చారు. ఇప్పుడు సినిమాను మరింత ముందుకు తీసుకెళ్లడం నా బాధ్యతగా భావించి.. ‘కంగువ’ లాంటి ప్రయత్నం చేశాను. నటుడిగా కమల్ హాసన్‌గారిని చూసి ఇన్స్ పైర్ అవుతుంటాను. మంచి సినిమాలు సమాజంలో ఎంతో మార్పు తీసుకొస్తాయి. నా ‘కాక కాక’ సినిమా చూసి ఒకరు ఐపీఎస్ ఆఫీసర్ అయ్యారు. ‘జైభీమ్’ సినిమా తర్వాత తమిళనాడులో 3 లక్షల మందికి ఇంటి పట్టాలు వచ్చాయి. ‘కంగువ’ కోసం ప్రతి రోజూ 3 వేల మంది వర్క్ చేశారు. ప్రతి ఒక్కరూ కష్టపడటం వల్లే ఇంత గొప్ప సినిమా తయారైందని సూర్య చెప్పుకొచ్చారు.