School life: 'స్కూల్ లైఫ్' మొదలైంది
ABN, Publish Date - Jul 21 , 2024 | 04:50 PM
పులివెందుల మహేష్ హీరోగా నటిస్తూ దర్శకత్వం వశిస్తున్న చిత్రం 'స్కూల్ లైఫ్'. సావిత్రి కృష్ణ హీరోయిన్ గా నైనీషా క్రియేషన్స్ మరియు క్రౌడ్ ఫండింగ్ సంయుక్తంగా నైనీషా, రాహుల్ త్రిశూల్ నిర్మాతలుగా ఈ చిత్రం తెరకెక్కుతుంది.
పులివెందుల మహేష్ (Mahesh) హీరోగా నటిస్తూ దర్శకత్వం వశిస్తున్న చిత్రం 'స్కూల్ లైఫ్' (School life). సావిత్రి కృష్ణ (Savitri krishna) హీరోయిన్ గా నైనీషా క్రియేషన్స్ మరియు క్రౌడ్ ఫండింగ్ సంయుక్తంగా నైనీషా, రాహుల్ త్రిశూల్ నిర్మాతలుగా ఈ చిత్రం తెరకెక్కుతుంది. ఆదివారం పూజా కార్యక్రమాలతో ఈ సినిమా మొదలైంది. హీరో కిరణ్ అబ్బవరం, దర్శకుడు వి సముద్ర గారు పూజ కార్యక్రమాల్లో పాల్గొన్నారు. ఈ సందర్భంగా హీరో, దర్శకుడు పులివెందుల మహేష్ మాట్లాడుతూ "ఈ సినిమా నా ఒక్కడిదే కాదు. సినిమా మీద ఉన్న ఇష్టంతో సినిమా కథ నచ్చి క్రౌడ్ ఫండింగ్ ద్వారా వచ్చిన ప్రజల డబ్బుతో అలాగే నా ఇల్లు అమ్మి ఈ సినిమా తీస్తున్నాను. ప్రేక్షకులు సినిమాలో కంటెంట్ ఉంటే కచ్చితంగా సక్సెస్ చేస్తారు అని నమ్ముతాను" అని అన్నారు,
నిర్మాత రాహుల్ త్రిశూల్ మాట్లాడుతూ : గతంలో నేను రాంగోపాల్ వర్మ సినిమా కథని ఓటిటి కి చేశాను. యాంకర్ రవి హీరోగా రాయలసీమ ప్రేమ కథ అని రెండు సినిమాలు నిర్మించాను. నిర్మాతగా ఇది నాకు మూడవ సినిమా. మహేష్ నాకు రాయలసీమ ప్రేమ కథ అప్పుడు పరిచయం. ఈ సినిమా గురించి మహేష్ చెప్పినప్పుడు కథ నచ్చి ఈ సినిమాలో ఇన్వెస్ట్ చేసి నేను కూడా ఒక భాగమయ్యాను. ప్రేక్షకులు ఎప్పుడు మంచి కంటెంట్ ఉన్న సినిమాని ఆదరిస్తారు. ఈ సినిమా రెగ్యులర్ షూట్ ఆగస్టు 2 నుంచి సెప్టెంబర్ రెండోతేదీ వరకు సింగిల్ షెడ్యూల్లో కంప్లీట్ చేస్తున్నాం" అన్నారు. పులివెందుల మహేష్, సావిత్రి కృష్ణ సుమన్, ఆమని తదితరులు నటిస్తున్న ఈ చిత్రానికి డి ఓ పి : ధర్మ ప్రభ, సంగీతం : హర్ష ప్రవీణ్, ఎడిటర్ : నందమూరి హరిబాబు, డైలాగ్స్ : అంజి తన్నీరు.