Pushpa2 The Rule: ‘పుష్ప-2 ది రూల్’ ట్రైలర్ రిలీజ్ డేట్ అండ్ టైమ్
ABN, Publish Date - Nov 11 , 2024 | 05:26 PM
‘పుష్ప2’ ప్రమోషన్స్ మొదలవ్వబోతున్నాయి. ఇంతకు ముందు ఎప్పుడూ, ఏ సినిమాకు లేని విధంగా ఈ చిత్రం ప్రమోషన్స్‌ని మేకర్స్ ప్లాన్ చేసిన విషయం తెలిసిందే. అందులో భాగంగా మొదటిగా పాట్నాలో ఈ మూవీ వేడుకను గ్రాండ్‌గా సెలబ్రేట్ చేసేందుకు మేకర్స్ రెడీ అయ్యారు. ఇదే వేదికపై చిత్ర ట్రైలర్‌ను విడుదల చేయబోతున్నట్లుగా తాజాగా ఓ పవర్‌ఫుల్ పోస్టర్‌ని మేకర్స్ వదిలారు.
‘పుష్ప అంటే ఫ్లవర్‌ అనుకుంటివా.. ఫైర్‌... నీయవ్వ తగ్గేదేలే’ అని ‘పుష్ప ది రైజ్’లో ఐకాన్‌స్టార్‌ అల్లు అర్జున్ చెప్పిన ఈ మాసివ్ డైలాగ్ ఎంతగా ఫేమస్ అయిందో తెలియంది కాదు. ఇప్పటికీ ప్రతి ఒక్కరూ ఏదో ఒక సమయంలో ఈ డైలాగ్‌ని ఊతపదంలా వాడుతూనే ఉన్నారు. బ్రిలియంట్‌ డైరెక్టర్‌ సుకుమార్‌ దర్శకత్వంలో ‘పుష్ప ది రైజ్’తో ఐకాన్‌స్టార్‌ అల్లు అర్జున్ క్రియేట్‌ చేసిన సంచలనమిది. తెలుగు సినిమా గురించి ప్రపంచవ్యాప్తంగా మరోసారి మాసివ్‌గా మాట్లాడుకోవడం ఈ సినిమా విషయంలో అందరూ చూశారు. ఇప్పుడీ సినిమాకు సీక్వెల్‌గా, ఇండియన్‌ బిగ్గెస్ట్‌ ఫిల్మ్‌గా రాబోతోన్న ‘పుష్ప-2 ది రూల్’ (Pushpa2 The Rule)పై ఏ రేంజ్‌లో అంచనాలు ఉన్నాయో చెప్పడానికి మాటలు సరిపోవు. అంతగా ఈ సినిమా కోసం అంతా వేచి చూస్తున్నారు. మేకర్స్ కూడా ఈ సినిమాను అంతే త్వరగా థియేటర్లలోకి తీసుకు వచ్చేందుకు ప్రయత్నాలు చేస్తున్నారు. డిసెంబర్ 5న ఈ చిత్రం ప్రపంచవ్యాప్తంగా గ్రాండ్‌గా థియేటర్లలోకి రాబోతోంది. మరో వైపు ప్రమోషన్స్‌ని కూడా మేకర్స్ పక్కా ప్లాన్‌గా నిర్వహిస్తున్నారు. తాజాగా ఈ మూవీ థియేట్రికల్ ట్రైలర్ విడుదలకు సంబంధించిన అప్డేట్‌తో ఓ మాసివ్ పోస్టర్‌ని వదిలారు.
Also Read- Tollywood Stars: అందరు స్టార్స్ మాల్దీవుల్లోనే.. ఎం జరుగుతుందంటే
సుకుమార్‌ రైటింగ్స్‌ అసోసియేషన్‌తో మైత్రీ మూవీ మేకర్స్ పతాకంపై నవీన్‌ ఎర్నేని, యలమంచిలి రవిశంకర్‌ అత్యంత ప్రతిష్టాత్మకంగా ఈ చిత్రాన్ని నిర్మిస్తున్నారు. ప్రస్తుతం ఈ ఇండియన్‌ బిగ్గెస్ట్‌ ఫిలిం ప్రమోషన్‌ కార్యక్రమాలు ఎగ్రెసివ్‌గా స్టార్ట్ అయ్యాయి. త్వరలోనే ఈ చిత్ర ప్రమోషన్స్‌ను పాట్నా, కలకత్తా, చెన్నయ్‌, కొచ్చి, బెంగళూరు, ముంబయ్‌, హైదరాబాద్‌లో మాసివ్‌గా నిర్వహించబోతున్నట్లుగా మేకర్స్ అధికారికంగా తెలియజేసిన విషయం తెలిసిందే. ఇందులో భాగంగానే ‘పుష్ప-2 ది రూల్’ చిత్ర ట్రైలర్ లాంచ్‌ను ఈ నెల 17న బిగ్గెస్ట్‌ ఈవెంట్‌ ఫర్‌ ఇండియన్‌ బిగ్గెస్ట్‌ ఫిలింగా పాట్నాలో అత్యంత గ్రాండ్‌గా నిర్వహించబోతున్నారు. దీనికి సంబంధించిన అనౌన్స్‌మెంట్‌ మాసివ్ పోస్టర్‌ను మేకర్స్ విడుదల చేశారు.
Also Read- AP Budget: రైతులకు శుభవార్త.. ఆ రోజు మీ బ్యాంక్ ఖాతా చెక్ చేసుకోండి..
ఈ పోస్టర్‌లో 17 నవంబర్‌ రోజు సాయంత్రం 6 గంటల 03 నిమిషాలకు ట్రైలర్ విడుదల చేయబోతున్నట్లుగా మేకర్స్ ప్రకటించారు. ఇక ఈ పోస్టర్‌లో గన్‌ను భుజన వేసుకుని మాసివ్, ఫైర్‌ లుక్‌తో.. తనదైన స్వాగ్‌తో ఐకాన్‌స్టార్‌ అల్లు అర్జున్ నడిచొస్తున్న స్టిల్‌ చూస్తుంటే.. ఫ్యాన్స్‌కి గూజ్‌బంప్స్‌ ఖాయం. ప్రస్తుతం ఒకవైపు చివరి దశలో వున్న చిత్రీకరణతో పాటు మరో వైపు నిర్మాణానంతర పనులను ఈ చిత్రం జరుపుకుంటోంది. అల్లు అర్జున్ సరసన రష్మిక మందన్నా హీరోయిన్‌గా నటించిన ఈ సినిమాలో ఫహాద్‌ ఫాజిల్‌, రావు రమేష్‌, సునీల్‌, అనసూయ భరద్వాజ్‌ తదితరులు ఇతర ముఖ్య పాత్రల్లో నటిస్తున్నారు.