Matka: మరో ఆర్టిస్ట్ పాత్రని పరిచయం చేశారు.. ఎవరో గుర్తు పట్టారా?
ABN, Publish Date - Oct 29 , 2024 | 09:54 PM
మెగా ప్రిన్స్ వరుణ్ తేజ్ మోస్ట్ ఎవైటెడ్ మూవీ ‘మట్కా’ ప్రమోషన్స్ యమా జోరుగా నడుస్తున్నాయి. ఒకవైపు మ్యూజిక్ ప్రమోషన్స్ నిర్వహిస్తూనే.. మరో వైపు చిత్రంలోని పాత్రలను పరిచయం చేస్తున్నారు. తాజాగా ఈ మూవీలో ఓ కీలక పాత్ర పోషిస్తున్న ఆర్టిస్ట్ ఫస్ట్ లుక్‌ని మేకర్స్ వదిలారు. ఆ వివరాల్లోకి వెళితే..
మెగా ప్రిన్స్ వరుణ్ తేజ్ (Mega Prince Varun Tej) మోస్ట్ ఎవైటెడ్ మూవీ ‘మట్కా’ (Matka) ప్రమోషన్స్ యమా జోరుగా నడుస్తున్నాయి. ఒకవైపు మ్యూజిక్ ప్రమోషన్స్ నిర్వహిస్తూనే.. మరో వైపు చిత్రంలోని పాత్రలను పరిచయం చేస్తున్నారు. నవంబర్ 14న విడుదలకు సిద్ధమవుతోన్న ఈ చిత్రాన్ని వైర ఎంటర్‌టైన్‌మెంట్స్, SRT ఎంటర్‌టైన్‌మెంట్స్‌పై డాక్టర్ విజయేందర్ రెడ్డి తీగల, రజనీ తాళ్లూరి నిర్మిస్తున్నారు. ఈ చిత్రానికి కరుణ కుమార్ (Karuna Kumar) దర్శకత్వం వహిస్తున్నారు. ఈ మూవీకి సంబంధించి ఇప్పటికే విడుదలైన టీజర్, ఫస్ట్ అండ్ సెకండ్ సింగిల్స్ హ్యుజ్ బజ్ క్రియేట్ చేశాయి. తాజాగా ఈ మూవీలోని మరో ఆర్టిస్ట్‌ని మేకర్స్ పరిచయం చేశారు.
Also Read-Allu Arjun: ‘అయాన్‌.. నా గొడ్డలి ఎప్పుడు తీసుకెళ్లావ్‌’ బన్నీ వైరల్ పోస్ట్‌
ఈ సినిమాలో ప్రతి పాత్రకు చాలా ప్రాముఖ్యత ఉంటుందనేలా టీజర్ క్లారిటీ ఇచ్చేసింది. ఈ సినిమాలో నారాయణ మూర్తిగా నటిస్తోన్న పి రవిశంకర్ (P Ravi Shankar) ఫస్ట్ లుక్‌ని మంగళవారం మేకర్స్ రిలీజ్ చేశారు. కథలో రవిశంకర్ క్యారెక్టర్ చాలా కీలకంగా ఉండబోతోందని తెలుస్తోంది. ఇందులో ఆయన రూత్ లెస్ జైలర్‌గా కనిపించబోతున్నారు. ఇంటెన్స్ లుక్‌లో రెండు చేతుల్లో రెండు గన్స్ పట్టుకొని కనిపించిన రవిశంకర్ ఫస్ట్ లుక్ ఇంట్రస్టింగ్‌గా వుంది. ఈ ఫస్ట్ లుక్ పోస్టర్ ప్రస్తుతం వైరల్ అవుతోంది.
ఈ చిత్రంలో మీనాక్షి చౌదరి, నోరా ఫతేహి హీరోయిన్లుగా నటిస్తున్నారు. నవీన్ చంద్ర, అజయ్ ఘోష్, కన్నడ కిషోర్, రవీంద్ర విజయ్ ఇతర కీలక పాత్రలు పోషిస్తున్నారు. ఈ చిత్రానికి సంగీతం జివి ప్రకాష్ కుమార్ అందించగా, ఎ కిషోర్ కుమార్ సినిమాటోగ్రఫీ అందిస్తున్నారు. కార్తీక శ్రీనివాస్ ఆర్ ఎడిటర్‌గా బాధ్యతలను నిర్వహిస్తున్నారు. ఈ సినిమాపై వరుణ్ తేజ్ చాలా నమ్మకంగా ఉన్నారు. ఎందుకంటే, ఆయనకి ఇప్పుడు హిట్ ఎంతో ముఖ్యం.