Amaran: శివకార్తికేయన్‌కు నేచురల్ స్టార్ నాని హెల్ప్
ABN, Publish Date - Oct 23 , 2024 | 10:58 PM
ప్రిన్స్ శివకార్తికేయన్ మల్టీలింగ్వల్ బయోగ్రాఫికల్ యాక్షన్ మూవీ ‘అమరన్’. రాజ్‌కుమార్ పెరియసామి దర్శకత్వం వహిస్తున్న ఈ చిత్రాన్ని ఉలగనాయగన్ కమల్ హాసన్, R. మహేంద్రన్, సోనీ పిక్చర్స్ ఇంటర్నేషనల్ ప్రొడక్షన్స్, గాడ్ బ్లెస్ ఎంటర్‌టైన్‌మెంట్‌తో కలిసి నిర్మిస్తున్నారు. తాజాగా ఈ చిత్ర థియేట్రికల్ ట్రైలర్‌ని మేకర్స్ విడుదల చేశారు. ఈ ట్రైలర్ ఎలా ఉందంటే..
ప్రిన్స్ శివకార్తికేయన్ (Sivakarthikeyan) మల్టీలింగ్వల్ బయోగ్రాఫికల్ యాక్షన్ మూవీ ‘అమరన్’. రాజ్‌కుమార్ పెరియసామి దర్శకత్వం వహిస్తున్న ఈ చిత్రాన్ని ఉలగనాయగన్ కమల్ హాసన్, R. మహేంద్రన్, సోనీ పిక్చర్స్ ఇంటర్నేషనల్ ప్రొడక్షన్స్, గాడ్ బ్లెస్ ఎంటర్‌టైన్‌మెంట్‌తో కలిసి నిర్మిస్తున్నారు. దీపావళి కానుకగా అక్టోబర్ 31న ఈ చిత్రం ప్రేక్షకుల ముందుకు రానుంది. చిత్ర ప్రమోషన్స్‌లో భాగంగా బుధవారం ఈ చిత్ర థియేట్రికల్ ట్రైలర్‌ను నేచురల్ స్టార్ నాని (Natural Star Nani) ఆవిష్కరించి.. చిత్రయూనిట్‌కు శుభాకాంక్షలు తెలిపారు. (Amaran Trailer Released)
Also Read-Pushpa 2 The Rule: ఒక రోజు ముందే థియేటర్లలోకి..
ట్రైలర్ విషయానికి వస్తే.. ఈ ట్రైలర్ ఇండియన్ ఆర్మీ ఆఫీసర్ అమరవీరుడు మేజర్ ముకుంద్ వరదరాజన్ స్ఫూర్తిదాయకమైన జీవితాన్ని పరిచయం చేస్తుంది. మేజర్ ముకుంద్, అతని కుమార్తె హార్ట్ టచ్చింగ్ ఫుటేజ్‌తో ట్రైలర్ ప్రారంభమైంది. మేజర్ ముకుంద్ వరదరాజన్ పాత్రలో శివకార్తికేయన్, అతని భార్యగా సాయి పల్లవి, ఆన్-స్క్రీన్ డాటర్ క్యారెక్టర్స్‌లోకి ట్రైలర్ నేచురల్‌గా ట్రాన్స్ ఫర్మేన్షన్ అవ్వడం కట్టిపడేసింది. తన దేశానికి సేవ చేయడంలో మేజర్ ముకుంద్ నిబద్ధత గూస్ బంప్స్ తెప్పించేలా పిక్చరైజ్ చేశారు. ట్రైలర్‌లో ధైర్యం, త్యాగం థీమ్స్‌తో పాటు మేజర్ ముకుంద్ సైనిక జీవితం, ఫ్యామిలీ బాండింగ్‌ని చక్కగా ప్రజెంట్ చేశారు.
‘అమరన్’ మేజర్ ముకుంద్ చేసిన త్యాగాలకు గొప్ప ట్రిబ్యూట్‌గా వుంటుందని ఈ ట్రైలర్ ప్రామిస్ చేస్తోంది. శివకార్తికేయన్ బ్రిలియంట్ పెర్ఫార్మెన్స్ ఇచ్చారు. క్యారెక్టర్‌కి పర్ఫెక్ట్‌గా ఫిట్ అయ్యారు. సాయి పల్లవి మరో అద్భుతమైన పాత్రతో ప్రేక్షకుల ముందుకు రాబోతోంది. సాంకేతికంగా చాలా ఉన్నతంగా ఉందీ ట్రైలర్. కాలు ఊడిపడే ఓ షాట్ అయితే రియల్‌గా పిక్చరైజ్ చేసినట్లుగా చూస్తున్న ప్రేక్షకులకు షాకింగ్‌గా అనిపించింది. సిహెచ్ సాయి అందించిన విజువల్స్ అద్భుతంగా వున్నాయి. జి.వి.ప్రకాష్ కుమార్ బీజీఎం ఎక్స్‌ట్రార్డినరీ‌గా వుంది. రాజ్‌కుమార్ పెరియసామి దేశభక్తి, కుటుంబ భావోద్వేగాలను పర్ఫెక్ట్‌గా బ్యాలెన్స్ చేశారు. ప్రస్తుతం ఈ ట్రైలర్ టాప్‌లో ట్రెండ్ అవుతోంది. హీరో నితిన్‌కి చెందిన శ్రేష్ట్ మూవీస్ బ్యానర్ తెలుగులో ఈ చిత్రాన్ని గ్రాండ్‌గా విడుదల చేయనుంది.