టార్గెట్‌ రెండు సార్లు మిస్‌ అయింది..
ABN, Publish Date - Nov 12 , 2024 | 06:32 AM
‘టార్గెట్‌ రెండు సార్లు మిస్‌ అయింది. ఈ సారి మాత్రం గట్టిగా కొడతా.నేను మాములుగా మాటలు చెప్పే వ్యక్తిని కాదు. కానీ ‘మట్కా’ చూసి నమ్మకంతో చెబుతున్నా. ఈ సినిమా మీ అందరినీ అలరిస్తుంది’ అని చెప్పారు వరుణ్‌తేజ్‌...
ఈ సారి గట్టిగా కొడతా
‘టార్గెట్‌ రెండు సార్లు మిస్‌ అయింది. ఈ సారి మాత్రం గట్టిగా కొడతా.నేను మాములుగా మాటలు చెప్పే వ్యక్తిని కాదు. కానీ ‘మట్కా’ చూసి నమ్మకంతో చెబుతున్నా. ఈ సినిమా మీ అందరినీ అలరిస్తుంది’ అని చెప్పారు వరుణ్‌తేజ్‌. ఆయన హీరోగా నటించిన ‘మట్కా’ చిత్రం ఈ నెల 14న విడుదల కానుంది. ఈ సందర్భంగా ఆదివారం సాయంత్రం వైజాగ్‌లో నిర్వహించిన ప్రీ రిలీజ్‌ ఈవెంట్‌లో వరుణ్‌తేజ్‌ మాట్లాడుతూ ‘ఒక మాస్‌ సినిమా చేద్దాం.. అందరికీ నచ్చే చిత్రం చేద్దాం అనుకుంటున్న తరుణంలో దర్శకుడు కరుణకుమార్‌ ‘మట్కా’ కథతో వచ్చారు. ఆయనతో కలసి పని చేయడం నిజంగా నా అదృష్టం. సినిమా రిలీజ్‌ అయిన తర్వాత అందరూ ఆయన గురించి మాట్లాడుకుంటారు.ప్రతి సినిమా రిలీజ్‌ ముందు ఓ టెన్షన్‌ ఉంటుంది. అలా టెన్షన్‌ పడుతున్నప్పుడు రామ్‌చరణ్‌ అన్నయ్య ఫోన్‌ చేసి ఎమోషనల్‌ సపోర్ట్‌ ఇచ్చారు’ అంటూ ఈ చిత్ర నిర్మాతలకు,
నటించిన నటీనటులకు పేరుపేరునా కృతజ్ఞతలు తెలిపారు. ఈ సినిమా తర్వాత వరుణ్‌ తేజ్‌ పరిశ్రమలోని టాప్‌ మాస్‌ హీరోల్లో ఒకరవుతారని నిర్మాతల్లో ఒకరైన రామ్‌ తాళ్లూరి చెప్పారు. ‘వైజాగ్‌కు ఓ చరిత్ర ఉంది. అందులో ఓ భాగాన్ని ఈ సినిమాగా చూపిద్దాం అనుకున్నాను. వైజాగ్‌లో ఒకప్పుడు జరిగిన కథ ఇది. కథ వినగానే ఫస్ట్‌ సిట్టింగ్‌లోనే వరుణ్‌తేజ్‌ ఓకే చేశారు. మనిషిలోని మంచీచెడు గురించి మాట్లాడే సినిమా ఇది’ అని దర్శకుడు కరుణకుమార్‌ చెప్పారు. చరిత్రలో నిలిచిపోయే సినిమా ఇదనీ, మెగాఫ్యాన్స్‌ తొడ కొట్టి చెప్పవచ్చని మరో నిర్మాత డాక్టర్‌ విజయేందర్‌ రెడ్డి చెప్పారు.