కుబేరుడి కొత్త లుక్‌
ABN, Publish Date - Nov 13 , 2024 | 04:32 AM
ధనుష్‌, నాగార్జున హీరోలుగా శేఖర్‌ కమ్ముల దర్శకత్వంలో తెరకెక్కుతోన్న మల్టీస్టారర్‌ ‘కుబేర’. సంపద చుట్టూ అల్లుకున్న కథతో యాక్షన్‌ థ్రిల్లర్‌గా రూపుదిద్దుకుంటున్న చిత్రమిది....
ధనుష్‌, నాగార్జున హీరోలుగా శేఖర్‌ కమ్ముల దర్శకత్వంలో తెరకెక్కుతోన్న మల్టీస్టారర్‌ ‘కుబేర’. సంపద చుట్టూ అల్లుకున్న కథతో యాక్షన్‌ థ్రిల్లర్‌గా రూపుదిద్దుకుంటున్న చిత్రమిది. మంగళవారం నాగార్జున పోస్టర్‌ను యూనిట్‌ విడుదల చేసింది. తన చుట్టూ సంపదను ప్రతిబింబించే వస్తువులు ఎన్ని ఉన్నా జీవితంలో విలువైనదేదో కోల్పోయునట్లు విషాదంగా కనిపించారు నాగార్జున. ‘‘కుబేర’ చిత్రీకరణ చివరి దశలో ఉంది. పాటల చిత్రీకరణ మిగిలి ఉంది. నిర్మాణానంతర కార్యక్రమాలు శరవేగంగా సాగుతున్నాయి. ఈ నెల 15న ‘కుబేర’ ఫస్ట్‌ గ్లింప్స్‌ను విడుదల చేస్తాం’ అని యూనిట్‌ తెలిపింది. ఈ చిత్రంలో రష్మిక మందన్న కథానాయిక. సునీల్‌ నారంగ్‌, పుస్కూర్‌ రామ్‌ మోహన్‌రావు నిర్మిస్తున్నారు. సంగీతం: దేవిశ్రీ ప్రసాద్‌.