Jewel Thief: సూపర్ స్టార్ కృష్ణ డై హార్డ్ ఫ్యాన్ సినిమా.. విడుదలకు రెడీ
ABN, Publish Date - Oct 26 , 2024 | 09:25 PM
సూపర్ స్టార్ కృష్ణ డై హార్డ్ ఫ్యాన్ కృష్ణసాయి హీరోగా తెరకెక్కిన చిత్రం ‘జ్యువెల్ థీఫ్’. ఇటీవల ఈ సినిమాకు సంబంధించి విడుదలైన ట్రైలర్, పాటలు మంచి స్పందనను రాబట్టుకోగా.. తాజాగా చిత్ర హీరో ఈ మూవీ విడుదలకు సంబంధించిన వివరాలను తెలియజేశారు.
సూపర్ స్టార్ కృష్ణ డై హార్డ్ ఫ్యాన్ కృష్ణసాయి హీరోగా తెరకెక్కిన చిత్రం ‘జ్యువెల్ థీఫ్’ (Jewel Thief). ‘Beware of Burglar’ అనేది స‌బ్ టైటిల్. మీనాక్షి జైస్వాల్ హీరోయిన్. శ్రీ విష్ణు గ్లోబల్ మీడియా బ్యానర్‌పై పీఎస్ నారాయణ దర్శకత్వంలో మల్లెల ప్రభాకర్ ఈ చిత్రాన్ని నిర్మిస్తున్నారు. ఎంఎం శ్రీలేఖ సంగీతం అందించారు. ఇటీవల ఆదిత్య మ్యూజిక్ ద్వారా విడుదలైన పాటలు మంచి స్పందనను రాబట్టుకోగా.. తాజాగా ఈ మూవీ అప్డేట్‌ను మేకర్స్ తెలియజేశారు. పోస్ట్ ప్రోడక్షన్ వర్క్ కంప్లీట్ చేసుకున్న ఈ మూవీ సెన్సార్ కార్యక్రమాలను కూడా పూర్తి చేసుకుని విడుదలకు సిద్ధమైంది.
Also Read- Nandamuri Balakrishna: తెలంగాణలో ‘బాలకృష్ణ ఫిలిం స్టూడియో’.. నిజమేనా?
ఈ సందర్భంగా హీరో కృష్ణసాయి మాట్లాడుతూ.. సూపర్ స్టార్ కృష్ణ అభిమానిని నేను. ఆయన స్ఫూర్తితో సినీ ఇండస్ట్రీలోకి అడుగుపెట్టాను. ‘జ్యువెల్ థీఫ్’ అనే మంచి కథతో ప్రేక్షకుల ముందుకొస్తున్నాను. ఇటీవల విడుదల చేసిన పాటలకు చాలా మంచి స్పందన వచ్చింది. బ్యాంకాక్, థాయిలాండ్‌లో పాటలను చిత్రీకరించాం. ప్రస్తుతం సినిమా సెన్సార్ కార్యక్రమాలు కూడా పూర్తయ్యాయి. సెన్సార్ బోర్డు వారు మా సినిమాకు యూబైఏ స‌ర్టిఫికెట్ జారీ చేశారు.
అంతేకాదు, సెన్సార్ సభ్యుల ప్ర‌శంస‌లు సినిమాపై మరింతగా కాన్ఫిడెంట్‌ని పెంచాయి. ‘జ్యువెల్ థీఫ్’ ఓ సస్పెన్స్ థ్రిల్ల‌ర్. ఈ త‌రం ప్రేక్ష‌కుల‌కు బాగా న‌చ్చుతుంది. ఎంఎం శ్రీలేఖ అందించిన మ్యూజిక్ ఈ సినిమాకు హైలెట్‌గా ఉంటుంది. ఒక‌ప్ప‌టి హీరో హీరోయిన్లు అయిన వినోద్ కుమార్, ప్రేమగారితో క‌లిసి ఈ సినిమా చేయ‌డం చాలా సంతోషంగా ఉంది. సినిమాను నవంబర్ 8న విడుదల చేయడానికి సన్నాహాలు చేస్తున్నామని తెలిపారు. వినోద్ కుమార్, ప్రేమ, అజయ్, 30 ఇయర్స్ పృథ్వి, శివారెడ్డి, శ్రావణి, శ్వేతరెడ్డి తదితరులు ఈ సినిమా ఇతర పాత్రల్లో నటించారు.