Kiran Abbavaram: ఏ హీరోకైనా.. ఒక్క శుక్రవారం చాలు

‘క’ సినిమా విడుదలకు ముందు ఫైర్ స్పీచ్ ఇచ్చిన కిరణ్ అబ్బవరం మరోసారి ‘క’ సక్సెస్ మీట్‌లో సంచలన వ్యాఖ్యలు చేశారు. ఒక్క శుక్రవారం చాలు హీరోల తలరాత మార్చడానికి అన్నట్లుగా చెబుతూ.. సినిమా విడుదలకు ముందు నెగిటివ్ కామెంట్స్ చేసిన వారికి కౌంటర్ ఇచ్చారు. ఇంకా కిరణ్ ఏమన్నారంటే..

ఏ హీరోనూ అతని మార్కెట్‌ను బట్టి డిసైడ్ చేయవద్దు.. ఎందుకంటే ఒక్క శుక్రవారం చాలు ఆ నెంబర్స్ మారిపోవడానికి.. అని అన్నారు హీరో కిరణ్ అబ్బవరం (Kiran Abbavaram). ఆయన హీరోగా నటించిన లేటెస్ట్ మూవీ ‘క’ (Ka Movie). దీపావళి కానుకగా వచ్చిన ఈ సినిమా బాక్సాఫీస్ వద్ద బ్లాక్‌బస్టర్ సక్సెస్‌ను సొంతం చేసుకుని విజయవంతంగా థియేటర్లలో ప్రదర్శితమవుతోంది. ఇప్పటికే ఈ సినిమాను దీపావళి విన్నర్‌గా ట్రేడ్ వర్గాలు సైతం డిక్లేర్ చేశాయి. ఆడియెన్స్ నుంచి వస్తోన్న సూపర్బ్ స్పందనతో ‘క’ సినిమా దిగ్విజయంగా రెండో వారంలోకి అడుగుపెడుతోన్న సందర్భాన్ని పురస్కరించుకుని తాజాగా మేకర్స్ గ్రాండ్ సక్సెస్ మీట్‌ను హైదరాబాద్‌లో నిర్వహించారు. (Ka Movie Success Meet)

Also Read-Dil Raju: మిమ్మల్ని మీరే ప్రూవ్ చేసుకోవాలి.. ఎవడూ మీ వెంట రాడు

ఈ కార్యక్రమంలో హీరో కిరణ్ అబ్బవరం మాట్లాడుతూ.. మా ‘క’ సక్సెస్ మీట్‌కు వచ్చి బ్లెస్ చేసిన పెద్దలకు.. మా మూవీని ఇంత పెద్ద సక్సెస్ చేసిన ప్రేక్షక దేవుళ్లకు కృతజ్ఞతలు. నాపై ప్రేమ చూపిస్తున్న ప్రతి ఒక్కరినీ గుర్తుంచుకుంటాను. ‘క’ రిలీజ్‌కు ముందు నెగిటివ్‌గా మాట్లాడిన వారు 99 పర్సెంట్ ఉండేవారు. పెద్ద సినిమాల మధ్య మీ సినిమా ఎందుకు అన్నవారూ ఉన్నారు. మంచి మూవీ అని చెప్పినా ఎవరూ నమ్మలేదు. కానీ మేము చెప్పిన విషయాన్ని ఇప్పుడు ప్రేక్షకులే నిజం చేశారు. మా టీమ్ అందరికీ ఈ మూవీ సక్సెస్ క్రెడిట్ ఇస్తాను. సక్సెస్ ఫెయిల్యూర్స్ నా ఒంటికి పట్టవేమో, అందుకే ఫెయిల్యూర్, సక్సెస్‌కు ఒకేలా రియాక్ట్ అవుతున్నాను. నాకు సక్సెస్ కంటే నా జర్నీ ముఖ్యం. ఈ జర్నీనే సంతృప్తినిస్తోంది. మరెంతో మంది కొత్త దర్శకులను పరిచయం చేయాలి. ఒక్కటి మాత్రం చెబుతున్నాను.. ఏ హీరోనూ అతని మార్కెట్‌ను బట్టి డిసైడ్ చేయవద్దు.. ఒక్క శుక్రవారం చాలు ఆ నెంబర్స్ మారిపోవడానికి. మా మూవీని ఆదరిస్తున్న వాళ్లను పర్సనల్‌గా వచ్చి కలుస్తాను. మీ ప్రోత్సాహంతో మరిన్ని మంచి మూవీస్ చేస్తానని అన్నారు.

Also Read- కుమారుడి పెళ్లిలో కన్నీటితో కూలబడిన స్టార్ యాక్టర్

ముఖ్య అతిథిగా హాజరైన సందీప్ కిషన్ మాట్లాడుతూ.. కిరణ్ నటించిన ‘రాజావారు రాణిగారు’ సినిమా తర్వాత మళ్లీ ‘క’ మూవీ ఫంక్షన్‌కు వచ్చాను. తన కెరీర్‌ను మొదటి నుంచీ చూస్తున్నా.. మంచి సక్సెస్‌లు అందుకున్నాడు. మధ్యలో రెండు మూడు సినిమాలు ఫెయిల్ అయినప్పుడు చాలా కామెంట్స్ వచ్చాయి. ఒకరి ఫెయిల్యూర్‌ను ఇంతగా సంతోషపడతారా అనిపించింది. ఇలాంటి నెగిటివిటీని తట్టుకుని ఈరోజు ‘క’ వంటి సూపర్ హిట్ సినిమా చేశాడు. ఆ సినిమాను పండక్కి రిలీజ్ చేసి ప్రేక్షకుల దగ్గరకు తీసుకెళ్లాడు. కిరణ్‌ను చూస్తుంటే గర్వంగా ఉంది. ఎంతో మందికి తను స్ఫూర్తి. ఈరోజు ప్రేక్షకులు మంచి సినిమా చేసిన వారిని తప్పకుండా ఆదరస్తున్నారు. దర్శకులు సుజీత్, సందీప్ గురించి ప్రశంసలు వస్తున్నాయి. మీరిద్దరు రాజ్ డీకే అంత పేరు తెచ్చుకోవాలి. ‘క’ టీమ్ అందరికీ నా కంగ్రాట్స్ అని చెప్పుకొచ్చారు.

Also Read-Mahesh Babu: మహేష్ బాబుకి తేజ సజ్జా, రానా ఎందుకు సారీ చెప్పాలి

Also Read-కేతిక శర్మ: బరువెక్కిన అందాలు.. జారుతున్న హృదయాలు

-మరిన్ని సినిమా వార్తల కోసం ఇక్కడ క్లిక్ చేయండి