Chandudu: ‘కన్నప్ప’లో భిల్ల జాతి అధినేత ‘చండుడు’‌గా ఎవరంటే..

హీరో విష్ణు మంచు డ్రీమ్ ప్రాజెక్ట్ ‘కన్నప్ప’ నుంచి మరో అప్డేట్ వచ్చేసింది. మేకర్స్ చెప్పినట్టుగానే విష్ణు మంచు తన చిత్రం నుంచి ప్రతీ సోమవారం ఒక అప్డేట్‌ను వదులుతున్నారు. ‘కన్నప్ప’ సినిమాలో విభిన్న పాత్రలలో నటించిన దిగ్గజ నటీనటుల పోస్టర్‌లను రిలీజ్ చేస్తూ క్యూరియాసిటీ పెంచుతున్న విషయం తెలిసిందే. ఈ చిత్రంలో నటుడు సంపత్ పోషించిన ‘చండుడు’కు సంబంధించిన ఫస్ట్ లుక్ పోస్టర్‌ను మేకర్స్ రిలీజ్ చేశారు.

హీరో విష్ణు మంచు (Vishnu Manchu) డ్రీమ్ ప్రాజెక్ట్ ‘కన్నప్ప’ (Kannappa) నుంచి మరో అప్డేట్ వచ్చేసింది. మేకర్స్ చెప్పినట్టుగానే విష్ణు మంచు తన చిత్రం నుంచి ప్రతీ సోమవారం ఒక అప్డేట్‌ను వదులుతున్న విషయం తెలిసిందే. ‘కన్నప్ప’ సినిమాలో విభిన్న పాత్రలలో నటించిన దిగ్గజ నటీనటుల పోస్టర్‌లను రిలీజ్ చేస్తూ క్యూరియాసిటీ పెంచుతూ వస్తున్నారు. ఇప్పటికే ఈ చిత్రం నుంచి మధుబాల, శరత్ కుమార్, దేవరాజ్ వంటి వారు పోషించిన పాత్రలకు సంబంధించిన పోస్టర్‌లను రిలీజ్ చేసి మేకర్స్ ‘కన్నప్ప’ సినిమా స్టాండర్ట్స్ ఎలా ఉండబోతున్నాయో అనేది హింట్ ఇస్తూ వస్తున్నారు. (Chandudu Character Look Poster From Kannappa Out)

Also Read- Avika Gor: ఇంత తక్కువ సమయంలో ఇలాంటి అవకాశం వస్తుందనుకోలేదు!

తాజాగా ఈ చిత్రంలో నటుడు సంపత్ (Sampath) పోషించిన పాత్రకు సంబంధించిన ఫస్ట్ లుక్ పోస్టర్‌ను రిలీజ్ చేశారు. అడివినే భయాభ్రాంతులకు గురి చేసే భీకర జాతి.. నల్ల కనుమ నేలలో పుట్టారు.. మొసళ్ల మడుగు నీరు తాగి పెరిగారు.. భిల్ల జాతి అధినేత ‘చండుడు’ (Chandudu) అంటూ సంపత్ పాత్రకు సంబంధించిన భీకరమైన పోస్టర్‌ను మేకర్స్ రిలీజ్ చేశారు. నటుడు సంపత్ ఈ పాత్రలో నిజంగానే భయపెట్టేలా ఉన్నారు. ఆయన గెటప్ కూడా చాలా కొత్తగా కనిపిస్తోంది. ఆయన కెరీర్‌లోనే ఈ పాత్ర ఓ గొప్ప మైలురాయిగా నిలిచిపోతుందని మేకర్స్ చెబుతుండటం చూస్తుంటే.. సినిమాలో అతని పాత్ర చాలా కీలకం అనేది అర్థమవుతోంది.

టాలీవుడ్ ప్రెస్టీజీయస్ ప్రాజెక్ట్‌గా రూపుదిద్దుకుంటోన్న ‘కన్నప్ప’ చిత్రంలో డా.మోహన్ బాబు, మోహన్ లాల్, ప్రభాస్, బ్రహ్మానందం, బాలీవుడ్ స్టార్ హీరో అక్షయ్ కుమార్ వంటివారంతా భాగమైన సంగతి తెలిసిందే. ‘కన్నప్ప’ సినిమాటిక్ ఎక్స్‌పీరియెన్స్ ఇచ్చే విజువల్ వండర్‌గా తెరకెక్కుతోంది. ఎంతో అంకితభావంతో విష్ణు మంచు ఈ పాత్రను పోషిస్తున్నారు. మోహన్ బాబు నిర్మిస్తున్న ఈ చిత్రాన్ని ముఖేష్ కుమార్ సింగ్ డైరెక్ట్ చేస్తున్నారు. ఈ పాన్ ఇండియా ప్రాజెక్ట్ షూటింగ్ ప్రస్తుతం చివరి దశకు చేరుకుంది. త్వరలోనే షూటింగ్ పూర్తి చేసి ప్రమోషన్ కార్యక్రమాలపై మేకర్స్ దృష్టి పెట్టనున్నారు. డిసెంబర్‌లో ఈ సినిమాను ప్రేక్షకుల ముందుకు తీసుకువచ్చేందుకు సన్నాహాలు చేస్తున్నారు. (Kannappa Latest Update)

Read Latest Cinema News