Kalingaraju: హిట్ కాంబినేషన్ రిపీట్.. ‘కళింగరాజు’ ఫస్ట్ లుక్
ABN, Publish Date - Mar 13 , 2024 | 05:59 PM
నాటకం సినిమాతో హీరోగా ఆశిష్ గాంధీ, దర్శకుడిగా కళ్యాణ్ జీ గోగణకు మంచి పేరు వచ్చిన సంగతి తెలిసిందే. మళ్లీ ఈ ఇద్దరూ కలిసి ఓ ప్రాజెక్ట్ను చేయడం విశేషం. ఈ చిత్రానికి ‘కళింగరాజు’ అనే టైటిల్ను ఫిక్స్ చేశారు.
నాటకం సినిమాతో హీరోగా ఆశిష్ గాంధీ (Ashish Gandhi), దర్శకుడిగా కళ్యాణ్ జీ గోగణ (kalyanji gogana)కు మంచి పేరు వచ్చిన సంగతి తెలిసిందే. మళ్లీ ఈ ఇద్దరూ కలిసి ఓ ప్రాజెక్ట్ను చేయడం విశేషం. ఆశిష్ గాంధీ, కళ్యాణ్ జీ గోగణ కాంబోలో రిజ్వాన్ ఎంటర్టైన్మెంట్స్, శ్రీ స్పెక్ట్రమ్ స్టూడియోస్, సుందరకాండ మోషన్ పిక్చర్స్, కళ్యాణ్ జీ కంటెంట్ పిక్చర్స్ సంయుక్తంగా నిర్మిస్తున్న చిత్రానికి ‘కళింగరాజు’ (Kalinga Raju) అనే టైటిల్ను ఫిక్స్ చేశారు. టైటిల్తో పాటుగా ఫస్ట్ లుక్ను విడుదల చేశారు. కళ్యాణ్జీ గోగణ, ఆశిష్ గాంధీ కాంబోలో వస్తున్న ‘కళింగరాజు’ చిత్రాన్ని రిజ్వాన్, శ్రీ సాయి దీప్ చాట్ల (SRI SAI DEEP CHATLA) సంయుక్తంగా నిర్మిస్తున్నారు.
‘కళింగరాజు’ (Kalinga Raju) మూవీకి సంబంధించిన టైటిల్, ఫస్ట్ లుక్ను బుధవారం నాడు లాంచ్ చేశారు. ఈ మేరకు రిలీజ్ చేసిన ఫస్ట్ లుక్ పోస్టర్ అందరినీ ఆకట్టుకుంటోంది. ఇందులో ఊరి వాతావరణం కనిపిస్తోంది. ఇక ఆశిష్ గాంధీ కుర్చీ మీద కూర్చున్న తీరు, రక్తంతో తడిచిన ఆ కత్తి, రక్తపు మరకలతో కూడిన ఆ పాల క్యాన్ ఇదంతా చూస్తుంటే సినిమా అంతా రా అండ్ రస్టిక్గా ఉండేలా కనిపిస్తోంది.
ఈ చిత్రానికి సురేష్ బొబ్బిలి (Suresh Bobbili) సంగీతాన్ని అందిస్తున్నారు. 90s వెబ్ సిరీస్తో సురేష్ బొబ్బిలి ఈ మధ్య ఎంతగా ట్రెండ్ అయ్యారో అందరికీ తెలిసిందే. చోటా కే ప్రసాద్ (Chota K Prasad) ఎడిటర్గా వ్యవహరిస్తున్నారు. కెమెరామెన్, దర్శకుడిగానూ సత్తా చాటుతున్న గరుడవేగ అంజి ఈ చిత్రానికి సినిమాటోగ్రఫీ అందిస్తుండటం విశేషం. రాకేందు మౌళి (Rakendu Mouli) పాటలు రచించారు.