కుందాపూర్‌లో కదంబ సామ్రాజ్యం
ABN, Publish Date - Nov 19 , 2024 | 06:18 AM
భారీ నిర్మాణ విలువలతో ప్రేక్షకులు మెచ్చే సినిమాలకు కేరాఫ్‌ అడ్ర్‌సగా మారిన హోంబలే ఫిల్మ్‌ సంస్థ ఇప్పుడు కాంతార చాప్టర్‌ వన్‌ని అందించనుంది. దాదాపు రెండేళ్ల క్రితం విడుదలై దేశవ్యాప్తంగా ప్రేక్షకులను అలరించిన కన్నడ చిత్రం ‘
భారీ నిర్మాణ విలువలతో ప్రేక్షకులు మెచ్చే సినిమాలకు కేరాఫ్‌ అడ్ర్‌సగా మారిన హోంబలే ఫిల్మ్‌ సంస్థ ఇప్పుడు కాంతార చాప్టర్‌ వన్‌ని అందించనుంది. దాదాపు రెండేళ్ల క్రితం విడుదలై దేశవ్యాప్తంగా ప్రేక్షకులను అలరించిన కన్నడ చిత్రం ‘కాంతార’కు ప్రీక్వెల్‌గా ‘కాంతారా చాప్టర్‌ వన్‌’ని రూపొందిస్తున్నారు. రిషబ్‌ శెట్టి నటిస్తూ దర్శకత్వం వహిస్తున్న ఈ సినిమా కోసం కుందాపూర్‌లో చారిత్రక కదంబ సామ్రాజాన్ని చిత్ర నిర్మాణ సంస్థ మళ్లీ సృష్టించింది. ఇక హీరో రిషబ్‌ శెట్టి కేరళ పురాతన యుద్ధ విద్యల్లో ఒకటైన కలరిపయట్టులో శిక్షణ పొంది, సినిమా కోసం సిద్ధమయ్యారు. ‘కాంతార చాప్టర్‌ వన్‌’ కొంకణ్‌ జానపద గొప్పతనాన్ని ప్రపంచానికి పరిచయం చేస్తుంది. గ్రిప్పింగ్‌ కథనం, అద్భుతమైన విజువల్స్‌ ప్రేక్షకుల్ని అలరిస్తాయి’ అని నిర్మాణ సంస్థ వెల్లడించింది. శరవేగంగా షూటింగ్‌ జరుపుకొంటున్న ఈ చిత్రాన్ని వచ్చే ఏడాది అక్టోబర్‌ 2న విడుదల చేయనున్నట్లు ప్రకటించింది.