Jathara: ‘జాతర’కు డేట్ ఫిక్సయింది..
ABN, Publish Date - Oct 25 , 2024 | 09:58 PM
ప్రస్తుతం కొత్త తరం ఇండస్ట్రీలోకి వచ్చి బాక్సాఫీస్ వద్ద మ్యాజిక్‌ను క్రియేట్ చేస్తున్నారు. అది ఈ మధ్య వస్తున్న చిన్న సినిమాల విజయాలను చూస్తుంటేనే అర్థమవుతుంది. ఈ క్రమంలో ‘జాతర’ అనే చిత్రంతో మరో కొత్త టీం ఇండస్ట్రీలోకి అడుగుపెట్టబోతోంది. తాజాగా ఈ మూవీ విడుదల తేదీని మేకర్స్ ప్రకటించారు.
ప్రస్తుతం కొత్త తరం ఇండస్ట్రీలోకి వచ్చి బాక్సాఫీస్ వద్ద మ్యాజిక్‌ను క్రియేట్ చేస్తున్నారు. అది ఈ మధ్య వస్తున్న చిన్న సినిమాల విజయాలను చూస్తుంటేనే అర్థమవుతుంది. మల్టీ టాలెంట్‌తో వస్తున్న యూత్ ఇండస్ట్రీలోకి కొత్త మేకింగ్, టేకింగ్‌ను తీసుకొస్తున్నారు. దర్శకత్వం, రచయిత, హీరోగా తమ తమ టాలెంట్‌లను చాటుకుంటున్న ఈ క్రమంలో ‘జాతర’ అనే చిత్రంతో మరో కొత్త టీం ఇండస్ట్రీలోకి అడుగుపెట్టబోతోంది. గల్లా మంజునాథ్ సమర్పణలో మూవీటెక్ ఎల్‌ఎల్‌సితో కలిసి రాధాకృష్ణ ప్రొడక్షన్ కంపెనీ పతాకంపై రాధాకృష్ణారెడ్డి, శివశంకర్ రెడ్డి నిర్మిస్తోన్న చిత్రం ‘జాతర’. సతీష్ బాబు రాటకొండ నటిస్తూ, దర్శకత్వం వహించిన ఈ చిత్రానికి సంబంధించి ఇది వరకు రిలీజ్ చేసిన ఫస్ట్ లుక్ అందరినీ ఆకట్టుకోగా.. తాజాగా మేకర్స్ రిలీజ్ డేట్‌ను ప్రకటించారు.
Also Read- NBK: అన్‌స్టాపబుల్ స్టేజ్‌పై బాలయ్య.. కానీ ఈ లుక్ ఏ సినిమాలోదో కనిపెట్టారా?
ఇంత వరకు ఎవ్వరూ టచ్ చేయని పాయింట్‌తో రగ్డ్‌గా, ఇంటెన్స్ డ్రామాతో ఈ ‘జాతర’ చిత్రం రాబోతోంది. చిత్తూరు జిల్లా బ్యాక్ డ్రాప్‌లో జరిగే జాతర నేపథ్యంలో తెరకెక్కిన ఈ సినిమాను నవంబర్ 8న థియేటర్లలోకి తీసుకురాబోతున్నట్లుగా తెలుపుతూ మేకర్స్ అధికారికంగా ఓ పోస్టర్ వదిలారు. ఈ పోస్టర్ సినిమాపై మరింత ఆసక్తిని క్రియేట్ చేస్తోంది. ఈ చిత్రంలో దీయా రాజ్ కథానాయికగా నటించగా.. ఆర్.కె. పిన్నపాల, గోపాల్ రెడ్డి, మహబూబ్ బాషా, సాయి విక్రాంత్ సహాయక పాత్రల్లో నటించారు. కె.వి. ప్రసాద్ సినిమాటోగ్రఫీ అందించిన ఈ చిత్రానికి శ్రీజిత్ ఎడవణ సంగీతం అందిస్తున్నారు. ఈ సినిమా గ్రాండ్‌గా విడుదల చేసేందుకు మేకర్స్ సన్నాహాలు చేస్తున్నారు.