అదిరే కలయిక కుదిరేనా?
ABN, Publish Date - Nov 11 , 2024 | 03:19 AM
బాలీవుడ్‌ వర్గాలు చెబుతున్నది నిజమైతే ఓ అరుదైన కలయికకు రంగం సిద్ధమైనట్లే. టాలీవుడ్‌ సంచలన దర్శకుడు నాగ్‌ అశ్విన్‌, అగ్రకథానాయిక అలియాభట్‌ కలయికలో ఓ పాన్‌ ఇండియా చిత్రం తెరకెక్కబోతోందనే వార్త...
బాలీవుడ్‌ వర్గాలు చెబుతున్నది నిజమైతే ఓ అరుదైన కలయికకు రంగం సిద్ధమైనట్లే. టాలీవుడ్‌ సంచలన దర్శకుడు నాగ్‌ అశ్విన్‌, అగ్రకథానాయిక అలియాభట్‌ కలయికలో ఓ పాన్‌ ఇండియా చిత్రం తెరకెక్కబోతోందనే వార్త హిందీ మీడియాలో ప్రముఖంగా వినిపిస్తోంది. నాగ్‌ అశ్విన్‌ మహిళా ప్రాధాన్య కథతో ఓ పాన్‌ ఇండియా చిత్రం చేయాలనుకుంటున్నారని, ఈ చిత్రాన్ని కూడా వైజయంతి మూవీస్‌ సంస్థ భారీ బడ్జెట్‌తో నిర్మించనున్నదని ఆ వార్తల సారాంశం. నాగ్‌ అశ్విన్‌ తన తర్వాతి చిత్రం కోసం ఒక శక్తిమంతమైన మహిళ కథను సిద్ధం చేశారట. భావోద్వేగాలను అలవోకగా పండించగల అలియా అయితే ఈ పాత్రకు న్యాయం చేయగలుగుతారని ఆయన భావించారట. ప్రస్తుతం ఈ ప్రాజెక్ట్‌పై అలియా, నాగ్‌అశ్విన్‌ మధ్య చర్చలు జరుగుతున్నాయట. త్వరలోనే అధికారిక ప్రకటన రావొచ్చని చెబుతున్నారు.
అలియా ప్రస్తుతం సంజయ్‌ లీలా భన్సాలీ దర్శకత్వం వహిస్తున్న ‘లవ్‌ అండ్‌ వార్‌’తో పాటు ‘ఆల్ఫా’ చిత్రంలో నటిస్తున్నారు. ప్రభాస్‌తో ‘కల్కి 2898 ఏడి’ చిత్రం రెండో భాగాన్ని నాగ్‌ అశ్విన్‌ సెట్స్‌పైకి తీసుకెళ్లాల్సి ఉంది.