వెయ్యేళ్ల కిందటి వీరుడి పాత్ర
ABN, Publish Date - Nov 12 , 2024 | 06:21 AM
సూర్య హీరోగా తెరకెక్కిన భారీ పీరియాడిక్‌ యాక్షన్‌ చిత్రం ‘కంగువ’. దిశా పటానీ, బాబీ డియోల్‌ కీలక పాత్రల్లో నటించారు. శివ దర్శకత్వంలో రూపొందిన ఈ చిత్రాన్ని కె.ఈ.జ్ఞానవేల్‌ రాజా, వంశీ, ప్రమోద్‌ నిర్మించారు. ఈనెల 14 సినిమా విడుదలవుతోంది...
సూర్య హీరోగా తెరకెక్కిన భారీ పీరియాడిక్‌ యాక్షన్‌ చిత్రం ‘కంగువ’. దిశా పటానీ, బాబీ డియోల్‌ కీలక పాత్రల్లో నటించారు. శివ దర్శకత్వంలో రూపొందిన ఈ చిత్రాన్ని కె.ఈ.జ్ఞానవేల్‌ రాజా, వంశీ, ప్రమోద్‌ నిర్మించారు. ఈనెల 14 సినిమా విడుదలవుతోంది. ఈ సందర్భంగా మూవీ హైలెట్స్‌ను మీడియాకు వివరించారు చిత్ర దర్శకుడు శివ. ‘కొన్ని స్ర్కిప్ట్స్‌ని జ్ఞానవేల్‌కి చెప్పినప్పుడు, వాటిలో ‘కంగువ’ ఆయనకు బాగా నచ్చింది. ఈ కథను హీరో సూర్యకు చెప్పమన్నారు. సూర్యకు స్ర్కిప్ట్‌ చెప్పాను. చాలా బాగుంది మూవీ చేద్దాం అని సూర్య అన్నారు. అలా ‘కంగువ’ జర్నీ మొదలైంది. త్రీడీ మూవీస్‌లో ‘కంగువ’ బెస్ట్‌ అవుతుంది. కంగువ, ఫ్రాన్సిస్‌ అనే రెండు పాత్రల్లో సూర్య కనిపిస్తారు. ‘కంగువ’ వెయ్యేళ్ల కిందటి వీరుడి పాత్ర. ఈ పాత్రకు హద్దులు లేవు. ఫ్రాన్సి్‌సను కొన్ని అంశాలతో కంట్రోల్‌ చేయవచ్చు. ఉధిరన్‌ అనే క్యారెక్టర్‌ను బాబీ డియోల్‌ చేస్తున్నారు. ‘కంగువ’లో ఒక కొత్త ప్రపంచాన్ని ప్రేక్షకులకు చూపించాలని ప్రయత్నించాం.
ఎందుకంటే ఇప్పటి ట్రెండ్‌లో ప్రేక్షకులు స్ర్కీన్‌ మీద కొత్త ప్రపంచాన్ని, నేపథ్యాన్ని చూసేందుకు ఇష్టపడుతున్నారు. ఈ మూవీకి దేవిశ్రీ ప్రసాద్‌ గొప్ప సంగీతాన్ని అందించారు. చిత్రంలో ఒక సర్‌ప్రైజింగ్‌ అతిథి పాత్ర ఉంటుంది. అది ‘కంగువ’ సీక్వెల్‌కు లీడ్‌ ఇస్తుంది. తెలుగు చిత్ర పరిశ్రమలో ప్రతి స్టార్‌ హీరోతో సినిమా చేయాలని ఉంది. నా దగ్గర ఇంట్రెస్టింగ్‌ స్ర్కిప్ట్స్‌ ఉన్నాయి. అవకాశం వస్తే తప్పకుండా తెలుగు స్టార్స్‌తో సినిమాలు చేస్తాను.